الموضوع: العربية عملتها معايا مش عارف فيه ايه خايف نكون طرمبة

السلام عليكم:

لسه رايح مشوار انهارده الصبح ما يعديش 30 كم ومره واحد لما وقفت بالعربية لقيتها جابت كل المياه اللي فيها (مياه خضراء) المهم كنت بوصل اخويا مشوار فركنتها ساعة ونصف وانا شايل هم الموضوع خايف تكون طرمبة ولا حاجة فلما رجعت العربية قلت احط مياه فمليت مياه وهيه مبطلة اخدت 2 لتر ومش عارف ايه اللي حصل وسببه لقيتها ما نزلتش مياه ومشت بيها علي كده بس نفسي اعرف المياه دي كلها جت منين وليه وهل لما ضفت مياه وهي مبطلة غلط ولا كان المفروض ادور.

تعبتكوا معايا وشكرا لكل الاعضاء

بض يا باشا من 3 أيام بس أول ما رجعت من مشوار طويل لقيت العربيه بتدخن من السخونيه سبتها بردت شويه ودورت ورحت مزود ميه العربيه كانت مبردتش أوي دقيقتين ولقيت الميه كلها ع الارض وعشان كان باليل سبتها لتاني يوم وانا في دماغي ان في خرم اوخرطوم سايب
تاني يوم قلت ازود ميه واشوف الميه بتنزل منين دورت العربيه ولحد ربع ساعه هتجنن مفيش ميه بتنزل خالص مع ان امبارح كلها نزلت ع الازض
المهم شويه وسخنت خالص وبدات الميه تنزل طلع ان المراوح مش بتشتغل فلما تسخن الميه بتنزل من غطا القربه والحمد لله طلع المشكله بسيطه سلك المروحه اللي داخل ع الموتور كان سايب صلحته وغيرت كمان غطا القربه بواحد تاني وكله تمام والحمد لله ويا رب اكون افدتك