انا عربيتي لسة عامله 90 الف ومغيرتش الا سير الكاتينه بس وابلي والشداد والبوجيهات انتة بلنسبالك لسة بدري شوية هيا عربيتك 1300 ولا 1600؟
عرض للطباعة
انا عربيتي لسة عامله 90 الف ومغيرتش الا سير الكاتينه بس وابلي والشداد والبوجيهات انتة بلنسبالك لسة بدري شوية هيا عربيتك 1300 ولا 1600؟
بصراحة اسعار التوكيل حاجة رهيبة اوي وغالية بصراحة لية كدة مش فاهم انا مش بمشي كتير بلعربية عشان بخاف من قرب موعد الصيانه والقطع الاستهلاكيه الي عاوزة تتغير بخاف من اسعار التوكيل دة سير الكاتينه والبلي والبوجيهات دخلو في الف جنية عشان جبتهم من التوكيل فما بالك قطع غيار تانيه الواحد هيعمل اية وهيدفع كام لا والحلو ان الدولار رفع كمان يعني زي الفل
انا عربيتى 1300 مانيوال موديل 2009
ازاى اتقطع على 75 الف اذا كان التوكيل والكتالوج بيقول 80 الف ممكن يكون صاحبك شارى العربية مستعملة واللى قبلة لاعب فى العداد
ياباشا مش شرط حسب استخدام العربيه هل حرق وجري طول الوقت ياعني العربيه اللي بتحرق وتجري طول الوقت زي استعمال عربيه بتمشي عادي وصاحبها مابيحرقش وماشي هادي طبعا لأ
ده حتى زيت الماتور وباقي زيوت العربيه بيقولك لو استخامك عادي تمشي على عدد الكيلوات اللي هما محددنها اما لو استخدام شديد او أقصي يبقى نص الفتره اللي هما محددنها وعربيه صاحبي زيرو وخليجي كمان ومش شرط الكتالوج قالك 80الف يبقى 80 الف ده 80 الف لو استخدمت العربيه في ظروف القياسيه اللي هي المثاليه اللي انت تنقل عند 3000 لفه مثلا وماتحرقش كتير وكده انما هل احنا بنمشي بظروف قياسيه طبعا لأ
التغيير بدري اضمن واحسن لأن قطع سير وخاصتا سير التقسيمه هتودع الماتور هيتصلح بس مش هيرجع بحالته ده غير تكلفه التصليح غير اللي انت كده كده هتغير السيور برده بس بعد ما الماتور اتقصف نص عمره اما توكيلات فايعني نصيحه ماتسمعش كلامهم اوي لأن اما تحصل حاجه زي كده هيقولك سوء استخدام ولو حتى صلحولك الماتور مش هيرجع لحالته يمكن كلامي مايعجبكش او مش مقنع بس انا بنصحك وانت حرر
مين قالك انى مش محترم كلامك او مش مقتنع بيه بالعكس مانا كنت عاوز اعمل كدا واغير سير الكاتينة دلوقتى والعربية عاملة 74 الف بس دا كان رد خالد المتخصصون اللى الكل هنا اجمع على انهم كويسين وبرضة انا ناوى اغيره بس لما يجيلى فلوسبس طبعا السير هجيبة الاصلى وتقريبا هجيبة من دايموند بالرغم من ان لما سالت علية فى مجدى موتورز قالى مجموعة الكاتينة كلها عاملة 450 جنية ودى الاصلى انا قلقت لان خالد قالى سعرها 1000 جنية بس مجدى موتورز اكدلى ان سير الكاتينة بالذات اصلىوكان سعرة 295
بص يا ابو صلاح نصيحة انتة تسترخص في اي حاجة الا الحجات الضرورية يعني مثلا سير الكاتينه لية في التوكيل هوة والبلي بيخشو في الف جنية ولية برة بنص الثمن شوف انا رأأي تجيب السير الاصلي انا اصلا لسة عامل كدة جبت سير وبوجيهات وبلي الشداد كلفوني حوالي الف جنية الا شوية بس شوف بقا انتة سير الكاتينه الي انتة بتسترخصة دة بيعد معاك 80 الف كيلو يعني انتة ماشي بلعربية بلسير 80الف وممكن تجيب واحد تيجي مثلا عند 40 ولاقدر الله لية لانة مش اصلي اصل الكاتينه زي ماقال العضو المحترم حمادة الحجات دي فعلا مفهاش هزار ودة الموتور نفسة انا لو اقولك والله اني لسة شاري الانسر بتاعتي هيا 2007 وقت ماشترتها كنت علي الحديدة تقريبا وكانت العربية عامله 87الف والمفروض السير يتغير علي 80الف اول حاجة عملتها اني غيرت السير من توكيل الرواس متسوبيشي وجبت السير الاصلي مع اني كنت ممكن اجيب اي سير عادي ب 100جنية وخلاص لاكن انا كدة بشتري اولا عربيتي وتاني شئ راحة بالي مبقاش ماشي خايف واقول لاحسن يتقطع ولا حاجة اصله اصلي اصله مش اصلي وافضل افكر بقا ودماغي تروح وتجيب نصيحة استني اما يجيلك فلوس واعمل السير الكاتينه الاصلي ومتسترخسش في الحجات المهمة الي زي دي دا مش فانوس عشان نسترخص ونقول نجيبه تيواني ولا صيني اللهم بلغت"_"
كلام حضرتك مزبوط جداااا انا اما عملت صيانه ال 60 الف وكنت وقتها العداد 54 الف اشتريت كل قطع غيار صيانه ال 60 الف زي سيور وبلي وشداد وبوجيهات اصلي من منصور التوكيل وكلفتني تقريبا 1800 تقريبا مش فاكر كقطع غيار مع ان كان نفس قطع الغيار بره باقل من كده كتير بس الفكره ان الأصل من التوكيل تركبه وتنسى اما بره في غش تجاري بالهبل اما مجدي موتورز انا عارفه في طنطا بس ياعني مش ثقه اوي انت ممكن تجيب منه لمبه اكصدام فلتر ديسك واسطوانه اما قطع غيار الماتور مافيهاش هزار هي غاليه من التوكيل بس مضمونه 100% بالنسبه للأستاذ صلاح مايزعلش مني انا غرضي من كلامي ده النصيحه وللأفاده علشان نستفيد ونتفادي مشاكل ممكن نقع فيها وربنا يوفقك انت ممكن لو مش متاح انك تجيب كل قطع الغيار اصلي تجيب بس اهم حاجه البلي والشدادات وسير التقسيمه اصلي بس مؤقتا