برجاء المساعده في سياره e36م

**DEADLETTER** · 22-02-2013 01:34 PM

السلام عليكم
لو سمحتوا يا جماعه عنديومشكله في العربيه
مبدأيا العربيه e36 موديل 92 اتوماتيك
و عامله عداد 256970
العربيه ديه انا جايبها مستعمله من 3شهور و غيرت زيت الفيس و فلتر الفتيس كمان
من اسبوع بدات يبقي فيه هبده في الفتيس مع نقل الغيرارات من التاني للتالت
و دلوقتي بقت لمبه الشيك الي هي الترس بقت منوره علطول و الحمد لله العربيه جابتلي شلل
دخلت العربيه علي كمبيوتر و الكنترول سجل مشكله في بلوف ضغط الزيت و مشكله في الكهربا بتاعته
روحت لكهربائي قالي غير الدينامو غيرت الدينامو و طفت لميه الشيك بس فضلت الهبده الي مع الغيار
و دلوقتي رجعت المشكله تاني و اللمبه بقت منوره علطول و العربيه علي الd ماسكه تالت بس
و نوع الزيت الي جبته ساعت ما غيرته كان تقريبا شل.
ياريت ياجماعه تساعدوني وتقولولي حل المشكله ديه ايه علشان خلاص كرهت العربيه و جالي شلل منها علشان مابتمشيش اساسا.
وعذرا للأطاله ولكم جزيل الشكر

**kok200** · 24-02-2013 01:27 AM

احتمال يكون في مشكلة في ترس الثاني او التالت في الفتيس
وللأسف احتمال ضئيل يطلع مشكلة في الفتيس كلو

عشان كدة يفضل في المستعمل خصوصا موديلات القديمة تعمل فحص شامل للعربية عشان تبقي عارف

انزل اكشف علي الفتيس واعرف اية المشكلة

**DEADLETTER** · 24-02-2013 12:02 PM

المشاركة الأصلية كتبت بواسطة kok200

احتمال يكون في مشكلة في ترس الثاني او التالت في الفتيس
وللأسف احتمال ضئيل يطلع مشكلة في الفتيس كلو

عشان كدة يفضل في المستعمل خصوصا موديلات القديمة تعمل فحص شامل للعربية عشان تبقي عارف

انزل اكشف علي الفتيس واعرف اية المشكلة

شكرا علي الرد
انا هانزل بكرا بإذن الله الحرفييين وربنا يسترها بقي