الموضوع: الاختراع الرائع لتغيير تيل الفرامل الخلفى فى ثوان

دايماً بتبقى فى مشاكل فى تغيير تيل الفرامل الخلفى بنظام الدسكات وبيبقى صعب جداً فك السست واعادة تركيبها وبعد عناء فى البحث وجدت حاجة اسمها Spring Pliers او كماشة الربيع ودى بتسهل جداً فك وتركيب السست دى وقررت اجيب واحده ودورت عليها فى اسكندرية عند كل بتوع العدد مفيش عند اى حد - واحد بس قالى عندى واحدة مش لاقيها كلمنى بعد يومين ولما كلمته قالى لقيتها رحتله النهاردة ومصدقتش لما شفتها قالى ب 125 جنيه لانه عارف ان مفيش غير عنده قلتله اخرها كام قالى انا اعرف ابيعها ب 150 او 170 جنيه قلتله ربنا يسهلك واخذت بعضى ومشيت لانى حسيت انه بيستغلنى ، ياريت لو حد يسألنا عليها فى القاهرة اكيد موجوده وسعرها اقل من كده اترككم مع الصور والفيديو :

ده رابط الفيديو :
Removing and Replacing Kick Stand Springs - YouTube
ودى الصورة :

[sor2]http://www.qzal.net/01/2013-01/13614749271.jpg[/sor2]

المشاركة الأصلية كتبت بواسطة amrelsaqqa

حلوة جدا بس انا في طريقة بعملها لفك وتركيب اي سوستة عن طريق انى بربط فيها سلك نحاس واشد منه بالزرادية وفي الاخر اقطعه بعد ما تركب
وكانت بتنفع مع اي سوستة غبية خصوصا السوست اللى بتبقى في الميزان الزنبرك ، كنت بفك الموازين دى واصلحها

الطريقة دى رائعة بس المشكلة ان فيه سوست جامدة اوى ومزنوقة