الموضوع: رابطة مالكى استرا ( j )

يا جماعه ياريت تركزوا معايا شويه وياريت الناس القديمه تركز اكتر

دلوقتي انا كتبت من شهرين قبل كدا على مشكله الكركره اللى بتحصل فى العربيه ومشكله نتشه الفتيس مابين النقلات ودلوقتي فى مشكله جديده ان مع التكييف السحب بيتقل بتاع العربيه وده ليه قصه تانيه هوضحها بعدين بس خلينا الاول فى اول مشكلتين... انا روحت عملت صيانه ال 5 الاف فى توكيل جسر السويس ودفعت 500 جنيه وقولتلهم على المشكلتين وعملوا ابديت للسوفتوير ولا حياه لمن تنادي المشكلتين موجودين وبالنسبالى رجه الفتيس مخوفاني جدا علشان ميكونش فى مشكله فى الفتيس وهما بيستعبطوا ومش عارف اتصرف معاهم ازاي ؟؟؟؟ ومشكله الكركره بتحسسني اني راكب عربيه رخيص مش عربيه ب 200 الف وبردو مش عارف اتصرف مع بتوع التوكيل دول ازاي فياريت لو اللى عنده نفس المشكله نجمع بعض ونروح يوم ع التوكيل ونخربلهم الدنيا هناك علشان يتربوا ويوشفولنا حل فى القرف اللى احنا فيه ده
_____________
بالنسبه لموضوع التكييف اللى حسيته ان التكييف نازل باوبشنز هيدين عن اليوزر اللى هو انا وحضرتك ازاي بقي مثلا مع البلوتوث لو جالك مكالمه وعامل التكييف على اوتو صوت التكييف بيوطي لوحده علشان تسمع المكالمه وزي مثلا فى يوم حر كانت الحراره 42 فيه الار بي ام على لوحده والعربيه وصلت ل 90 فى اقل من 3 دقايق علشان تقوي من اداء العربيه ومن فاعليه التكييف لان العربيه عرفت ان الجو 42 درجه فظبطت نفسها على الجو الموجود وده اكيد لو حد راح التوكيل علشان يقولوا ع المشكله دي هيلعب فى السوفت وير بتاع الموضوع ده علشان يريح نفسه من الصداع بما اننا ماشيين فى التوكيلات باسلوب الدهلكه .......... اخر الموضوع يعني اني اتخنقت ومش هو ده اداء الاوبل من الاخر مع العلم انها عربيه ممتازه فى كل حاجه الصراحه واحسن عربيه فى فئتها بس مينفعش المشاكل دي يتصبر عليها الصراحه

نسعد بإنضمامكم لجروب رابطة ملاك اوبل استرا وانسجينا

* * * * * * * * * * * *

السلام عليكم. لو سمحتم حد عارف صيانة العشرين تكلفتها كام و بيتعمل فيها ايه؟ خدمة العملاء بتقوللي ٨٥٠ و هيتغير فيها فلتر الهوا و التكييف. أنا كنت ناوي أروح ع ال ٢٥٠٠٠ مرة واحدة بس في صوت في العجل عايز أعرف سببه. هو ممكن أختار اعمل حاجات معينة بس في الصيانة ولا لازم كله؟

المشاركة الأصلية كتبت بواسطة k.ossama

فى صيانة العشرين غيروا فلاتر الزيت والهواء، والزيت نفسه طبعاً ولن يتم تغيير فلتر التكييف (كشف عليه وقال لى كويس مش محتاج)
المصنعية كانت إجمالى 270 والصيانة على بعضها ب835 قبل الضريبة
لو تيل الفرامل ما اتغيرش، غالباً حيتغير وده عامل حوالى 800 جنيه (الإيطالي مش الكورى بتاع الكروز) وتزود فى المصنعية 65 جنيه كمان
ممكن طبعاً تأجل ل25 ألف على حسب العداد عامل كام

شكرًا د. خالد على الرد. أنا في صيانة ال ١٥٠٠٠ مغير زيت فالمفروض الغيار الجاي يبقى في ال ٢٥، مظبوط؟ أنا باستخدم موبل 1.