رابطة مالكى استرا ( j )

**NaderNabil** · 27-11-2013 05:07 PM

المشاركة الأصلية كتبت بواسطة dede_dodo88

بقالي فترة مش لاقي بنزين 95 في أي حتة, فأضطريت أفول 92 النهاردة و حطيت محسن أوكتان..
دي أول مرة أحط فيها 92 بعد أكتر من سنة مع 95, و متوقعتش أني هحس بالفرق من أول تفويلة بالمنظر ده..
هي العربية بتمشي كويس مقالتش لأ, بس مقارناً بالوضع مع الـ95.. حاجة تانية خالص.
العربية بقت مكتومة و صوت الموتور بيزمجر جامد لما بقرص على البنزين, السحب قل بدرجة ملحوظة جداً خصوصاً و أنا على سرعة قليلة, في تأخير في النقلات بالذات لما بهدي شوية بعد كده أرجع أزود تاني..
أنا متضايق جداً, و العربية مستائة من اللي عملته فيها ده :(

انت كده هاتخليني أعملها و أروح اجرب ال 95!

**dede_dodo88** · 27-11-2013 05:47 PM

المشاركة الأصلية كتبت بواسطة nadernabil

انت كده هاتخليني أعملها و أروح اجرب ال 95!

بقاله حوالي اسبوعين مش متوفر في اي بنزينة..
بس لازم تجربه فترة كافية عشان تحس بالفرق, انا بقالي سنة و شوية ماشي 95 و قبلها حوالي سنة ب92, و كل مشاكل السحب و تأخير النقلات محستش بيها غير مع ال92..

**Abdo Taha** · 27-11-2013 08:18 PM

سؤال بسيط يا جماعة هو لو حطيط 95 على 92 اللي في التانك هيقلل من مفعول ال 95 و لا ﻷ ثانيا هو عشان احس بال 95 لازم احرق لمدة فترة معينة عشان يفوق الموتور و لا ممكن احطه على طول و احس بالفرق ؟

**a_samir2011** · 27-11-2013 10:11 PM

المشاركة الأصلية كتبت بواسطة hamadaosama

الحمد لله استلامت الاسترا انهارضة ، مشاء الله عربية تحفة ، بس عندي مشكلة مش عارف دي بسيطة ولا اية ، لما بكرون واقف تماما و الجير علي ال d و اشيل رجلي من علي الفرامل سعات العربية تنت او بمعني اصح زي ماكون في حاجة في اعدة المتور او الجير بكس لاني بحس بهبدة في الفتيس !!!؟ (سعات بعمل الموضوع دة و سعات لا !! ارجوا الافادة

لا عادي ياباشا انا عربيتي فيها الموضوع ده وفى حد من ملاك الاسترا هنا طمني وقالى انها بتروح بعد 5 الاف كيلو بس عايزين نقول للتوكيل على الموضوع ده ضروري ونشوف ايه الحكايه

**a_samir2011** · 27-11-2013 10:14 PM

المشاركة الأصلية كتبت بواسطة dede_dodo88

بقالي فترة مش لاقي بنزين 95 في أي حتة, فأضطريت أفول 92 النهاردة و حطيت محسن أوكتان..
دي أول مرة أحط فيها 92 بعد أكتر من سنة مع 95, و متوقعتش أني هحس بالفرق من أول تفويلة بالمنظر ده..
هي العربية بتمشي كويس مقالتش لأ, بس مقارناً بالوضع مع الـ95.. حاجة تانية خالص.
العربية بقت مكتومة و صوت الموتور بيزمجر جامد لما بقرص على البنزين, السحب قل بدرجة ملحوظة جداً خصوصاً و أنا على سرعة قليلة, في تأخير في النقلات بالذات لما بهدي شوية بعد كده أرجع أزود تاني..
أنا متضايق جداً, و العربية مستائة من اللي عملته فيها ده :(

معلش كام سؤال فني يابشا:

هو انت بتحس سعات بنتشه فى الفتيس كده وانت طالع من اشاره مثلا (او بمعني اصح بتحس بنقلات العربيه) ؟

طيب لو كنت ده اللى انت بتحس بيه بالجمله اللى انت قلتها اللى هيا بتاعه تأخير النقلات ده معناه اني لو جربت ال 95 الموضوع ده هيختفي؟ ولا تقصد بموضوع تأخير النقلات دي حاجه تانيه؟

نيجي بقي لأهم سؤال فني: هو لتر ال 95 بكام؟؟؟؟؟

**dede_dodo88** · 27-11-2013 10:35 PM

المشاركة الأصلية كتبت بواسطة a_samir2011

معلش كام سؤال فني يابشا:

هو انت بتحس سعات بنتشه فى الفتيس كده وانت طالع من اشاره مثلا (او بمعني اصح بتحس بنقلات العربيه) ؟

طيب لو كنت ده اللى انت بتحس بيه بالجمله اللى انت قلتها اللى هيا بتاعه تأخير النقلات ده معناه اني لو جربت ال 95 الموضوع ده هيختفي؟ ولا تقصد بموضوع تأخير النقلات دي حاجه تانيه؟

نيجي بقي لأهم سؤال فني: هو لتر ال 95 بكام؟؟؟؟؟

لأ هو الموضوع مش نتشة, النقلة نفسها ناعمة عادي بس المشكلة في توقيت النقلة سواء بتنقل بدري أو متأخر, و الحوار ده مبيحصلش معايا غير مع 92 لما كنت بحطه اول ما جبت العربية و النهاردة حسيت بيه تاني بعد ما فولت 92 و انا مضطر..

بص انا مش متأكد من سعر اللتر كام بالظبط بس غالباً في حدود 5.85, فالتفويلة بدفع فيها في حدود 250 ازيد او اقل حسب باقي كام لتر في التنك وقت ما بفول..

**Mohamed_Nour** · 28-11-2013 02:27 PM

المشاركة الأصلية كتبت بواسطة k.ossama

محمد...انت عربيتك انجوى وﻻ كوزمو. ..؟

انا انجوي انت انجوي بردو مش كدا

**Mohamed_Nour** · 28-11-2013 02:36 PM

يا جماعه انا كنت عايز انقل تجربتي الجديده معاكم انا بقيت احط زيت كاسترول 15 الف من فتره دلقتي عربيتي عامله 19 الف كيلو جربت مع تغير زيت كاسترول اني احط Cera-Tech من زيت liqui moli هي شركه المانيه الزيت الي من liqui moli ده بيعمل طبقة من السيراميك علشان يقلل الاحتكاك و حطيط منو مع تغيير زيت ال castrol و كمان حطيطه مع زيت الفتيس من غير تغيير زيت الفتيس العربيه حاسيت انها بقتتتتتت ناعمه جدااااا و الفتيس حسيت في نقلاته انه بقي احسسسسن بكتييير مع العلم اني كنت حارق علي زيت الموتور القديم و لما غيرته كدا كدا حسيت بفرق كفايا زيت castrol لوحده اصلا بس بعد محطيط cera-tech حسيت بفرق تاني يمكن يكون كمالة تليين في العربيه ههههه و انا بحط بنزين 92 و سعات بحط اوكتان بس ده احساسي من ناحيت ال cera-tech انا جايبو من موزع معتمد في المعادي في صقر قريش جبت ازازتين الواحده ب 130 جنيه هو ممكن يكون فارق كمان في السحب شويه
معلومات عن الموزعين
https://www.facebook.com/liqui.moly....08746505854563
اسف للاطاله
نسيت اقولكو العبوه 300 ml و مكتوب العبوه 6% من اجمالي حجم الزيت او العبوه بتكفي 5 لتر و انا حطيطه علي 4 لتر و 350 مللي بس ده علشان دي الكميه من الزيت الي كانت معايا لكن غير كدا كنت حاحط الكميه عادي و معاها ال liqui moli