الموضوع: رابطة مالكى استرا ( j )

المشاركة الأصلية كتبت بواسطة mohyeldin1974

بعد دراسه طويله ومقارنات كثيره ، أخيرا استقرت على كوزمو وبفضل الله اشتريت ورخصت
اسمحولى انضم ليكو كمالك جديد للاسترا
عايز اعمل تقرير مفصل أن شاء الله بس بعد مراكب العربية وقت كفايه
العربية باختصار افضل اختيار بالنسبة للسعر ده

الف مبروك وربنا يباركلك فيها ويكفيك شرها .... واهﻻ وسهﻻ بيك معانا ومنتظرين تقريرك بفارغ الصبر ... وخد بالك ان احنا هنا بنقطع في فروة العربية زي ما انت شايف علشان الكل يستفيد مش زي باقي ماركات العربيات التانية اللي بتجيب المميزات بس

المشاركة الأصلية كتبت بواسطة K.Ossama

ساعات فعلاً احس بتسقيط النقلات مع الفرامل زى ما بتقول من على سرعات بس مش دايما.
اظن ان الفتيس ده بطيئ شوية و متبرمج على انه يريح العربية اول ما تيجى فرصة على حساب الأداء.
صوت الموتور خشن خصوصاً على الاول والثاني مش عارف ده ايه بس مش عاجبنى الصراحة.

انا امبارح كنت عند منصور اللي في جسر السويس وكنت حاجز رمخصوص علشان نفس الموضوع ده بالظبط وعلشان بحس ان العربية بتعمل كيك داون كتير و علي طول وقابلت المهندس مروان المتخصص في السوفت وير وطلعنا جربنا العربية في طريق السندباد ... وقالي ده طبيعي في كل العربيات مش في عربيتك بس وانا سوقت كل العربيات اللي جت التوكيل وزيها زي عربيتك بالظبط وقالي لو كنت لقيت عندك حاجة مختلفة عن كدة كنت قولنتلك ان عندك مشكلة بس العربية تمام ...ورفعلي الار بي ام لغاية 825 علشان كان الموتور بيتهز جامد وانا فاتح التكييف ولما بقفل التكييف الموتور بيكون ثابت وقالي ان بعد ما رفع الار بي ام المفروض تقل شوية الاحساس بالنقﻻت عند الفرملة بالذات واديني بجربها لسة وان كانت قلت بنسبة 30% تقريبا
المهم سألته هل في update للسوفت وير نزل من المانيا كانت المفاجأءة انه قالي ﻻ لسة .. مع العلم انهم ظبطولي حاجات قبل كدة علي انه سوفت وير جديد المهم مردتش احرجه وقولتله ﻻزم تبلغوا اوبل المانيا بشكاوينا وتسالوهم عن اي تحديث جديد يعالج المشاكل دي ..... وارجوكم ﻻزم كلكم تبلغوهم في التوكيل وانتم بتعملوا صيانة حتي يعلموا انها مشكلة شائعة وعايزين ليها حل اي نعم هية بسيطة مش مؤثرة بس ايه المانع انهم يشوفوا ليها حل مع اوبل المانيا ومش هتتحل لو الكل اشتكي مش فرد واحد بس
اسف علي الاطالة ويارب اكون فيدكم

المشاركة الأصلية كتبت بواسطة joey1989

كام سؤال يا جماعة

هل بتحسوا بتسقيط النقلة وانتوا بتفرملوا من سرعة عالية ؟؟؟

هل صوت الموتور الطبيعى فى زي تكتكة خفيفة و هو شغال ؟؟

العربية ونا ماشى على سرعات قليلة فى البلد بحس برعشة ولما اقلبﻻالفتيس مانيويال بلاقى نفسى على النقلة ال5 مثلا ، فلما ااجى ادوس بنزين العربية كانها عربية عادة طالعة على غيار عالى...

و شكرا

اقرا تعليقي السابق كويس ... وعلي العموم العربية دي النقﻻت فيها روحها صغير يعني بتنقل الرابع علي سرعة اربعين تقريبا ودي ميزة في انها بتريح الموتور وتقل من استهﻻك البنزين علشان الار بي ام دايما بيبقي واطي .لكن عيبها ان لو زوت البنزين حاجة بسيطة بتعمل كيك داون علي طول وتسقط نقلة علشان كدة بتحس بصوت العربية العالي ...ومتهيالي انت ﻻزم ترفع الار بي ام بتاع عربيتك شوية علشان موضوع الرعشة اللي بتحس بيها في البلد علي السرعات القليلة او انت واقف واكيد ده بيحصل بس وانت مشغل التكييف ولو طافيته متهيالي الرعشة دي بتروح صح وﻻ غلط ؟
وفي جميع الاحوال ليس لنا الا الله ثم التوكيل ﻻزم تبلغهم وتقولهم ﻻزم يشوفوا حل حتي لو مستقبﻻ ... وعلي العموم متقلقش دي حاجة بسيطة

هع فعلا الرعشة اكتر معى التكييف ولما بقفلوا الﻻعشة موجودة بس اقل ....

انت حجزت فى جسر السويس االثلاثاء اللى جاى عشان يظبطوا موضوع الرعشة ده و هقوللوكوا ايييه النظام

و كمان الكلاكس بتاعى صوتوا باز ، فحخلييهوم يعملوه بالمرة

المشاركة الأصلية كتبت بواسطة mohyeldin1974

تقييم شخصى سريع لكوزمو بعد ٣٠٠ كم ( التقيم من ١٠)
١- السعر .......١٠/٦ وكذلك حال جميع اسعار السيارات فى مصر مع العلم انى مخفض فى سعرها ٢٥٠٠جنيه
٢- التكيف......لم يتم تجربته انشاء الله بعد ١٠٠٠ كيلو وربنا يستر لان عربيتى لونها اسود
٣- الشكل الخارجى....... ١٠/٩.٥ طبعا دى ازواق ولكنها افضل تصميم وشكل خارجى فى فءتها
٤- تحميل الصاج........١٠/٨.٥ ماعدا الاكصدامات بحكم المواصفات الاوروبيه
٥- جوده التقفيل.....١٠/٩ بس ليه ملحوظه وحيده هى ان معظم الاسترا الجديده اللى شوفتها لاحظت ان الاكصدام الامامى مفارق بسيط عن جسم العربيه وكان الكلبسات مش مريحه مكانها
٦- التابلوه والتصميم الداخلى ١٠/١٠ بدون مبالغه وخاصه انوار التابلوه الناريه وان كان كثره الزراير ممكن تكون مشكله لبعض الناس ولكنى متعود عليها بحكم ان كان معايا النسخه estate خارج مصر
٧- الوسع والرحابه الداخليه ١٠/٨ بحكم ان العربيه c segment فطبيعى انها تبقى مش كبيره ولا صغيره بالذات الكنبه الخلفيه
٨- العفشه ١٠/٨ واعتقد الاداء هيتحسن مع الوقت
٩- المحرك ١٠/٨ واعتقد الاداء هيتحسن بعد مايفتح ولكنه مرضى جدا بالنسبالى بحكم انى مش بتاع تسارع وصوته ممتاز
١٠- استهلاك البنزين ١٠/٧ اعتقد ان حكم بدرى شويه لان لسه العربيه بتلين وان شاء الله بعد فتره الاستهلاك بيقل وهى بتعمل متوسط ١٠ لتر/ ١٠٠ كم داخل المدينه
١١- الفتيس ١٠/٧.٥ عندى نفس الملاحظات اللى ذكرها الزملا فى موضوع الرعشه والاحساس بتسقيط النقله فى حاله فرمله عنيفه ولكن اعتقد انها طبيعيه وليست عيب ولكنه احساس غير مرضى فقط وان شاء الله بالتحديث تختفى
١٢- الفرامل ١٠/٨ بحكم انها لسه بتطبع ولكن استجابتها ممتازه الا ان الاحساس الزياده بتساقط النقلات يعطى احساس ان الفرامل بتمسك بقوه ثم اقل ثم اقوى واعتقد انه طبيعى
١٣- الشنطه ١٠/٩ وسع ممتاز وكافى بخلاف امكانيه طى المقاعد
١٤- الاضاءه ١٠/٩ تنوع لقوه واتجاه الاضاءه وكافى جدا بخلاف الشبوره
١٥- الدريكسيون ١٠/١٠ فعلا ماشاء الله بدون مبالغه
السلبيات من وجهه نظرى
١- عدم وجود فتحات تكييف للكنبه الخلفيهرها
٢- الاستبن صغير ومش نفس مقاس الجنط السبور
٣- عدم امكانيه غلق المرايه عن طريق الريموت مع الازاز ( لو حد يعرف يقلى)
٤- السياره مجهزه للبلوتوث ولكن غير موجود
٥- مع كل دواره بلاحظ ان الزرار الخاص بادخال الهوا من خارج السياره بيكون off معناه ان لازم مع كل فتحه كونتاكت اشغل الزرار عشان ميدخليش هوا من بره ( بردو لو حد يعرف ازاى اخليه على طول on يقلى)
٦- الفتيس بياخر هسه فى قراءه النقله يعنى مثلا من d ل r و العكس يعنى مش تنقل وتدوس اكسريتير لا لازم تصبر لما الفتيس يقرا الحركه ويحولها ودى بتاخد جزء من الثانيه
٧- صندوق التابلوه مفيهوش تلاجه
٨- الاريال تركيب قلووظ مش fixed يعنى لو ركبته مش هتلاقيه
٩- فرامل اليد ودى عن تجربه شخصيه وهو موضوع ممكن يبقى ايجابى عند بعض الزملا وهو ان فرامل اليد لو مشدوده والعربيه واقفه ودورت وزودت بنزين على nاو p عادى الفرمله تفك نفسها اوتوماتيك حتى لو طلعت بالعربيه وهى مشدوده هى بتفك نفسها اتوماتيك عادى ونصيحتى هنا لبعض الاخوه اللى ممكن يسيبوا اولادهم يقعدو يلعبو فى العربيه لبعض الوقت ان فى حاله الدوس على الاكسراتير والعربيه معشقه الفرامل هتقرا انك عايز تتحرك وهتفك نفسها اتوماتيك وممكن لاقدر الله تبقى العربيه فى منزل وتعمل مشكله


حاولت اوجز قدر الامكان واتمنى ان اكون قد افدت الكل...... وتقبلوا تحياتى

تقرير هايل وممتاز ومحايد .... شكرا ليك ومبروك العربية وربنا يباركلك فيها ويكفيك شرها

mawdoo3 el ra3sha da kan in my car bardo bas kanet 2008, bas I think da leeh 3elaka bel gas, law 7ateet 95 mesh 7at7ess beeh

سبيييد.كوم | Test Drive - Opel Astra- أوبل آسترا