المواطنون تصدو لمحاولة البلاك بلوك تعطيل مترو الانفاق

**Karim_Monir** · 24-02-2013 08:54 PM

مواطنون يتصدون لمحاولة «بلاك بلوك» فرض «العصيان المدني» بخطي المترو

تصدى مواطنون لمحاولة عشرات الشباب، الذين يرتدون زي «بلاك بلوك»، قطع خطي المترو الأول والثاني في محطة مترو السادات، القريبة من ميدان التحرير بوسط القاهرة.

وتمكن «بلاك بلوك» مساء اليوم، الأحد، من قطع خط المترو الأول، الواصل بين محطتي حلوان والمرج، فيما توجهت مجموعة أخرى لقطع الخط الثاني الواصل بين محطتي شبرا الخيمة بمحافظة القليوبية والمنيب بالجيزة، مرددين هتافات « حرية وعدالة.. إخوان مفيهاش رجالة»، و«الله حي.. العصيان المدني جاي».

وافترش قاطعو الخطوط قضبان المترو في محاولة لوقف الحركة، لكن مجموعات من الأهالي تمكنت من التصدي لهم، ليتمكن سائقو القطارات من مواصلة طريقهم. فيما فشلت مجموعة أخرى في محاولة غلق شبابيك التذاكر.

عن بوابة الشروق

**Hondawy_2008** · 24-02-2013 09:26 PM

لا حول ولا قوة الا بالله اللي عايز يعمل اضراب يعمل هو حر لكن يأثر على كل الناس التانية دة اللي مش حر فيه

**hossamalsadik** · 24-02-2013 10:23 PM

هوا مينفعش أعبر عن راى بطريقه تانيه غير قطع الطريق ده جميع الديانات السماويه نهت عنه
فى الطريق المريض وذى الحاجه المفروض نعين الناس على قضاء حوائجهم مش نعطلهم لكن قطع الطريق بيضر الغلبان قبل الشبعان ربنا يهدى الأحوال

**hossam_elwani** · 24-02-2013 10:52 PM

والله اغلب الشعب المصرى ماينفعش معاه الا القوه والحزم والعنف فى بعض الاحيان ... العصا لمن عصا فيييييييين الدوله والداخليه من المهزله دى المجمع يتقفل لعاشر مره النهارده والمترو والقر يتقطعو وعصيان مدنى بالاجبار ايه الفوضى دى .......... حيخلونا نترحم تانى على ايام حبيب العادلى حاجه بقت تتعب الاعصاب

**esam_ayad** · 24-02-2013 10:53 PM

عايزين يعملو اضراب يبقي براحتهم ,يروحو يقعدو في ميدان التحرير بسلميه وبأمان
لكن انهم يضرو مصالح الناس اللي كل هدفهم انهم يوضلو شغلهم أو بيوتهم تبقي دي قلة أدب
وفعلا الناس اللي اتصدت لهم دول رجاااله بجد