مين أحسن واحد لقطع غيار استعمال الخارج بالاسكندرية - لانسر

**ehabahmedie** · 24-02-2013 03:44 PM

السلام عليكم جميعا

ممكن مساعدة:
حد يعرف مين أحسن واحد -أو أكتر- في الاسكندرية عنده قطع غيار لانسر بومة استعمال الخارج؟

الأحسن يعني في المعاملة والسعر والضمير

**shano 500** · 22-03-2013 06:03 PM

وعليكم السلام ورحمة الله وبركاته اعتقد ان فى واحد فى اخر شارع صلاح الدين اسمة القرش وهو معروف جدا هناك كمان فى واحد تانى فى الحرفيين المنطقة الاولى بعد محطة البنزين حتخش يمين اسمة الصديق وصاحبة شاب محترم اسمة مؤمن

**omaroof** · 23-03-2013 08:54 AM

صلاح الدين اوكى لكن معلش فيه منطقه اسمها الحرفيين فى اسكندريه ولا حضرتك تقصد الحرفيين اللى فى القاهرة؟

**ehabahmedie** · 24-03-2013 09:32 PM

شكرا جدا

أعتقد قصده الحرفيين في القاهرة

**ali ahmed** · 25-03-2013 01:01 AM

لا هوا قصده الحرفيين اللي ف الاسكندريه

عشان هوا فعلا فيه حرفيين في الاسكندريه كمان

**ali ahmed** · 25-03-2013 01:08 AM

بس ممكن حد يقولي شارع صلاح الدين دا فين ف الاسكندريه

عشان انا معايا لانسر شارك 2012 وعايز اشتريلها رادياتير جديد

هل هلاقي عندو ؟

**shano 500** · 26-03-2013 08:22 AM

لا انا اقصد الحرفيين اللى فى اسكندرية وهى كذا مرحلة وانا اقصد المرحلة الاولى وهى تقريبا قبل الموقف الجديد لان الراجل سال عن اسكندرية . اما بخصوص شارع صلاح الدين فهو يعتبر متفرع من شارع فؤاد اللى فى محطة الرمل تحديدا بعد نقطة شريف تانى او تالت شارع يمين واسال فين مؤسسة عبد الرازق لقطع غيار المتسيوبيشى اعتقد ده احسن واحد وان كنت لا انصح بالجديد فى الحاجات اللى زى دية لانها بتبقى صينى

**ali ahmed** · 27-03-2013 01:03 AM

المشاركة الأصلية كتبت بواسطة shano 500

لا انا اقصد الحرفيين اللى فى اسكندرية وهى كذا مرحلة وانا اقصد المرحلة الاولى وهى تقريبا قبل الموقف الجديد لان الراجل سال عن اسكندرية . اما بخصوص شارع صلاح الدين فهو يعتبر متفرع من شارع فؤاد اللى فى محطة الرمل تحديدا بعد نقطة شريف تانى او تالت شارع يمين واسال فين مؤسسة عبد الرازق لقطع غيار المتسيوبيشى اعتقد ده احسن واحد وان كنت لا انصح بالجديد فى الحاجات اللى زى دية لانها بتبقى صينى

يعني الموسسه دي بتبيع الرادياتير صيني مش ياباني ؟

طيب تنصحني اجيب الرادياتير منين

انا سالت ف التوكيل قالو ب 4500

العربيه لسه جديده مكملتش سنه ومش عايز اركب حاجه تروح تبوظ حاجه تانيه

تنصحني اعمل ايه ؟؟؟

**shano 500** · 28-03-2013 06:58 PM

بص حضرتك حاول تسال عند بتوع الاستعمال اكيد حتلاقى السعر عندهم اقل من التوكيل بكتير جدا + انه هو هو اللى بينزل فى العربية بس اتاكد ان حالتة جيدة وفهم صاحب المحل انك حتشترية على التجربة لمدة يومين او اكثر ولو فية حاجة يبقى حترجعهولوا تانى وحاول تاخد معاك ميكانيكى تكون واثق فية وفى شغلة كمان والله الموفق.