من كام يوم لاحظت ان فيه بقعة زيت تحت كرتيرة الفتيس لعربيتي البورا فرحت للميكانيكي علشان اشوف الدنيا فيها ايه
فكينا الدرع اللي بيحمي الكرتيرة لقينا اثار تسريب من الجنب اليمين للكرتيرة لو انت واقف قدام العربية ...الميكانيكي قالي ان ده الجوان عايز يتغير ....رحت جبت جوان فيبي ب 70 جنيه و انبوبة سليكون ب 80 جنيه (سبحان الله اغلى من الجوان )... جينا نركب الجوان على الكرتيرة .....راكب تمام وكله في السليم
المشكلة ان الجوان من الجنب اليمين للكرتيرة كل لما نيجي نشد على المسامير بتاعتها نلاقيه اتشفط لجوه نريح المسامير يرجع طبيعي والشفة بتاعت الجوان (ملقتش وصف ليها احسن من كده )..ترجع مكانها..المهم جربنا نشد ونريح اكتر من اربع مرات وفي كل مرة الجوان يتشفط لجوه ....الميكانيكي قالي عاد مفهوش مشكلة ومش حيجيب زيت احنا حاطين سليكون وده مش حيخليه يسرب ...انا كنت متاكد 100 % انه حيسرب وقد كان نازل النهاردة وبحط ايدي مت تحت الكرتيرة لقيت زيت ...رحت بيها من المهندسين لجامعة عين شمس وسبتها شوية ورجعت لقيت بقعة زيت برده من نفس الناحية ...انا ناوي اروح للميكانيكي بكره وحخليه يفكها تاني ونشوف الليلة ايه
الكرتيرة سليمة مفيهاش اي شروخ
ايه الحل ..هل الجوان معيوب ولا ايه ..وهل ممكن ارجعه ولا المحل الللي جبت منه حيرفض ..؟؟
المفضلات