التابلوه ممسول من الجانبين ب 6 مسامير 3 يمين وثلاثة شمال وهتلاقيم خلف الفبر الي بيتفك من جانب التبلوة بعد فتح الابواب طبعاً وهتلاقي مسمارين كمان بعد متفك الكاسيت مثبتين التابلوه من المنتصف وتفك الطارة بالقطمة بالكامل اسهل ليك
عرض للطباعة
التابلوه ممسول من الجانبين ب 6 مسامير 3 يمين وثلاثة شمال وهتلاقيم خلف الفبر الي بيتفك من جانب التبلوة بعد فتح الابواب طبعاً وهتلاقي مسمارين كمان بعد متفك الكاسيت مثبتين التابلوه من المنتصف وتفك الطارة بالقطمة بالكامل اسهل ليك
شكرا استاذ طارق على ردك
وجارى التجهيز والاعداد للموضع بكل الادوات والمعدات وخلافة
خصوصا انى هفك صالون العربية بالكامل وحتى بطانة السقف
فلو حد عندة اضافة ممكن يساعدنى بيها ياريت ميبخلش
وان شاء اللة بعد ما اخلص واجرب هرفع بوست كامل بالصور والشرح وخلاصة تجربة العزل اللى انا ناوى اعملها للصالون بالكامل
انا بس ليا استفسار بخصوص( فك القطمة بالكامل) لانى بصراحة معملتوش قبل كدة
الرابط ده فيه شرح كامل لفك التابلوه
معذره تعبت علشان اجيب الرابط من على الجهاز ومن على النت
http://www.egylovers.org/vb/showthre...t=48186&page=2
جهد مشكور على كل حال
برغم ان الموضوع مفيهوش حاجة عن فك التابلوة بالكامل
بس انت كتر خيرك على اى حال
وما زلت فى انتظار مشاركات من خاض هذة التجربة
ربنا يعينك بجد ... لان واضح ان الموضوع داخل دماغك جدا ....
حضيف معلومه يمكن تكون مهمه ليك :
بما انك حتشتغل بنفسك و الموضوع حياخد يومين حسب تقديرك .... خلي الكهربائي يجييلك تحت البيت و يشتغل معاك و اتفق معاه علي مصنعيه اكتر شويه ميجراش حاجه .... الموضوع يستاهل .... و ربنا يوفقك و مستنيين النتائج :-)
فكرة مش بطالة بردة
بس خلى بالك فك الصالون بالكامل
هيحتاج كهربائى وسروجى وميكانيكى لانى عشان افرد الارما فليكس فى صدر العربية بالكامل هحتاج احرر ال3 دواسات
على العموم انا كل يوم بمرن نفسى على فك جزء واعادة تجميعة مرة اخرى عشان اليوم المشهود اكون مستعد لة
وربنا يسهل
ممكن تشرحلنا ايه هوه الارما فليكس و خصائصه ايه و صوره لو أمكن .
الارما فليكس دة عازل صوتى عامل زى السفنج المضغوط كدة بس لونة اسود
وهو بالاساس بيستخدم فى مجالات التبريد والتكيف
بس انا بعد ما جبتة حطيتة فوق البوتجاز وفضلت اقربة وابعدة عشان اشوف استجابتة للحرارة خصوصا ان شكلة عامل زى السفنج لقيتة مابيتأثرش بالحرارة اوى
انضف نوع منة هو الايطالى
يلية التركى
ثم الصينى
ثم المصرى
التخانات تبدا من 3 مم الى19 مم
انا جبت 3 افرخ ايطالى تخانة 9 مم لصدر العربية والارضية الفرخ ب75ج من شارع نجيب الريحانى بالقاهرة مقاس الفرخ متر فى مترين
وجبت 4 متر تركى تخانة 6 مم من العاشر من رمضان المتر ب 25ج
وجارى البحث عن كولة (لاصق غراء) اسبانى او حاجة نضيفة
وايضا جارى البحث عن لاصق حرارى اللى هيمسك الارما فليكس فى صدر العربية يكون غير السيلكون الحرارى او الجملكة اللى احنا بنستخدمهم فى الجوانات فى المكنة
وتم تجهيز 75% من العدة والادوات اللى هستخدمها واللى ممكن استخدمها
وتم تجهيز 2 كاميرا سونى hd فوتو لتصوير المغامرة بالكامل ورفع بوست محترف بكل التفاصيل عشان الناس تستفيد منة