تمام زى استخدام عنصر التيتانيوم
بعد سنين واستخدامه لصالحهم الاول
عرض للطباعة
تمام زى استخدام عنصر التيتانيوم
بعد سنين واستخدامه لصالحهم الاول
بص يا باشا.... الناس دى اعداءنا.... يعنى بنكرههم.... دى مشاعرنا..... بس بعقلك لازم تحترمهم... ليه؟ لانهم مبيهزروش و مبيلعبوش..... اسرائيل حاليا عندها اول نظام متعدد الطبقات متكامل فى العالم للدفاع الصاروخى ..... الصواريخ القصيرة المدى (من اقل من كم الى 4 كم) و دى بتعترضها القبة الحديدية اللى عملوا اخر عملية فى غزة مخصوص عشان يعملوا ليها اختبار على نطاق واسع..... الطبقة التالية هى نظام مقلاع داوود.... و ده معمول عشان اعتراض صواريخ حزب الله المتوسطة المدى (حتى 70 كم)..... النظام التالت هو السهم 2 و 3..... و ده شغال من سنة 2000 لاعتراض الصواريخ طويلة المدى اللى مداها بالاف الكيلومترات و تبلغ دقة اصابته للاهداف 98% وبدأ تطويره من تمانينات القران الماضى لما ظهر خطر صواريخ سكود فى منطقتنا من ايام حرب العراق و ايران و كلنا شوفنا صدام حسين لما ضرب كام صاروخ على اسرائيل سنة 1991.....السهم 2 كان بيعترض الصواريخ فى مرحلة طيرانها الاخيرة ..... ففى خطر ان فتافيت الصواريخ تقع برضه جوه البلد تعمل خساير.... راحوا مطورين السهم 3 اللى ما شاء الله بيعترض الصاروخ المهاجم بعد دقيقة واحدة من طيرانه..... و بيعترضه فين.... خارج الغلاف الجوى اساسا..... و لانهم بيتعلموا من اخطائهم.... فاكرين نظام القبة الحديدية لما كان بيعترض صاروخ القسام داخل المدن الاسرائيلية فالفتافيت كانت برضه بتقع فى الشوارع او على المنازل و ممكن تموت ناس.... ايه التطوير المقترح و الدرس اللى اتعلموه؟ بدل الصواريخ هيعدلوا النظام عشان يشتغل بليزر قوى بدرجة انه يبخر الصاروخ المهاجم فى الجو !!!!! طيب نسبة النجاح بتاع القبة الحديدية فى العملية الاخيرة وصلت 85%.... طبعا مش عاجباهم و مش هيستريحوا الا لما يوصلوها الى نفس نسبة نظام السهم
الادهى من كده..... احنا بناخد معونتنا من امريكا عينية.... قطع غيار اسلحة.... تدريب.... طيارات قديمة..... الاسرائيليين ولاد الناصحة بياخدوا حقهم ناشف.... فلوس يطوروا بيها انظمة تسليح و فى الاخر يرجعوا يبيعوها للامريكان !!!!!!!!!! و اخر حاجة هيشتريها الجيش الامريكى من الجيش الاسرائيلى هو نظام القبة الحديدية نفسه لحماية القواعد العسكرية فى جميع انحاء العالم من خطر الصواريخ قصيرة المدى (هاون-طلقات مدفعية-صواريخ قصيرة المدى)!!!!!!!!!!
معلومات عن الانظمة دى هنا:
Iron Dome - Wikipedia, the free encyclopedia
David's Sling - Wikipedia, the free encyclopedia
http://en.wikipedia.org/wiki/Arrow_(Israeli_missile)
طبعا انا مش عارف اشكرك ازاى يا استاذ ماهر على تلك المعلومات
و فى نفس الوقت اشتكيك من كتر الهم اللى ركب الواحد
بس يا بخت من بكانى و بكى على و لا فرحنى و شمت الناس فى
السؤال المهم الان
احنا هانعمل ايه , الناس دى بتسبقنا بسنوات ضوئيه
رغم كل التقدم اللى هم فيه و لكنى ارى بصيص من الامل فى شئ
ان فى كل الاوقات على مدار التاريخ كان هناك امثالهم ووصلوا الى لم يصل اليه الاخرين
كانت هناك قوات بالسيوف امام قوات بالبنادق و المدافع ( اى نعم لم ينتصروا بتوع السيوف , انما بتوع المدافع اندحروا لسبب او لأخر)
و كان العرب هما قمه التكنولوجيا الموجوده فى العالم فى وقت كانت اوربا تخرج لقتال الاشباح
فالزمن دوار
المهم ما هو دورى الان و اركز على دورى و ليس دور البلد
لان لو 10 % عرفوا دورهم صح و عملوا اللى عليهم صح بعد كذا جيل اكيد هانوصل لاحسن مما وصل اليه غيرنا
الناس دى مطلعتش من يوم و ليله و ما يفعلونه اليوم تم التخطيط له منذ عشرات السنين ان لم اكن مبالغا
نفسى نطبق مبدأ مونرو عندنا (اشكرك لتعريفى اياه)
‫الشيخ عمران حسين والثورات العربية.FLV‬‎ - YouTube
الفيديو ده كنت بشوفه بعد الثوره و استغرب جداا الراجل ده عرف منين ان الثورات هتم كده !!
فيه جزء ماهتمتش بيه اوي بس كلامكوا فكرني بيه عن قوه اسرائيل هتفاجئ بيها العالم كله حتي امريكا
مش مبالغ اطلاقا في رقم عشرات السنين بالعكس في افكار استغرقت مئات السنين
لو حد يعرف الشيخ راغب السرجاني الراجل ده كان ساكن جنبي و كان بيكلمنا كل يوم بعد صلاه الفجر عن الفكر الصهيوني و انشاء دوله اسرائيل و ايه الخطوات اللي نفذوها علشان يوصلوا لده. و استغرق اكتر من 70 سنه و اتفقوا في مؤتمر بازل علي انشاء دوله اسرائيل بعد 50 سنه في فلسطين و فعلا ده تم بعد 50 سنه بالظبط
كان نفسي اكتب القصه كامله بس للاسف فيه اجزاء مش فاكرها بس انصحكوا انكوا تقروا عن انشاء دوله اسرائيل و تيودور هرتزل الناس دي فكرها مش طبيعي
باشا.... انا شخصيا عارف دورى..... بشتغل بضمير فى شغلى..... و على المستوى الشخصى زى ما نت شايف.... منين ما هتتكلم فى اى موضوع سياسى اقتصادى عسكرى فيه معلومات من اى نوع هتلاقينى اقولك خلاصته..... المعرفة قوة..... و هى ايضا اول خطوة لفهم الانسان لنفسه و موقعه و قدراته و قدرات من حوله...... طيب انا دلوقتى مش عايش لوحدى.... فى محيط اكبر هو البلد.... انا كنت حزب كنبة قديم..... بعد الثورة مفوتش انتخابات..... الاغلبية اختارت اتجاه و تيار.... انا مش متفق معاه فى كل شئ عن دراسة و عن علم مش عن كره او تعصب اعمى..... طيب اعمل ايه؟ نرجع لدورى الشخصى..... انا شخصيا تملى بقول رأيى لما يطلب منى..... بحاول اقوله بموضوعية من خلال المعلومات و المعرفة...... واقول رأيى فى ان ده صح او ده غلط برضه بناء على معرفة و ليس لتفضيلات شخصية او لحب او كره..... لكن برضه الاغلبية رأيها اللى هيمشى.... لا بأس..... لكن هل الاغلبية اللى انت منها خاصة الجزء اللى متأثر بالعاطفة الدينية عنده استعداد يراجع نفسه.... مش يراجع نفسه و يرجع عن اختيار الاخوان.... يراجع نفسه فى الاحتياج الى وقفة معاهم.... لازم حتى اللى بيأيدهم يحاول يوصلهم انه مش راضى عنهم و عن اداءهم..... رغم تأييده ليهم..... هل ده هيحصل..... اشك.... و مراجعة النفس شئ لابد منه للاصلاح..... غير كده هنغرق كلنا..... المؤيد و المعارض
و بما انك ذكرت مبدأ مونرو تانى..... انا برضه لسه موضحتش ليه موضوع ايران كابوس بالنسبة لى.... و تلك قصة اخرى
فعلا احنا عايشين في مية اللفت وده شئ راقي ان لم يكن في ميه تانية خالص
والمستفز اكتر ان كل واحد يفتي في كل حاجة وتلاقيه لا يفقه اي حاجة
عامل فيها دكتور ومهندس وكابتن منتخب ورئيس وزارة واحنا يا مولاي كما خلقتني
شوف النهضة في عصر الخديو اسماعيل
وقوللي كام ترعة اتحفرت وكام فدان زاد كام كوبري اتبني وكام مدينه انشئت
نحن نعيش ونحيي زمن التسول علي انجاز الاجداد
من القلب اتوجه لكم جميعا علي هذا الحوار الجاد المثمر الرائع
من القلب وبعدد الحروف اتوجه لكم جميعا علي انعاش ذكرة حسبتها
قد تحجرت
انا لم اقصد اى اسقاط عليك عند جزئية الادوار و لكنى احييك على معرفة دورك
المشكله التى نسيت ان اذكرها , ان تكون عارف دورك الصحيح , فالبلطجى عارف دوره كويس و الفنان عارف دوره كويس و اللى زى حضرتك برضه عارفين دورهم كويس و احييك عليه و اتمنى ان اكون مثلكم
كما انى اتفق معك تماما فى جزئية المعرفه فنحن امة لا تقرأ
(بمناسبة القراءه عندما كنت اريد شراء كيندل و سألت عليه فى السعوديه الناس حسستنى ان اسأل على شئ قادم من الفضاء و عندما شرحت لهم عمله لعله معرف باسم اخر عندهم نظروا لى شزرا وقالوا ايه اللى يخلينى اجيب جهاز ابيض و اسود ما انا عندى الاى باد برقبته
و نفس الامر تكرر فى دبى غير انى للامانه وجدت منه كذا نسخه للبيع و لكنهم نسخ قديمه و موجوده بطريقه مهمله
و صادف بعضها ان التقيت بمدير معمل من جنوب افريقيا و تحدثت معه حول الجهاز فضل يقولى فيه شعر و لا اكنه كان بيبيعه لى)
اولا تحياتى لك على تلك المشاركه
و لكن هل تقصدنى شخصيا بها :)
فى هذا انا مختلف معك قليلا
فى الامور السياسيه ,رأيك ممكن يكون عظيم و مبنى على درايه و علم و لكنه ليس مع الاغلبيه
و يبقى من يحتاج للمراجعه هو انت و ليس الاخريين
لان هذا معناه انك لم تستطع ان توصل فكرك لهم بالطريقه التى يفهمها هؤلاء
لو الدكتور واخد جوائز الدنيا العلميه و نابغة عصره و لكن عندما يدخل المدرج لا يفهمه معظم الطلبه
الخلل هنا فى حاجتين
1- اللى جعل الدكتور ده يشرح لطلبه
2- طريقه شرحه محتاجه مراجعه منه لكى يفهم الطلبه
اما اذا فعلت كل ما عليك و لم يراجع من تظنه على غير صواب نفسه
يبقى انت عملت اللى عليك و كما ذكرت اللى هايسرى هايسرى على الكل
اعتقد ان اسوء رئيس كان لامريكا كان بوش الابن
و الكثير داخل امريكا لم يكن راضيا عنه و مع ذلك اكمل الفترتين ( اكيد هناك ظروف مساعده لذلك و لكن العبرة بالنهايه)
كل ما قيل و لسه ماذكرتش كابوس ايران
انت بصراحه جعلتنى اكثر اشتياقا و خوفا للمعرفه
التقدم الاسرائيلى بلغ مداه
الناس دى بتفكر صح وبترتيب مش لجوائز اوشهرة
طردوا من اوطانهم فوجدوا وطن ونموه
برغم انه فى قلب اعدائهم
احتلوه وحوله الى وطن كامل لهم برغم احتواءه على اهم مقدسات المسلمين والمسحيين
الاول استوردوا السلاح فى فترة الحرب
وبعدين طوروه فى فترة السلام اللى هما اعتبروها هدنه
وبعدين باعوه
الاجهزه التعوضيه (للمعاقين)
طبعا هم الاوائل فيها بلا منازع
ووصلوا فيها لمرحله رهيبه
انا فاكر سنه 94 كانو عاملين كرسى متحرك بيطلع وينزل السلم ويسير على الارض الغير مستويه
انا شخصيا جربته فى اطار فاعليات مؤتمر
من كام شهر على الـ bbc كانو عاملين مسابقه لطلبه الجامعات للروبوت
طبعا عاملين حاجات على كل شكل ولون
الطائر والزاحف والعائم والغاطس والقافز والمتسلق
واكبر واحد قد القطه المتوسطه واصغرهم قد الضفدع الكبير
طبعا الهدف تلافى الهجمات الارهابيه
كذلك الزراعه الاول كيفيه زراعه المستنقعات والمرتفعات
وابدعوا فيها
واصبحوا من اهم خبراء الزراعه
الخلاصه انهم استغلوا الظروف لصالح تقدمهم
واستغلوا فتره السلام ليس للراحه وانما للبحث والتقدم
انا مع حضرتك انهم اعدائى واعداء جنسنا وعقائدنا جميعا
ومهم جدا معرفه كل شئ عنهم وعدم الاستخفاف بهم
واحنا بنهتم بحاجات تافهه ونشغل وقتنا بها
الباحث عندنا يبحث اربع سنين علشان يخلص رسالته وينجح
ولكن طريق البحث لاتصلح
اربع سنين هطلع دهب من البحر
هعمل اسمنت من التراب
هعالج فيرس c بالبلح
وتجتمع اللجنه وتمنح الطالب الدرجه العلميه
بس التجربه لم نتمكن من تطبيقها
ههههههههههههههههههههه
والعرب هايصين فى الفته
عربيات
اجهزه
قصور
وبس
كان فى طالب خليجى بيدرس فى لندن وابوه شيخ ارسله سياره مرسيدس خارقه
فالولد بعث لابوه قاله كل زملائى بيروحى الكليه بالقطار وانا لاء انا مكسوف
ابو بعتله شيك على بياض وقالوه شوف القطار بكام واشتريه ومتبقاش اقل منهم
هههههههههههههه
هم يضحك ولا يبكى
المهم كل واحد يعمل اللى عليه والباقى على الله تعالى