رابطة مالكى استرا ( j )

**Mohyeldin1974** · 19-06-2013 02:08 AM

المشاركة الأصلية كتبت بواسطة Alaa Nofal

السلام عليكم
انا بفكر اجيب astra sedan 2013 يا ريت اللي جربها يقولي رايه فيها ايه ؟
وهي احسن ولا الكورولا ؟
شكرا على الموضوع الجميل

حضرتك الاول تقرا المواضيع الخاصه بتقييم العربيتين وعلى سبيل المثال http://www.nilemotors.net/Nile/356327-a.html
وباختصار هقول لحضرتك انا من عشاق وركيبه الكورولا من اول ١٩٩٧ وحتى موديل ٢٠٠٧
انا كنت هختار الكورولا لو سعرها اقل من كده يعنى فى حدود ١٥٠ الف حتى لو الاسترا كانت بنفس السعر
لانى هكون عارف ان تكاليف التشغيل والصيانه والبنزين اقل غير انها ممكن تكون اكثر اعتماديه لحاله الطرق فى مصر
اما لما المبلغ يوصل ١٨٠ الف او اكتر يبقى كده عدت اكتر بكتير من توبها حتى لو قلت فيها اشعار وخاصه بقله الاوبشنز حتى فى الهاى لاين مقارنه حتى بالاسترا الانجوى مش الكوزمو كمان
ومن اهم الاسباب الى تخليك تختار استرا ان الكورولا الجديده هتنزل كمان كام شهر وبالتالى الشكل الحالى هيتحرق اما للاسترا اديك شايف بسم الله ماشاء الله تصميم تحفه ولسه جديد فى الشارع ومعتقدش ابدا ان الشكل يغير قبل اربع سنين على الاقل
كمان اعتقد انها من اكتر العربيات نجاحا بالنسبه لاوبل على مستوى العالم ويكفى ان العربيه نازله مصر بنفس المواصفات فى اوروبا. وربنا يوفقك للاختيار الافضل

**Mohyeldin1974** · 19-06-2013 06:24 PM

يا جماعه انا قربت اعمل صيانه ٥٠٠٠ ان شاء الله
ليا كام سوءال
هل موضوع تحديث السوفوير ده اجبارى ولا بمزاج العميل
هل لازم اختم الضمان من عند منصور (الاداره) قبل ماروح فرع الصيانه
ان شاء الله هعمل الصيانه فى فرع جسر السويس هل هو مركز كويس واخباره ايه ومعاملتهم ازاى

شاكرين مهللين

**kaizzar** · 19-06-2013 08:18 PM

المشاركة الأصلية كتبت بواسطة mohyeldin1974

بص لما باستخدم العربيه تانى بيكون الصبح طبيعى ان الاوتو لايت بيكون اون بس بما انها الصبح مبتنورش
ههههههههه بص جرب وقلى

إنا جربت يا باشا و النور بيولع برضه لوحدو

**kaizzar** · 19-06-2013 09:33 PM

المشاركة الأصلية كتبت بواسطة K.Ossama

لماذا لا تستخدم احد مواقع المساعدة للكتابة بالعربى مثل
محرر Yamli™ - لوحة المفاتيح العربية الذكية
او
تجربة أدوات الإدخال في السحاب عبر الإنترنت – السحاب – أدوات الإدخال من Google
يا ريت تجربهم حيكون افضل كثير واسهل
ده غير ان كتابة العربى بالانجليزى أو العكس ممنوعة فى قواعد المنتدى
ارجو تقبل مرورى
تحياتى

شكرا يا باشا

**K.Ossama** · 19-06-2013 11:16 PM

المشاركة الأصلية كتبت بواسطة kaizzar

شكرا يا باشا

العفو..... انت تؤمر

**aahfly** · 20-06-2013 12:48 PM

المشاركة الأصلية كتبت بواسطة mohyeldin1974

يا جماعه انا قربت اعمل صيانه ٥٠٠٠ ان شاء الله
ليا كام سوءال
هل موضوع تحديث السوفوير ده اجبارى ولا بمزاج العميل
هل لازم اختم الضمان من عند منصور (الاداره) قبل ماروح فرع الصيانه
ان شاء الله هعمل الصيانه فى فرع جسر السويس هل هو مركز كويس واخباره ايه ومعاملتهم ازاى

شاكرين مهللين

انا عملت فيه صيانه 5 الاف برضو و هوه مركز كويس و الدنيا منظمه بالنسبه لعملاء اوبل
انا رحت الساعه 10 فى ميعادي و العربيه دخلت 10:30 و خلصت 12 بتغيير الزيت و الصيانه و السوفت وير
و بالنسبه للسوفت وير انت اللى بتطلب و لازم يبقي معاك كود العربيه عشان يقدر ينزله
و بتختم دفتر الصيانه بعد ما بتخلص الصيانه عادي من نفس الفرع

**digitalboy86** · 21-06-2013 02:04 AM

اسمحوا لي انضم للرابطة ديه .... واقبلوني عضو جديد معاكوا
انا استلمت العربية من فتره وبسم ما شاء الله جميله فعلا وتستاهل وكان اختيار موفق الحمد الله

كنت عايز أسئل علي حاجه
الزرار اللي مرسوم علي العربية وطريق معوج ده ..... غالبا بتاع esp أمتي اشغله وامتي يبقي مقفول
وبالنسبة للتكيف انهي زرار بيتحكم في دخول الهواء من الخارج
وشكرا وعذرا للاطاله

**K.Ossama** · 21-06-2013 04:11 PM

المشاركة الأصلية كتبت بواسطة digitalboy86

اسمحوا لي انضم للرابطة ديه .... واقبلوني عضو جديد معاكوا
انا استلمت العربية من فتره وبسم ما شاء الله جميله فعلا وتستاهل وكان اختيار موفق الحمد الله

كنت عايز أسئل علي حاجه
الزرار اللي مرسوم علي العربية وطريق معوج ده ..... غالبا بتاع esp أمتي اشغله وامتي يبقي مقفول
وبالنسبة للتكيف انهي زرار بيتحكم في دخول الهواء من الخارج
وشكرا وعذرا للاطاله

أولاً أهلاً بيك وألف مبروك وربنا يبارك إن شاء الله
شوف يا سيدى الزرار فعلاً بتاع ESP وهو على طول شغال ممكن تدوس عليه فيلغى traction control & ESP
وده ممكن بس فى حالات قليلة زى مثلا لو العربية غارزة في الرمل.
اما الزرار الثاني بتاع الهواء من الخارج فده الزرار اللى تحت زرار التكييف بس هو الطبيعى بتاعه فاتح السكة علشان ما يحصلش ضباب على الزجاج من الداخل "مشكلة فى البرد طبعاً" فأنت حتحتاج تشغله تقريبا كل مرة تشغل العربية