الله يعينك عليهم ... شر وﻻبد منه
عرض للطباعة
الله يعينك عليهم ... شر وﻻبد منه
ممكن اعرف بس ازاى اخلى الابواب تقفل لما العربية تمشى ؟ بس ياريت بالتفصيل لو سمحتو
انا انشالله هستلم كمان اسبوع استرا هاتشباك 2013 ...
بس انا موضوع الرعشة ده قلقنى يا جماعة ، هو موجود فى كل العربيات ولا اييه ؟!!
و هل هو عيب مش بيتصلح فى العربية ؟؟؟
ارجوو الافادة
علي فكرة هي مش رعشة خالص ... هي هزة بتيجي لمدة ثانية او اقل من ثانية كمان ومش بتحصل باستمرار .. بالنسبة لي كانت بتحصل وانا بركن العربية فقط ومرة تحصل ومرة ﻻ .... وعلي فكرة دي مش مؤثرة في حاجة وﻻ تعيب العربية والموضوع كله سوفت وير بيبقي عايز يتظبط بس المهم اللي يعمله ﻻزم يكون فاهم ... وهي مش موجودة في كل العربيات ﻻني قبلت ناس كتير في التوكيل راكبين العربية ومعندهمش الموضوع ده
علي العموم الف مبروك وربنا يكفيك شرها والعربية احسن من عربيات كتير في فئتها وسعرها ... واهﻻ بيك معانا في الرابطة ومنتظرين تقريرك ومشاركاتك
شكرا استاذ عصام
انشالله اول مستلم هقولوكو اييه النظام ، و اقولوكو بالتفصيل الفرق بينها و بين ال 2012.
لحد دلوقتى الفرق الوحيد اللى عرفتو اننها نزلا ب usb ، و ال 2012 مكانش فيها..
هو الكلام ده على حسب الراجل فى منصور ...
دفعة 2013 هاتشباك مجاش منها غير 5 عربيات والدفعة اللى انا هستلم منها 6 بس ، و هو بيقول انو نازل فيها usb غير ال 2012.
لحد دلوقتى سعرها 195،500...
و البلوتوث مش شغال فى ولا عربية فى مصر ، ده برده على كلام الراجل فى منصور.
هو انا ممكن اركب سنسور للركن فى التوكيل ؟؟ بما ان الهاتشباك مش بتنزل بسنسور.
الهتشباك 2013 مفهاش USB غير في التربو! أنا ركبت الكوزمو 2013 وهي هي ال 2012 الفرق بس الشكل الخارجي مغيرين في شكل الشبكة و فوانيس الشابورة -مش عارف ليه أنا شايف إن الاقدم كانت أحلى أو يمكن دي أذواق- والفوانيس الاساسية الامامية بقيت غامقة من جوه, غير كده زيادة حليات كروم في مقابض الأبواب وفي الاكصدام الخلفي فوق العواكس. ومن جوه الفرش مختلف بس برده نص جلد ونص قماش, الفرق في نقشة القماش بس, وبقى فيه Speed Limiter مع ال Cruise Control بس. على العموم ألف مبروك وربنا يسترها معاك ويديك خيرها ويكفيك شرها العربية بجد ما شاء الله مش يتزهق منها.
السلام عليكم
انا كنت عايز اسأل هي الرعشه دي حلها ايه بزبط عشان هي عندي بردو .. ؟؟ هي مش مؤثره بس سعات بدايق منها كدا..
وكان عندي سؤال تاني هو لما ارجع مرشدير مش المفروض بيظهر في الشاشه على شكل خطوط وره العربيه كدا مقدار بعد العربيه الي وره وانهي سينسور من الاربعه الي اقرب وكدا ؟؟ زي السيراتو مثلا فيها الحكايه دي .. هي موجوده في الكتالوج بس مش عارف هل دي موجوده في الي بتنزل مصر ولا لأ ..
لو سمحتوا هى اوبل استرا سيدان واسعة ولا ضيقة
العربية ابعاده كبيرة بس لما بشوفها بحس انها صغيرة
فلو سمحتوا رايكم هى كبيرة ولا لا و حجمها من جوة زى الاوكتافيا فانتازيا ولا لا
مبروك .. مبروك .. مبروك رابطة مالكي استرا j بقي من المواضيع المثبتة علي نايل موتور اوبل ... شكرا ﻻدارة الموقع واعضاء الرابطة ﻻزم يشدوا حيلهم معانا شوية ويشاركونا باراءهم ومقترحات وتقريرهم عن العربية اول باول ... وﻻزم مساعدة اشقاءنا قدامي اوبل في الموقع ﻻن مينفعش نستغني عن الخبرة احنا لسة سنة اولي اوبل
بخصوص الرعشة دي طبعا ليها حل باذن الله ... هي فعﻻ مش مؤثرة خالص لكن كانت مضيقاني اوي .. والحمد لله توكيل منصور اللي في جسر السويس اخيرا ظبطوها روحلهم وقولهم عليها وفي مهندس سوفت وير محترم جدا اسمه مروان هيضبطهالك ان شاء الله .
بخصوص السينسور بالنسبة للانجوي مفيهاش حاجة بتظهر علي الشاشة... والسينسور الاربعة علي ما اعتقد كلهم في مستوي واحد
[QUOTE=redangle00000;3874908772]لو سمحتوا هى اوبل استرا سيدان واسعة ولا ضيقة
العربية ابعاده كبيرة بس لما بشوفها بحس انها صغيرة
فلو سمحتوا رايكم هى كبيرة ولا لا و حجمها من جوة زى الاوكتافيا فانتازيا
ابعاد العربية من برة ﻻ تدل علي ابعادها من جوة فعﻻ ... هية من جوة من النظرة الاولي تحس انها ضيقة لكن لما تقعد فيها بتحس انك قاعد مرتاح جدا سواء اللي قاعد قدام او اللي قاعد ورا والموضوع كله مرتبط بطول الاشخاص يعني في اعتقادي اللي طوله 180 سم وانت طالع هيبقي قاعد مزنوق انا واصحابي متوسط اطوالنا 175 سم والقاعدة ورا وقدام بتبقي مريحة ومظبوطة... وانا مركبش اوكتافيا قبل كدة .. ومتهيألي ان الاسترا من الداخل معتدلة ﻻ تقدر تقول عليها ضيقة وﻻ تقدل تقول عليها واسعة
روحت التوكيل النهارده اعمل صيانة ال10000 الساعة 9.15 وخلصت 1.30 الحمد لله ظبطولى موضوع الرعشة فعلا نزلولى سوفت وير جديد وكان فى شكوه عندى انى فى رجة مع الفرامل وشفوها وقلولى انى التيل قرب يخلص ونزلت شوفتة لقيتة لسة فى حوالى 45 فى المية بس لقيت الطنابر الاربعة مريجة بسيط وقلتلوا السبب من الطنابير طالما مريجة وقلى احنا هنصنفرهاوهنصنفر التيل ونجرب قلتلوا دى لازم تتخرط قالى لا هتخد وش صنفره وهنجرب ولو عملت تانى هنغيرهم وهتجبلنا تيل جديد قلتلوا ماشى وخرجت اسئل على التيل علشان ابقى عارف الاسعار لقيت التيل الامامى ب742والتيل الخلفى 1070 وسئلت على صيانة ال20000 الف بيعملوا فيها اية قالى زيت وبوجيهات والبوجيهات ال gm ب200 او 250 وصيانة ال45000 بيتغير فيها سير كاتينة وشداد وبلية وسير دينموا وتغير زيت فتيس وتغير طرامبة مياه وبوجيهات وتكلفتها 5500 انا لقيت اسعرهم غالية جدا انا قولتلهم انا هجيب البوجيهات والتيل من بره وتركبوهم قالولى مفيش مشكلة وكنت عوزهم يظبطوا مياه المساحات علشان بحسها عالية شوية بتوصل للزجاج الخلفى فقلتلوا يوطيها شوية بس قلى هى كده مبيتلعبش فيها فقلتلوا خلاص سبها والمهندس ده اسموا مروان وهو انسان محترم جدا
نسيت اقولكم انى غيرت الزيت لكسترول ايدج والملاحظ حتى الان انخفاض صوت المتور والسحب اتحسن حاجة بسيطة بس ده ممكن يكون بسبب السوفت الجديد لانهم قلولى انوا هيحسنوا
بخصوص مياه المساحات هي فعﻻ كدة مش يتتحرك وعندي نفس الموضوع اللي عندك وقولتلهم عليها ولقينها فعﻻ ثابتة مش بتتحرك .... وبخصوص الطنابير كان عندك رعشة بسيطة في الدريكسيون مع الفرامل وانت علي سرعة عالية ؟وزيت الموتور انت جبته من بره وﻻ عندهم في التوكيل ؟ ولو لقيت التيل والبوجيهات برة تبقي مشكور لو قولتلنا علي سعرهم ونوعهم ومكان شرائهم ... ومبروك علي الرجة اللي راحت وفعﻻ السوفت وير الجديد فرق معايا في السحب بشكل ملحوظ
ايوه كان فى رعشة مع الفرامل على السرعات العالية ورجة فى الدركسيون
الزيت جبتوا من بره التوكيل هو موجود فى شارع دمشق تقريبا وممكن تكلمهم وهما يجبهولك لحد عندك بدون تكلفة زياده وده الينك بتعهم على الفيسhttps://www.facebook.com/CastrolEgypt
انا جبتوا جنية385 5لتر
انا لسة هدور عليهم لم القى حاجة كويسة هكتبها على طول
انا عربيتي إوبل أسترا سيدان 2013 كوزمو لسة جديدة بس فيها مشكلة غريبة
لما بغسلها بلاقي درجة الحرارة بالسالب وممكن توصل -50 وبعدها التكييف بيفضل لمدة طويله مش شغال تبريد وممكن يفضل لمدة 10 ساعات وبعد كدة بيرجع يشتغل تاني عادي
الموضوع دا بيتكرر كل مرة أغسل فيها العربية ومش عارف أعمل إية
برجاء الإفادة
انا عربيتي إوبل أسترا سيدان 2013 كوزمو لسة جديدة بس فيها مشكلة غريبة
لما بغسلها بلاقي درجة الحرارة بالسالب وممكن توصل -50 وبعدها التكييف بيفضل لمدة طويله مش شغال تبريد وممكن يفضل لمدة 10 ساعات وبعد كدة بيرجع يشتغل تاني عادي
الموضوع دا بيتكرر كل مرة أغسل فيها العربية ومش عارف أعمل إية
برجاء الإفادة :untitled:
العربية فيها خبطة صغيرة من تحت عتبة الباب الخلفي مش بتكون ظاهرة إلا لما أكون بعبد عن العربية بشوية
ياتري التوكيل بيعالج مشاكل الخبطات الصغيرة دي وإلا لازم أوديها لسمركي يظبطها ياريت حد يفيدني
أنا بسال علي حاجه في تكييف استرا كوزمو سيدان هو انا لازم كل مره اضغط علي الزرار اللي هوا بيمنع دخول الهواء الخارجي لان كل مره ادوس عليه يشتغل ولما العربيه بتفصل الزرار ده بيفصل ولازم ادوس عليه ؛؛ ومتهيالي لما يكون مطفي هوا اللي بيدخل صوت هواء جوا العربيه بعد 100 ؛؛؛؛
ممكن بقي سؤال كمان ، لييه صوت الماتور بيعلي قوي فى النقلة الاولي والتانيه ، هل تصميم الموتور ده كده ولا لأنه العربيه تقيله عليه ،ثانيا ان rpm عندي بيبقي علي 750 بالظبط مش علي علي 790 بس مريحني هل اطلب برده منهم تحديث السوفت وير.
هما قبل ميعملولى السوفت وير قلولى ان الار بى ام هيعلى حاجة بسيطة وقلولى نشتغل ولا نسبها زى مهى وانا قلتلو اشتغل لانى الرعشة مكنت عجبانى وبعدين انا حاسس انو على السحب شوية يعنى الافضل تعملوا انا بقيت حاسس انى النفلات استجبتها يقت اسرع شوية وكانت سعات تسقف لو فاجئتها بدوسة بنزين مره وحده والموضوع ده اختفى بعد السوفت وير
انا عايز اشتري الكاسيت للاوبل استرا سيدان اللي فيه gps والبلوتوث وممكن يركبله كاميرا ،، انا كلمت شركه بتستورده في اسكندريه قالولي ان الكاسيت فيه مشكله بالنسبه للاسترا سيدان الجديده وبيحدثوا السوفت وير بتاعه في الصين ، محدش يعرف شركه تانيه بتستورده ويكون حد ركبه وشغال ،،، لان الواحد لو مظبتش العربيه في الاول عمره مهيظبتها بعد كده ولا ايه !!!!!!!!
بالظبط كدة اللي كان عندي والحمد لله اختفت الرجة والتسقيف والسحب بقي افضل.. لكن ظهر عيب في السوفت وير الجديد معايا وهو الاحساس بالنقﻻت بقي باين اوي واللي مضايقني
لما اجي افرمل وانا علي سرعة وعايز اقف خالص ساعتها بحس بالنقﻻت كأني عمال اسقط في النقﻻت وبالتالي بقت الفرملة مفيهاش انسيابية حتي ثبات العربية ... مش عارف اطنش وقضي اخف من قضي وﻻ اروحلهم تاني
سؤال يا رجاله هى العربيه لسه بتتباع بنظام الحجز والاوفر برايس وكده ولا ايه بالظبط ؟