المشاركة الأصلية كتبت بواسطة salah_86
بسم الله الرحمن الرحيم
السلام عليكم ورحمة الله وبركاته
مساء الفل على أجدع ناس
بكرة ان شاء الله وانا راجع من الشغل هستغل فرصة انى كدا كدا فى القاهرة المحروسة وهعدى على المتخصصون هغير فلتر البنزين وشوية حاجات كدا تيل على بوجيهات على فلتر الهوا لو احتاج يتغير
انا اشتريت الحاجة كلها امبارح من طنطا من مجدى موتورز طبعا انا كنت مقتنع بفلتر البنزين الاصلى بس سالت الاسطى خالد قالى ان كان المفروض اغير الفلتر عند 40 الف والعربية دلوقت عملة 74 الف بالظبط المهم قالى الاصلى ب 650 وفى نوع تانى ب 150 قلتلة ودا كويس قالى لو مكنش كويس مكناش جبناه المهم قلتلة صناعته ايه قالى تيوانى قلتله ماشى هبقى اعدى عليك جبت الحاجة من طنطا ورايح بكرة ان شاء الله والله انا حسبتها انى لو هغير الاصلى بعد 40 الف ب 650 ممكن اغير ابو 150 على 20 الف وبكدا ابقى وفرت وركبت حاجة نضيفة طالما المتخصصون بيستعملوه بكمرة ان شاء الله اقولكم انا عملت ايه وطبعا هناقشهم فى حتة انهم باعولى مسمار العجلة من غير صامولة ب 22 غير المصنعية ورغم انه بيتباع فى المصيلحى دايموند ب 25 جنية بالصامولة