المشاركة الأصلية كتبت بواسطة mhf_77
انا ركبت السيراتو او ماجبتها ب ال15 -195/65 بجنوطها الحديد والطاسات وكاوتشها النيكسن
ونزلتهم وبدلتهم ب 16 205/55 بجنوطها الاسبور الاروريجينال وركبت عليهم كاوتش دانلوب
بص المفروض احس بفرق ثبات ايجابى وفرق راحه سلبى
للامانه انا تقريبا حاسس انى مغيرتش حاجه سواء من ناحية الثبات او الراحه !!!!!! (محدش يشتم):tongue02:
اولا فرق الثبات لغاية دلوقتى لسه محستوش لانى مبزودش عن سرعه 140 والسرعه دى على المقاسين تقريبا واحده لانها مش عاليه اوى (وممكن احس بالفرق لصالح ال 16 فوق السرعه دى)
ثانيا فرق النعومه والراحه محستش بأى تغيير -لأن كان جاى مع ال 15 كاوتش نيكسن سيئ - وانا مركب دلوقتى لل 16 دانلوب جيد - ففرق البروفيل الايجابى لصالح النكسن راح مع فرق الجوده لصالح الدانلوب
الفروق الوحيده اللى حسيت بيها (ولو انها فروق بسيطه) بس لازم اقولها للامانه - الشكل لصالح ال 16 طبعا لكن فرق استهلاك البنزين - هو فرق بسيط بتاع 40/35 كيلو بمشيه زياده فى التفويله كلها لصالح ال 15 وبرضه نعومة الباور فى الثبات او وانت بتركن مثلا انعم نسبيا مع ال 15
يمكن انا محستش بتغيير فظيع لانى غيرت فرق مقاس واحد - اما المتوقع بالنسبه ليك انك طبعا هتحس بفرق ملحوظ من اول وهله لانك نطيت مقاسين مره واحده فاكيد هتحس باستهلاك بنزين اقل ونعومه اكتر وباور انعم مع الركنه ولو مزودتش عن سرعة 130 مش هتحس بفرق ثبات (مؤكد)
السلبيه الوحيده المتبقيه هى الشكل ودى انت اللى هتفصل فيها مش حد تانى
يارب اكون جمعتلك كل الملاحظات اللى فاكرها واكون قدرت افيدك