نسيت اعلق على باقى مشكلة شركتك. . . خلى الاعلام يعملها قضية رأى عام خلى واحد زى حالاتك جايز يتشهر و تبقى مصلحة. . . مش قلتلك استخدمه زى ما بيستخدمك :-)
عرض للطباعة
نسيت اعلق على باقى مشكلة شركتك. . . خلى الاعلام يعملها قضية رأى عام خلى واحد زى حالاتك جايز يتشهر و تبقى مصلحة. . . مش قلتلك استخدمه زى ما بيستخدمك :-)
أ/ mahora
اسمحلى اختلف معاك
فى قاعده بتقول( صديقى : صديق صديقى وعدو عدوى ،
اما عدوى : صديق عدوى وعدو صديقى )
وانا ارى ان ايران لا تشكل عدو لامريكا فى الوقت الحالى ولا القادم
75 % اسباب دينيه (خلاف الشيعه والسنه )
25 % منفعه (بترول وفاتورة عمليات عسكريه)
مجرد ضرب ايران امريكا قضت على بعبع الغزو الايرانى والتى سبقها صدام فى استخدامه
واسرائيل لايمكن تساهم فى وحده الصف الاسلامى ابدا بضرب معقل الشيعه فيرفض بعض السنه هذا
او تفتح على نفسها نيران حزب الله فزاعه ايران
او يحدث تحرك او دعم اسلامى تجاه ايران
بالاضافه الى روسيا وان كانت ستقف كالعاده بعد خراب مالطه
والصين من بعيد
كبير اسرائيل ضرب خورمشهرر بمسانده امريكا عبر قوس صواريخ
وان كنت اثق ان ايران ستنتقم انتقام الغشم
بعمليات ارهابيه ضد المصالح الامريكيه والاسرائيليه وحتى الدول التى ستسكت
سيدى خلاف المذهب الدينى اهم لاسرائيل وامريكا واى حد من الضرب وتوحيد الصف
هتقولى ضربوا العراق وسكتنا
صدام اداهم المفتاخ سنه 90
افغانستان بن لادن سهل المهمه
الصومال والسودان ميهموش حد
والدليل على كده سوريا لماذا لا يتدخلوا ضد سوريا العربيه
وسبق التدخل ضد صربيا الاوروبيه
مش عارف بس دى رؤيتى
يمكن اقنع حضرتك بها
يمكن اسباب حضرتك تقنعنى بعكس كده
شكرا
اجمل حاجه ان الموضوع اصبح اسم على مسمى
الرئيس محمد نجيب - دعوه للحوار الجاد المثمر
فعلا انا مستمتع بالحوار المثمر بين اشخاص محترمين ومثقفين
يثروا الفكر ويعززوا المعلومات
بعد العك وقله القيمه والصداع بتاع احوال الشارع المصرى
بجد شكرا للجميع
بجد الواحد سعيد جداً لاقصي درجة بالحوار الرائع و المثمر الدائر في الموضوع بين جميع الاشخاص - المتفق معهم و المختلف في الرأي - ، و الله الواحد بينبعث فيه طاقة رهيبة من التفاؤل لما بيشوف عقليات و شخصيات مثقفة زي الي موجودة في الموضوع حالياً و بيحث ان لسة في امل !
اسمحولي اشاركم وجهة نظري في الموضوع دة قريباً و خصوصاً نقطة ايران و امريكا لانها كانت و لازالت موضع بحث بالنسبة ليا لوقت طويل جداً
اللى انت قلته ده كله تحليل هايل و جزء كبير منه يمثل الحل الدبلوماسى اللى تتبناه ادارة اوباما اللى مش عايزة صداع حروب تانية بتحاول تفقل المفتوح منها. . . المشكلة فى طرفى المشكلة الاساسيين و هم الايرانيين اللى ماشيين بدماغهم و مصممين ياخدوا المشوار النووى للنهاية. . . و على الجانب المقابل تلاقى الاسرائيليين اللى مصممين برضه انهم ما يسمحوش لايران بالوصول للحافة النووية. . . و بيهددوا انهم يعملوا الضربة دى لوحدهم و بالتبعية امريكا هتتورط فيها. . . فى المقابل الامريكان بيحاولوا يفهموهم انهم مستنيين الوقت المناسب عشان يخلوهم ما يتهوروش و مننساش ان اسرائيل ليها سوابق فى الضربات المباغتة اللى قامت بيها لوحدها. . . الجبهة السورية حاليا هى ساحة للحرب الغير معلنة بين اجهزة مخابرات كل دول العالم اللى ليها مصالح فى المنطقة و هى كتير. . . لكن محدش عايز ياخد مسئولية التدخل العسكرى الكامل نظرا للتكلفة السياسية العالية. . . سواء تكلفة شراء موافقة ابرز المعارضين و على رأسهم الروس او تكلفة الندخل العسكرى فى المنطقة الهشة دى من العالم و الخوف من تداعيات ال domino effect اللى ممكن تترتب على كده. . . لكن للاسف التأخر فى التدخل ده عمل عكس المطلوب تماما لان المعادلة دخل فيها اطراف لا تعمل حساب لغير افكارها العقائدية وهم الجهاديين الذين يتوافدون على سوريا من كل انحاء العالم. . . دول بقى ملهمش دعوة بالسياسة و حساباتها و هم ال x factor اللى غالبا هيقلب المعادلة كلها على دماغ الكل و ممكن يسرع من ايقاع الاحداث بشكل غير متوقع. . . الاسد عارف ده كويس و لسه ساحب لواء الجولان عشان يدافع بيه عن دمشق لكن الغرض الحقيقي من الحركة دى ان القوات النظامية اللى مشيت هيحل محلها الجهاديين على الخط الامامى مع اسرائيل و دول طبعا مش هيتفاهموا و لا هيسكتوا على اسرائيل و من هنا تعرف سبب الغارة الاسرائلية اللى كانت من كام يوم داخل سوريا و مهمهمش و الاسد كمان ما حاولش يرد. . . يعنى صمت متبادل لان هو عارف و هم عارفين الغارة دى كانت موجهة لمين. . . ربنا يستر
و الله العظيم كنت لسه هادخل و اقول مثل هذا الكلام
و ما كان بنيتى ان اكتبه :--------------------
رغم ان الحوار انحرف بالموضوع عن اسمه و لكنى كصاحب الموضوع سعيد جدا بهذا الانحراف
كميه المعلومات و النقاشات التى استفدتها فاقت ما كنت اتوقعه عند عملى للموضوع
و اخص بالذكر الاستاذ ماهر و الاستاذ w-m-a
بصراحه الواحد حاسس انه فى صالون ثقافى
شفت بقى يا استاذ ماهر لو كنت سكت و اكتفيت بالاشارات , كان هايحصل ايه
و شفت انت كنت متخوف من الجدال و العك فى الاول , انظر الى الموضوع الان و قولى هل لازلت متخوف
لذا رغبه شديده منى ان تستمروا بالموضوع و النقاش و ربنا يبعد عننا عيون اللى بيقلبوا الموضوعات فى ثانيه
اشكر جميع من شارك فى الموضوع مرة اخرى
حوار جيد ومثمر والاجمل فيه كم المعلومات والاحترام المتبادل بين الاعضاء اتمني ان تكون كل الحوارات بهذه الطريقه وشكرا لصاحب الموضوع وكل من علق او ادلي بمعلومه متابع ومستمتع جدا بالحوار
لا يا سيدى خلاص مش متخوف و اديك شوفت ادينى اتكلمت براحتى و استرجعت ذكريات كلام قديم كتبته من فترة كبيرة و اضفت اليه اخر التطورات كما اتابعها ايضا و الفضل فى كده يرجعلكم وبشكركم على انكم خلتونى اطلع شوية من اللى فى دماغى لان غالبا الحوارات بتاعتنا دى هواتها مش كتير فبالتالى كنت غالبا براقب الاحداث و اخد و ادى مع نفسى و اكتفى بكده . . . طول ما المناقشة هادية و هادفة و محترمة و غير متشنجة هتلاقينى. . . غير كده هقول يا فكيك :-) و على رأيك ربنا يبعد عن الموضوع العين :-)
شكرا لكم مره اخرى
--------------------
بمناسبة الموضوع نفسى اتفتحت و قولت احاول الافى لى دور وسط الكبار فبحثت شويه عن صحف ايران
المهم لقيت خبر عن صاروخ
http://tehrantimes.com/cache/multith..._02_am4(9).jpg
Zafar cruise missile successfully fired from IRGC speedboat - Tehran Times
انا مفهمتش اوى اخر جمله ان الصاروخ يفقد ارتفاعه و يطير على ارتفاعات منخفضه و يفاجئ العدو و يمكن اطلاقه من مختلف القطع البحريه
---------------------------------
اللى حضر على بالى بصراحه وقتها و انا اشاهد هذا الخبر مع استرجاع كلام اخونا ماهر
اكيد ايران مش عبيطه و فاهمه الشغل اللى بيحصل حولها و منظومات الدفاع المختلفه ضد صواريخها
و مع ذلك هى تمضى قدما فى نفس الاتجاه
هل هو العند الذى يورث الكفر
ام هو المكر و الخديعه
اصل انا برضه مش مقتنع ان الغرب هما احسن ناس بتفكر و تخطط و الباقى بتاخده عنجهيه العظمه
متابــع ... مستمتع