لسه جايب لانوس

**islamnasser10** · 23-02-2013 09:11 AM

السلام عليكم ورحمة الله وبركاته
معلش سؤالي ممكن ميكونش فني بس مش عارف اسأل في انهي قسم
انا لسه جايب دايو لانوس مبقالهاش معايا يومين ومن ساعة ماجبتها ودخلت بيها الشارع عندي واتشافت وبتحصل معايا حاجات غريبة حك وخبط وتاكسي لادا دخل فيا من ورا وانا بفرمل علشان مطب وعربية بيجو 504 رمت عليا خربشت الرفرف باكصدامها الحديد والشنطة فتحت مش عايزة تقفل خالص مع انها كانت سليمة وزي الفل وتعبت نفسيا العربية كانت لسه راشة ومفيهاش ولا خربوش وشكلها زيرو
قالولي لازم اطلع حاجة لله وانا معيش فلوس حاليا ادبح حاجة
فعايز اعرف لازم ادبح ولا ممكن اطلع مبلغ للفقراء ولا احط مبلغ في صندوق مسجد ولا اعمل ايه لان بجد دمي محروق من اللي بيحصلي وراكن العربية علشان كل ماشوف الحك والخرابيش اللي في الاكصدام والرفرف بزعل عليها

**m_medo** · 23-02-2013 09:29 AM

بص يا عم...
انا جايب العربية من شهر كدة... ومن ساعة ما جبتها والمصايب كانت نازلة ترف عليها.... كل يوم انزل الاقى فيها حاجة... وانا لا أؤمن كثيرا بالحاجات دى... لحد ما جى يوم كنت بغير فردتين الكاوتش وفاكك الكاوتش الخلفى والعربية مرفوعة على الكوريك... وراحت عربيةجاية خابطة الكوريك, راحت عربيتى واقعة... الحمد للة جات على قد ان الشكمان اتحرك من مكانه بس وعدلته ب 15 جنيه....
طيب وبعدين؟
اللى عملته حاجتين اتنين:-
1- كام كيلو لحمة على قد مقدرتك (3 او 4 او 5) وتعملهم فى ارغفة ارز... تكلفة الموضوع ده تبدأ من 120 جنيه ومفعولها سحر.... المهم توزع على عمال النضافة الصبح عشلن اكبر كم من الدعاء... لأن دعاء الشخص يكون حسب حاجته.
2- كل يوم تقول من قلبك ( بسم الله الذى لا يضر مع اسمه شئ فى الارض ولا فى السماء ... وهو السميع العليم) هتقولها تلات مرات الصبح وتلاتة باليل... وطبعا براحتك قولها زى مانت عايز بعد كدة.

« من قال حين يصبح : بسم الله الذي لا يضر مع اسمه شيء في الأرض ولا في السماء وهو السميع العليم ، ثلاث مرات ، لم تفجأه فاجئة بلاء حتى يمسي ، وإن قالها حين يمسي لم تفجأه فاجئة بلاء حتى يصبح ».
صحيح: رواه الإمام أحمد في المُسْنَدِ ورواه ابن حبان في صحيحه والحاكم في مُسْتَدْرَكِهِ وصححه ووافقه عليه الذهبي ورواه أبو داود والتِّرْمِذِيُّ وابنُ ماجَهْ وقال التِّرْمِذِيُّ: هَذَا حَدِيثٌ حَسَنٌ صَحِيحٌ غَرِيبٌ ، و الحديث حسنه الشيخ شُعَيب الأرنؤوط وصححه الشيخ الألباني.
وابقى ادعيلى...ومبروك على اللانوس

**mahmoud_anwar** · 23-02-2013 10:06 AM

بص ياباشا متحطش في دماغك وربنا اكيد اعلم بي نيتك انك لومعاك فلوس كنت دبحت وانتا معكش فعلآ في اعتبر نفسك دبحت بس لو توفرت معاك الفلوس ادبح وطلعها لله المهم انتا دلوقتي ممكن تعمل حاجة حلوة برضة مثلآ لما تقبض مرتبك الشهر ده اشتري مثلآ 2 كيلو لحمة مثلآ و5كيلو رز وعيش واعملهم في البيت رغيف لحمة بي رز ووزعةعلي الغلابة وشغل سورة البقرة في العربية واكتب في جوجل الرائية الشرعية بصوت الشيخ مشاري راشد العفاسي وحملها وحطها علي فلاشة او موبيل وشغله في العربية
ولما تنزل من العربية قول فاالله خير حافظ وهو ارحم الراحمين ولما تركبها برضةتقول كده وتوكل علي الله في كل مرة وتقول توكلت علي الحي الذي لايموت ولا حول ولاقوة الا بي الله

**islamnasser10** · 23-02-2013 12:08 PM

شكرا علي النصايح الغاليه
بالنسبة للاكصدام الخلفي من الجنب اليمين اتبهدل خرابيش جامدة وصلت للصاج
اعمل فيه ايه علشان العربية غامقه والخرابيش واضحه جدا (اتقالي سيبها بخرابيشها علشان تاخد العين)
بس علشان البارومة
لو فيه حل غير الرش ياريت
معلش انا معنديش اي خبرة

**hossamalsadik** · 23-02-2013 12:31 PM

تصدق بما تستطيع فأن الصدقه لاتنقص من المال شيء
لما تركب السيارة قول دعاء الركوب سهل وبسيط انا بعمل كده

دعاء ركوب السيارة
بِسْمِ اللهِ, الْحَمْدُ لله{سُبْحَانَ اْلَّذِي سَخَّرَ لَنَا هَذَا وَ مَا كُنَّا لَهُ مُقْرِنِينَ*وَ إِنَّا إِلى رَبِّنَا لَمُنْقَلِبُونَ} " الْحَمْدُ لله, الْحَمْدُ لله, الْحَمْدُ لله, الله أَكْبَرُ, الله أَكْبَرُ, الله أَكْبَرُ, سُبْحَانَكَ اللَّهُمَّ إِنّي ظَلَمْتُ نَفْسِي فَاغْفِرْ لِي, فإنّه لا يَغْفِرُ الذُّنوُبَ إِلا أَنت"
_______________

وهذا الفعل انت مأمور به بقوله تعالى: لتستووا على ظهوره ثم تذكروا نعمة ربكم إذا استويتم عليه وتقولوا سبحان الذي سخر لنا هذا وما كنا له مقرنين. ( سورة الزخلاف )
ـــــــــــــــــــــــــ ــــــــــ

دعاء ركوب الدابة:

· وأُتي علي رضي الله تعالى عنه بدابة ليركبها فلما وضع رجله في الركاب قال: بسم الله، فلما استوى على ظهرها قال: الحمد لله

ثم قال: {سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ} [الزخرف: 13-14].

ثم قال: الحمد لله (ثلاثاً).

وقال: الله أكبر(ثلاثاً).

ثم قال: {سبحانك إني ظلمت نفسي فاغفر لي فإنه لا يغفر الذنوب إلا أنت}.

ثم ضحك، وقال: رأيت رسول الله صلى الله عليه وسلم صنع كما صنعت. [أخرجه الترمذي].

معش طولت عليك بس عشان تعرف الموضوع بالتفصيل
تحياتى

**hossamalsadik** · 23-02-2013 12:33 PM

ممكن تمعجنها وبعد كده
ممكن تغطيها ورق كربون فيبر

**hossamalsadik** · 23-02-2013 01:27 PM

المعجون مش مكلف ورخيص جدااااااا اى حد بتاع دوكو يعمله
ورق الكربون فيبر حسب المساحة 100ج للجنب وفى منه رخيص وفى غالى شكله ايه شوف الفيديو ده مثلأ

‫رمزى أوبشن يفنش سيارة أوكتافيا بدقة فائقة الجمال‬&lrm; - YouTube

-

-

الموضوع: لسه جايب لانوس

LinkBack

أدوات الموضوع

عرض

لسه جايب لانوس - انشر الموضوع فى :

-

-

-

-

المواضيع المتشابهه

لسه جايب ميجان جديد (انصحوني)

لسه جايب رينو 19 95

صوت ونة عالية و انا جايب n

الماتور جايب زيت؟

جايب لكم مفاجأة هايلة

الكلمات الدلالية لهذا الموضوع

المفضلات

المفضلات

ضوابط المشاركة