فيرنتي عدت ال 15 الف ايه الصيانة المطلوبة؟

**p r i n c e** · 21-02-2013 05:23 AM

سلام عليكم يا رجالة هيونداي و خصوصا ال فيرناوية
.... عربيتي ال فيرنا عدت 15 الف كيلو ايه الصيانة المطلوبه و اي الحاجات ال لازم اغيرها؟

.
.
.... و لو سمحتم تيل ال فرامل اغيرو ولا استنى ولا ايه؟
.
.
.... و سؤال أخير، بسمع صوت كركبه كدا بسيطة خالص بس بحس انها جاية من جوا العربية مش من قدام من الموتور. كركبه كدا مثلا زي ما يكون الازاز بيتهز و مش ثابت كويس بس هوا مش ال إزاز. ال كركبه دي ممكن تكون ايه؟
و آسف على الإطالة

**p r i n c e** · 21-02-2013 05:43 AM

نسيت اقول
بحس الصوت جي من اليمين
على يميني و انا سايق
ممكن يكون ليه علاقة ب تيل ال فرامل؟
مع ان ال فرامل تمام :’(

**AlGazar2** · 21-02-2013 06:41 AM

بص يا باشا لو بتستعمل زيت 5 الاف يبقى هتغيره بس اكيد انت بتستخدم تخليقى

يبقى الى هاتعمله تشيك على الزيت بس و تشوف مستوى السوائل و تربط عفشه العربيه و الصوت ده ممكن يكون من العفشه عايزه تتربط مش اكتر او مسامير فى التابلوه عايزه تتربط بس العربيه لسه عامله 15 الف بس فالتابلوه بعيد شويه لسه

**AlGazar2** · 21-02-2013 06:44 AM

ممكن الكركبه دى تكون جايه من درج التابلوه يكون فيه مفك مثلا او حاجات بتخبط فيه فبتعمل الاصوات دى

**p r i n c e** · 21-02-2013 08:02 AM

المشاركة الأصلية كتبت بواسطة algazar2

بص يا باشا لو بتستعمل زيت 5 الاف يبقى هتغيره بس اكيد انت بتستخدم تخليقى

يبقى الى هاتعمله تشيك على الزيت بس و تشوف مستوى السوائل و تربط عفشه العربيه و الصوت ده ممكن يكون من العفشه عايزه تتربط مش اكتر او مسامير فى التابلوه عايزه تتربط بس العربيه لسه عامله 15 الف بس فالتابلوه بعيد شويه لسه

انا بستعمل شيل 5000 و لسه مغيرو مكملش حاجة
بالنسبه لتربيط العفشة انا فعلا عاوز اربطها. انا مش بشتكي من العفشة خالص بس عاوز اجرب اربطها و اشوف هحس ب فرق ولا لأ
ممكن حضرتك تقولي تربيط العفشة هيكلف ف حدود كام؟

**p r i n c e** · 21-02-2013 08:04 AM

المشاركة الأصلية كتبت بواسطة algazar2

ممكن الكركبه دى تكون جايه من درج التابلوه يكون فيه مفك مثلا او حاجات بتخبط فيه فبتعمل الاصوات دى

فعلا ال درج مليان كراكيب بس معتقدش انها ممكن تشخلل او تخبط بس بردو هجرب افضي درج التابلوه و اشوف

**Ashraf_Ibrahim** · 21-02-2013 09:40 AM

التيل اعتقد لسة بدري عليه
بس وانت بتعمل الصيانة خلي الميكانيكي يبص عليه يشوفه خلصان واللا لسة فيه
اما عن زيت ال 5000 فانا شايف انه مش مستحب انك تستعمل الزيوت العادية
ليه مش بتستعمل زيت تخليقي ؟!
الصيانة دي صيانة عادية مفيش فيها تغيير حاجة
هتنضف فلتر هوا
هتنضف البوابة
هتربط عفشه
هترجلش فرامل
هتغسل موتور وسربنتينة
بس كدة زي الفل