مساعده ضروري عشان عندي مشكله

**ali ahmed** · 23-02-2013 05:14 PM

انا معايا لانسر شارك 2012

لو بصيت من تحت العربيه من قدام هتلاقيه فايبر اسود او لوح بلاستيك بيحمي الماتور من تحت

انا عندي اللوح دا اتكسر

ممكن حد يقولي اسمو ايه واجيبو منين

وانا من الاسكندريه

مساعده ضروري عشان انا مسافر بالعربيه 400 كيلو وخايف من الطريق

وعايز اامن نفسي عشان مندمش

**AlGazar2** · 23-02-2013 05:35 PM

دى بيبقى اسمها المصفحه او كارتيره الماتور و فى الغالب بتبقى مع كارتيرات الرفارف

و ممكن تسافر بالعربيه عادى بس تخلى بالك من اى حاجة عاليه و ما تمشيش فى رمله او زلط عاليين
و هتلاقيها عند بتوع الاستيراد ( مش مستاهله جديد يعنى ) او عند بتوع قطع الغيار الاصليه للانسر و فى التوكيل اكيد

**ali ahmed** · 23-02-2013 06:58 PM

بجد شكرا

دنا بقالي فتره هموت واعرف اسمها

الف شكر

**hemaa_82** · 23-02-2013 06:59 PM

و علي فكرة ... مش خطر اطلاقا لو مكسورة انك تصلحها او ترممها .... اصلا الصنايعية بيفضلو يشيلوها علشان تسهل الشغل عليهم ... و انا بشوف ان لو العربية مثلا فيها تسريب بسيط من اي سائل عمرك ما هتعرف الو في كارتيرة ... يعني انا عن نفسي شايف ان عدم وجودها احسن طالاما الطريق اللي بتمشي فيه العربية متسفلت ...انما لو في حفرو مقبات كتير اكيد و جودها مهم علشان تحس بيها قبل ما الخبطة توصل للمتور ....

من الاخر طالاما فبر او بلاستيك روح عند حد بتاع فبر يبرشملها جبيرة "هتبقي اقوي من الحام" لأنها مش الحاجة اللي يندفع فيها فلوس