نفسك تركب عربيه ايه ؟ وايه اللى مش عاجبك فى عربيتك!

**toty_305** · 23-02-2013 03:02 PM

-نفسي أركب Mini COOPER S
-معايا أكسنت RB :- تعتبر عربيه منشره و ده مش عاجبني
-حاسس أنها مش هتستحمل معايا مده كبيرة لان في تزييق في الأبواب ابتدئ من دلوقتي و هي جديده لسه 15000 ألف بس
-محتاج عفشه أحسن من عفشه الهيونداي اللي كل 5000 لازم تربط عفشه
-محتاج عزل 100% عن البيئه الخارجيه البغيضه

و الحمدلله على كل شئ

**Ultramisho** · 25-02-2013 12:18 AM

خليني اقولك الاول ايه الي مش عاجبني في عربيتي السيراتو هاي لين 2010
عفشة ناشفة تحس انك قاعد على الارض والي قاعدين وراك بيتنطتوا وراوشينك
تكييف مش ثلاجة في عز الظهر في الصيف طبعا مش دلوقتي
رعب من المطبات ليطلعلك بلالين في الكاوتش وبتنزل من العربية بتفكر في الميزانية قبل ما تبس على العجل
كل يوم الصبح بتدعي ربنا تلاقيها واقفة جنب البيت خاصة ان مافيهاش ايموبيليزر زي الموديلات الجديدة ده طبعا في الاجازة لاني حاليا راكنها في جراج ومسافر بره مصر

أما عاوز عربية فيها ايه
الواقع الصعب تكون مافيهاش العيوب الي مضايقاني وفيها المزيا الي عندي

لو اطلقت العنان لنفسي هاقولك عاوز عربية صاجها حديد لا يتأثر بالصدمات او حكة المسامير اياها
10 اير باجز منهم واحد في السقف والحارس هو الله
بتمشي بالميه ولو حتى ميه معدنية استحمل
دش بيجيب الاوروبي والتركي مش بس النيل سات
عارفة طريق البيت وتقدر ترجعلك لوحدها لو اتسرقت ومش تقولي انذار وايموبيليزر لا يعجز امامهم المحترفين
كمان تقدر تختفي لما الاقي لجنة خاصة لو كنت سايق بسرعة
وممكن تطير لو في زحمة مرور وتنزل في اول صف او ياريت بعد الاشارة كمان
واخيرا ودي اصعب من كل الي قلته قبل كده انها تكون بسعر العربيات بره زي في ليبيا والخليج واوروبا ومافيهاش اوفر بريس ولا انتظار بدون تحديد السعر

لو حد لقى العربية دي ياريت ياجماعة يقولي اجيبها منين وايه الاحسن توكيل ولا خليجي

تحياتي

**Mohyeldin1974** · 25-02-2013 12:44 AM

اولا واخيرا الحمد لله
فى عالم الواقع بس مش فى بلدنا نفسى اركب بى ام 316 2013
فى بلدنا الحبيبه فى عالم الواقع اركب رانجلر
فى الاحلام العربيتين يكونو معايا
ولكن اطلب من الله عربيه تسترنى واامن عليها اولادى واسرتى