الف الف مبروك ربنا يديك خيرها ويكفيك شرها
عرض للطباعة
الف الف مبروك ربنا يديك خيرها ويكفيك شرها
مبروك عليك الكورولا و الكربراتير ده ميزة انت مش هاتعرفها الا قدام شوية و هاتعملها بس شوية صيانة و هاتفضل تسوقها ان شاء الله بدون اعطال لغاية لما تزهق العربية ديه بجد لا تكل و لا تمل من الطرق مهما كان شكلها او طبيعتها هيا فعلا اسطورة و بالنسبة للصيانة بقا هانقلك تجربتى
هاتحط فيها زيت موبيل سوبر بيمشى 3000 و ما تبخلش عليها بغيار فلتر الزيت كل مرة بيكلفك 50 جنيه و الزيت 130 تقريبا و 10 جنيه غيار فى البنزينة و بتاخد 3 كيلو وربع
و هاتغير بوجيهات دينسو يابانى اصلى بتاعها ب 50 جنيه و بيقعد من 6000 ل 10000 بس ما تزودش و اديها فلتر هوا و فلتر بنزين الاصلى بردك و غير فلتر الهوا مثلا كل سنة و البنزين غيره كل غيار او غيارين زيت و هاتحطلها زيت فتيس و فلتر جداد طبعا و هاتعملها تنظيف لدورة التبريد و تحط ميه موبيل الخضرا بتبقا ممتازة و هاتبص بصة على العفشة يعنى لو عندك كوبلن و لا مقص و لا بيضة فيها حاجة غير كله ما تسيبش حاجة و بصه بردك على التيل و الطنالبير لو الطنابر كويسه اديها طقم تيل جديد قدام وورا و ظبط 4 فرد كوتش كويسين يستحسن بريدجستون و بطاريتك تكون كويسة و ان شاء الله مش هاتعمل حاجة تانى غير انك تحط بنزين و تديها صياناتها الدورية و تقدر تسقها و تلف بيها الكرة الارضية كلها و تعد كيلومترت زى ما انت عايز و لا تخاف من اى حاجة باذن الله دوس و لا يهمك
انا اسف جدااا على التاخير ده فى الرد علي حضرتك
الف شكر ليك على انك طمنتنى على العربية ا
لحمد لله غيرنلها زيوت وبوجيهات وسلوك وفلاتر وميه خضرا والعربية اتظبطت بس لسه عايزة لفة تانى عشان كان فى تسريب زيت كده ومش عارفين مكانه بس هيغسل الموتور ويوديها لواحد عشان يعرف مكان التسريب ده
والله يا جماعة انا ارتحت الحمد لله وانا مطمن جدااا على الكورولا ..
Toyota Is The Best :tumb:
[justify]
الف مبروك ربنا يديك خيرها ويكفيك شرها ..انا معايا الكورولا الملكة من الزيرو والصيانة في التوكيل ربنا يحفظها جنب عربية تانية حديثة
مش هضيف جديد خصوصا برنامج الصيانة التفصيلي من زميلنا خبير الملكة احمد جلال وفرصة أسلم عليه بعد الغياب الطويل ده .
طبعا معرف ان العيون هي هي الملكة .
انا بتعامل مع زيت ليكوي مولي الالماني السماوي سوبر ليتلوفsuper Litchlauf النصف تخليقي 10-40 مع سيراتك ممكن يقعد لحد 7000 كم بجد الموتور يبقي وهمي جبار ويحافظ عليه ويرجعه زيرو لو فيه اي مشاكل . نصيحة لكل اصحاب الملكة جربوا وهتدعولي .بس مش عارف التوكيل وقف توزيع في مصر ولا ايه اخر مرة مغير من اقل من شهرين .
وبالتوفيق للجميع
[/justify]
عربيه محترمه جدااااااااااااااا