الموضوع: مشكله محيرة في دورة التبريد

العربيه ستروين اكسار 2 اوتو

المشكله الي عندي ان العربيه بتبرد زياده اوي عن اللزوم ( في الزحمه ودلوقتي في السريع)

1- في الزحمه العربيه تبقي تام التمام المروحه تشتغل علي 92 وتفصل علي 88 وهكذا ولكن تيجي تقف في شويه زحمه المروحه تفضل شغاله لحد ما العربيه تبرد وممكن توصل عند ال 70 وتفضل شغاله لحد مابطل العربيه . ( بصيت علي ال 3 ريلاي بتوع المروحه والمقاومات كله تمام ) هي واخده اشاره تشتغيل


2- في الطرق السريعه انا لسه مغير الريداتير من يومين قبل ماغيره كانت الحرارة علي الطرق السريعه ممكن توصل ل 95 بس الريداتير القديم كان ضايع متلحم 50 لحام ومواسير ملغيه وزفت المهم بعد ماغيرته وجبت واحد جديد العربيه بقت تبرد وتوصل ل 75 هل ده ممكن يكون ثرموثتات الكوعه معلقه مفتوحه اومتشاله ولما غيرت الريداتير الموضوع بقي ملاحظ ؟؟

3- ودي اكتر حاجة بقي هاتجنني اني لو ماشي مشوار و بطلت العربيه ودورت تاني بعدها بدقيقه الاقي الحرارة اعلي مما كنت مبطل واول مادور العربيه المروحه تشتغل علي السرعه العاليه طبعا لأن الحراره عاليه لحد ماتبردها فمثلا اكون مبطل والحرارة 90 اما اجي ادور بعدها بدقيقه الاقيها 100 تقوم المروحه شغاله سريع وترجعها 90 هل ده عادي ؟؟
وشكرا للجميع

دي صورة الدورة عندي