رابطة مالكى استرا ( j )

**essamsh** · 04-05-2014 04:05 PM

أنا عندي استرا 2013 كوزمو. لما بشغل التكيف العربية بتتقل قوي في السحب. هل ده طبيعي ولا أنا عندي مشكلة ؟

**m.farouk** · 04-05-2014 04:12 PM

المشاركة الأصلية كتبت بواسطة essamsh

أنا عندي استرا 2013 كوزمو. لما بشغل التكيف العربية بتتقل قوي في السحب. هل ده طبيعي ولا أنا عندي مشكلة ؟

طبيعى بس قولهم لم تروح الصيانة برضوا

**K.Ossama** · 04-05-2014 04:14 PM

المشاركة الأصلية كتبت بواسطة essamsh

أنا عندي استرا 2013 كوزمو. لما بشغل التكيف العربية بتتقل قوي في السحب. هل ده طبيعي ولا أنا عندي مشكلة ؟

بتتقل عادى مش قوى يعنى.....
محتاجة سؤال برضو فى التوكيل

**mo.ad.hosny** · 06-05-2014 07:38 PM

نسعد بإنضمامكم لجروب رابطة ملاك اوبل استرا وانسجينا
.................................................. ...........................................
تنبيه : تم تكرار المشاركه بنفس النص فى اكثر من موضوع داخل قسم اوبل رجاء مراجعة قوانين المنتدي
6ب
مشرف قسم أوبل
7\5\2014
9:50 ص

**Islam Amer** · 07-05-2014 05:00 PM

السلام عليكم شكرا جدا لكل القائمين علي الموضوع بخصوص مالكي أوبل أسترا j
كنت حابب أستفسر عن معلومة ومحتاج أتاكد من مالكي عربية اوبل أسترا كوزمو j
الموضوع هو:
أنا وبستلم العربية من الوكيل لاقيت الولد قالي حضرتك تعمل الصيانة الأولي بعد 5000 كم أو 4 شهور أيهم أقرب فبصراحة سمعت الكلام ومشيت أولت أكيد في حاجة غلط ( أنا كنت معايا أوبل أسترا انجوي مو 2008 فكنت بعمل 5000 كم في السنة يعني مافيش موضوع الشهور ده ) فسمعت أنا ناس كتير بتاكد إن لو معملتيش 5000 كم لازم تروح بعد 4 شهور من تاريخ شراء العربية فتصلت برقم الخاص بمنصور والحقيقة محدش أفدني عشان الولد قالي أنا مش فني بس أكد موضوع 4 شهور فالحقيقة مستغرب من موضوع 4 شهور عالما أنا استعمالي للعربية بسيط جداا انا ممكن أعمل 5000 كم في سنة فياريت حد يوضحلي الكلام ده مظبوط
وثانيا : يعني لو موضوع 4 شهور طلع صح هل كده أن كل 4 شهور أروح أعمل صيانة حتي لو متحركتش بالعربية مش بالكيلو متر يعني
( وأسف جدا علي الإطالة ) منتظر ردكم

**K.Ossama** · 07-05-2014 07:27 PM

المشاركة الأصلية كتبت بواسطة islam amer

السلام عليكم شكرا جدا لكل القائمين علي الموضوع بخصوص مالكي أوبل أسترا j
كنت حابب أستفسر عن معلومة ومحتاج أتاكد من مالكي عربية اوبل أسترا كوزمو j
الموضوع هو:
أنا وبستلم العربية من الوكيل لاقيت الولد قالي حضرتك تعمل الصيانة الأولي بعد 5000 كم أو 4 شهور أيهم أقرب فبصراحة سمعت الكلام ومشيت أولت أكيد في حاجة غلط ( أنا كنت معايا أوبل أسترا انجوي مو 2008 فكنت بعمل 5000 كم في السنة يعني مافيش موضوع الشهور ده ) فسمعت أنا ناس كتير بتاكد إن لو معملتيش 5000 كم لازم تروح بعد 4 شهور من تاريخ شراء العربية فتصلت برقم الخاص بمنصور والحقيقة محدش أفدني عشان الولد قالي أنا مش فني بس أكد موضوع 4 شهور فالحقيقة مستغرب من موضوع 4 شهور عالما أنا استعمالي للعربية بسيط جداا انا ممكن أعمل 5000 كم في سنة فياريت حد يوضحلي الكلام ده مظبوط
وثانيا : يعني لو موضوع 4 شهور طلع صح هل كده أن كل 4 شهور أروح أعمل صيانة حتي لو متحركتش بالعربية مش بالكيلو متر يعني
( وأسف جدا علي الإطالة ) منتظر ردكم

زى ما الزملاء قالوا لحضرتك فى الموضوع التانى
سيبك من كلام التوكيل. التوكيل على فكرة ما يقدرش يقول لك ﻷ. وهو أصلا مستفيد كدة كدة.
وكمان إللى مكتوب فى الكتالوج إن الصيانة تتعمل خارج أوروبا كل 10 آلاف ميل (16 ألف كيلو) أو مرور سنة أيهما أقرب.
احنا بنعمل الصيانة كل 10 آلاف كيلو على أساس أننا مش خارج أوروبا بس، احنا خارج المعقول. يبقى تمام أوى كدة وعداك العيب وازح زى ما بيقولوا
إللى يكلمك بقى فى التوكيل ويقول لك كل 4 شهور طلع الكتالوج فى وشه على طول وقل له الكلام ده

**K.Ossama** · 08-05-2014 03:19 PM

المشاركة الأصلية كتبت بواسطة eslam youssief

لسة مستلم استرا كسر زيرو _يعنى خلاص بقيت من العيلة- بس كشفت عليها فالتوكيل وخدو 880 جنية كشف عام انا طبعا شيفها سرقة الكشف فى فولكس ب 300 جنية
المهم هما بيقولو انهم منزلين السوفت الجديد من اخر مرة صيانة بس بردة فى رعشة مع الnاوr وحسيت انهم مش فهمين اوى وقالى بردو دة عيب بنزين

أولاً ألف مبروك
وربنا يديك خيرها ويكفيك شرها
بالنسبة لموضوع الرعشة بتحصل على حسب نظافة البنزين فعلاً ومالهاش علاقة أوى بالأوكتين قد نظافة البنزينة

**khaled458** · 09-05-2014 04:15 PM

المشاركة الأصلية كتبت بواسطة K.Ossama

أولاً ألف مبروك
وربنا يديك خيرها ويكفيك شرها
بالنسبة لموضوع الرعشة بتحصل على حسب نظافة البنزين فعلاً ومالهاش علاقة أوى بالأوكتين قد نظافة البنزينة

انا مش فاهم ازاي نظافة بنزين يعني اشمعني مفيش عربية تانية بترعش انا عامل ١٤٠٠كم و من اول مجبتها وهيا فيها الرعشة كل لما اقف في الزحمة او اجيب p ده غير انها بتنتش في النقلات مبين الاول و التاني. انا حاسس اني راكب صيني.

**Mohamedzedan** · 09-05-2014 06:14 PM

انا سمعت وقرأت على مواقع اجنبية ان الاسترا j موتور بنزين مفيهاش فلتر بنزين، حد متأكد من الموضوع ده؟ لو الكلام ده صح هيكون سبب رئيسى فى الرعشة لأن بنزين بلدنا أكيد محتاج فلتر.......

**Mohamedzedan** · 09-05-2014 06:20 PM

انا سمعت وقرأت على مواقع اجنبية ان الاسترا j موتور بنزين مفيهاش فلتر بنزين، حد متأكد من الموضوع ده؟ لو الكلام ده صح هيكون سبب رئيسى فى الرعشة لأن بنزين بلدنا أكيد محتاج فلتر.......

حاجة تانية انا العربية عندى فيها صوت كركرة مستمر بسمعة دائما لو ماشى فى شارع هادى (لازم تكون فاتح الشباك) بالأخص مع بداية النقلة التانية، انا بحط بنزين ٩٢، حد عندة نفس الكلام؟