باركولي يا جماعة بقيت لانسراوي واحتاج مساعدة

**civilpharaoh** · 01-08-2008 01:27 PM

الحمد لله امبارح استلمت اللانسر بتاعتي 1600 رياضية من التوكيل(مصرية) و هي ما شاء الله جميلة و اقتنعت بيها بعد طول حيرة بس لما فتحت الكتالوج لقيت مكتوب فيه ان موتورها قوتة الاجمالية 122 حصان عند6000 Rpm مش 115 يعني الصافي تقريبا 114 حصان مش 106 مع العلم انها مواصفات مصرية مش خليجي. ولما سألت عن شروط التليين في أول 1000 كيلو قالولي في التوكيل لا يوجد اشتراط علي السرعة لأن هذه السيارات مختومة بختم قالولي عليه في التوكيل بس مش فاكر اسمه ومعناه ان السيارات المختومة بهذا الختم تكون متلينة بس ما أشغلش التكييف علي سرعة أكبر من 2 يعني أخري 2 ولازم أشغل التكييف في هذه الفترة مرة واحده في الاسبوع علي الاقل.فما رأي خبراء اللانسر في هذا الكلام جزاكم الله كل خير.

**YoussefMostafa** · 01-08-2008 02:30 PM

الف الف مبروووووك

وربنا يباركلك فيها

**Dr Ahmed** · 01-08-2008 02:31 PM

أول مرة أسمع عن السيارات المختومة
التكييف على 1 زيه على 4 لأن دى سرعة المروحة مش قوة التكييف
قوة التكييف تتحدد بالبكرة اللى بتلف وتختار منها ساخن أوبارد
ودا يخلينى أشك فى كل الكلام اللى قالوه لك
ليّن العربية ومتعديش ال 100 أول 1000
وألف مبروك على إمتلاكك واحدة من أفضل السيارات بمصر