الموضوع: هل يوجد فرع اوتو ايجيبت بالاسكندرية

اوتو ايجيبت لا يوجد له فروع بالاسكندرية

توكيلات نيسان بالاسكندرية تلاتة

1- مودرن موتورز ...... وده لا أنصح به تماما من واقع تجارب الأعضاء و أيضا من شكوى أصدقاء لى

2- أحمد مرعى على بداية الطريق الراعى الكيلو 9 .... و المركز ده لسه جديد وفيه عضوين هنا شكروا فيه و فى سواق عندنا فى الشغل زاره وإن كان ما شكرش فيه أوى قالى راح مرة غيروا حاجات و تانى مرة طلبوا تغييرها تانى والفترة بينهم ما كانتش كبيرة هو المركز كله بقاله كام شهر لسه فاتح و قالى مغلوانى غير ان أحد الأعضاء لما زاره فى الصيانة المجانية للنيوصنى رفض يديله جركن الزيت فى ايده زى بقية التوكيلات وقاله فى الصيانة القادمة هنحطهولك مجانا و العضو كان تقريبا من الغردقة وكان بالصدفة فى اسكندرية وقتها

3 - اسكندرية الهندسية الكيلو 28 بطريق اسكندرية القاهرة الصحرواى بعد مجمع البترول و فى اعضاء كتير راحوه و أنا منهم و هو كويس وهو حتى وكيل أيضا لهيونداى

لكن لو عاوز تروح اوتوايجيبت فرع ابو رواش فمكانه قبل المحور علطول ناحية كارفور حوالى 200 كيلو من اسكندرية وأنا روحته قبل كده و هو أفضل بكتير من اللى هنا فى اسكندرية أكيد
أنا ناوى أطلعه كمان اسبوعين كده فى صيانة الخمسة آلاف ان شاء الله علشان عندى كام حاجة جنب صيانة الخمسة كمان و هانزل القاهرة بالمرة

لكن نصيحة لو هتعمل صيانة عادية زى الألف أو الخمسة روح اسكندرية الهندسية أقربلك ومركز كويس

يوجد فرع لاوتو ايجيبت فى كفر الدوار قبل اسكندريه بــ 30 كيلو على الطريق الزراعى نفسه ولكن مبيعات فقط

المشاركة الأصلية كتبت بواسطة dodyam

اوتو ايجيبت لا يوجد له فروع بالاسكندرية

توكيلات نيسان بالاسكندرية تلاتة

1- مودرن موتورز ...... وده لا أنصح به تماما من واقع تجارب الأعضاء و أيضا من شكوى أصدقاء لى

2- أحمد مرعى على بداية الطريق الراعى الكيلو 9 .... و المركز ده لسه جديد وفيه عضوين هنا شكروا فيه و فى سواق عندنا فى الشغل زاره وإن كان ما شكرش فيه أوى قالى راح مرة غيروا حاجات و تانى مرة طلبوا تغييرها تانى والفترة بينهم ما كانتش كبيرة هو المركز كله بقاله كام شهر لسه فاتح و قالى مغلوانى غير ان أحد الأعضاء لما زاره فى الصيانة المجانية للنيوصنى رفض يديله جركن الزيت فى ايده زى بقية التوكيلات وقاله فى الصيانة القادمة هنحطهولك مجانا و العضو كان تقريبا من الغردقة وكان بالصدفة فى اسكندرية وقتها

3 - اسكندرية الهندسية الكيلو 28 بطريق اسكندرية القاهرة الصحرواى بعد مجمع البترول و فى اعضاء كتير راحوه و أنا منهم و هو كويس وهو حتى وكيل أيضا لهيونداى

لكن لو عاوز تروح اوتوايجيبت فرع ابو رواش فمكانه قبل المحور علطول ناحية كارفور حوالى 200 كيلو من اسكندرية وأنا روحته قبل كده و هو أفضل بكتير من اللى هنا فى اسكندرية أكيد
أنا ناوى أطلعه كمان اسبوعين كده فى صيانة الخمسة آلاف ان شاء الله علشان عندى كام حاجة جنب صيانة الخمسة كمان و هانزل القاهرة بالمرة

لكن نصيحة لو هتعمل صيانة عادية زى الألف أو الخمسة روح اسكندرية الهندسية أقربلك ومركز كويس

الف شكر على الاجابة الاكتر من وافية

انا كنت في مركز احمد مرعي النهاردة في صيانة الاف الاولى

وفعلا انا روحتلهم اثناء العرض ومارضاش يديني الزيت الفلتر بس النهاردة حطهم ببلاش ومادفعتش ولا مليم في صيانة الالف مع اني كنت عايز الزيت عشان ابيعه لأي حد من الحبايب واحط ليكوي مولي بس يلا مش مهم كلها 10 الاف كيلو يعدوا هوا واحط ليكوي مولي :))