الموضوع: فريق كيا ايجيبت يحقق اول انتصار فى السباقات مع الريو الجديدة

المشاركة الأصلية كتبت بواسطة moha4tec

الاوبترا جرايه طبعا .
و معروفه
بس العربيه حسب الحاله
يعنى الريو عربيه جديده و حالتها اكيد احسن من اى عربيه اوبترا بقالها اكتر من 5 سنين مثلا و مشيه كتير و حسب نضافه صاحبها و حرصه على الصيانات و كده و العمر الافتراضى لقطع غيارها .
يعنى ممكن تكون الريو بتاعته فايقه و حالتها لسه جديده و هو مفتحها مثلا و قابل حد باوبترا حالتها تعبانه و مش مهتم بصيانتها .او مش سواق و الناس دى موجوده كتيير
و لكن لو فى اوبترا حالتها كويسه و دا هيكون قليل فى الشارع .و جريت مع ريو .اعتقد النتيجه لصالح الاوبترا
الريو المانوال شفت لها فيديو بتجيب من 0 الى 100 فى 11.8 ثانيه .
Kia Rio Hatchback 1.4 CRDi 90 HP test (0-100 km/s - 100-0 km/s) - YouTube
و الفيديو اللى العضو الكريم حطه للاوبترا زمنه و الله اعلم 10 ثوانى و كسر و كمان اوتوماتيك .ما بالك بالمانوال كمان .
بس فى توضيح يا كبير
مثلا السيراتو .مكتوب فى الدليل انها من 0 الى 100 فى 12 ثانيه . و فى ناس بتجيبها فى 13 او 12 و كسر عشان مش سواق او مش مفتح العربيه
و لكن لو انت سواق و مفتح العربيه .هتلاقى العربيه ازمنه احسن
انا جبت بالسيراتو زمان لما حاولت افتحها مره وحده فقط .زمن 10.3 فى من 0 الى 100 و ياسر جبها فى 9 و كسر بس عشان هو دايما بيجرى فى طرق مفتوحه .
و ال 2 سيراتو اوتوماتيك

المشاركة الأصلية كتبت بواسطة moha4tec

يا ريت يا رجاله محدش بس يسخن على التانى و تنزلوا الشوارع تبهدلو الناس بالجرى .انا واحد امبارح كان بيجرى بتويوتا بهبل و شكله مش سواق اصلا او لسه جديد فى الغرز .كل مره يجى من خلفى و يرمى على اوسعله و يقرص و يعدينى و يجرى و هوب يفرمل جامد عشان اصلا الغرزه قفلت قبله .ههههههههه و الله على كده يجى 5 6 مرات لدرجة انى زقهت و خفت ليخيش فى او فى حد لانه اخر مره رمى بغلاسه و كان هيلبسنى و انا ماشى فى حارتى و 90 على الدائرى .
حاولت ابعد عنه بس هو غبى على و على غيرى .
نرفزنى جامد و خوفنى منه .رحت قرصت و عديته و بعدت عنه خالص و هديت و مسكت حاره بعيده . و الحمد لله ربنا ستر لانه شكله كان غبى .
الخلاصه خلى بالكوا متجروش لمجرد الجرى
انا الاسبوع اللى فات كنت هلبس و اموت انا و اسرتى و انا ماشى فى حالى بسبب حمير دخلين عكس فى وشى عشان يوفرو كام متر لما يلف الميدان .و ربنا ستر الحمد لله و الله انا مسدقتش انى فاديته .و الله الفرق مكملش صباع بين العربيتن .الحمد لله على كل شىء .و الله زوجتى كانت ميته من الرعب .و انا كمان اتخضيت جامد جدا و مش عارف ازاى لحقت اتصرف و افاديه

اولا اشكر حضراتكم على الردود الجميله
ثانيا معلش لو شديت في كلام شويه وعموما الريو جميله بس هي ماتور 1400 ياعني ققصد انها تتنافس مع ال 1400 زي ال فيات evo مثلا وعالفكره لو الريو نزلت بماتور 1600 الوضع هيختلف خالص ومش عارف ليه كيا منزلاها 1400 وبالسعر ده انا شايف انها غاليه على ماتور 1400 عموما شكرا ليكم على التقرير