عايزين مقارنه شامله لكل حاجه ما بين
فيات لينيا 2013 و أوبل استرا كوزمو 2013
من حيث السعر و
التوكيل و قطع الغيار
الكفاءه و الاستخدام
والشكل و الاراء الشخصيه طبعا
واهم حاجه الفتيس ؟؟؟!!! ايه رايكوا فى الديوال لوجيك ؟؟
...
عرض للطباعة
عايزين مقارنه شامله لكل حاجه ما بين
فيات لينيا 2013 و أوبل استرا كوزمو 2013
من حيث السعر و
التوكيل و قطع الغيار
الكفاءه و الاستخدام
والشكل و الاراء الشخصيه طبعا
واهم حاجه الفتيس ؟؟؟!!! ايه رايكوا فى الديوال لوجيك ؟؟
...
الأسترا تكسب طبعا مفيش كلام شكل جديد وركوبه فخمه وكماليات وعفشه وأمان وثبات اللينيا فقط موتور أفضل "نسبيا" كأداء
اوبل افضل من رأي
والله اعلم ..
شكرا ليكوا
لكن طبعا انتوا عارفين فرق السعر كام ؟؟
و بعدين توكيل اوبل بيقولوا عليه وحش برضو !!!
التوكيلين هباااااب علي حد علمي يتساووا في السوء لكن ميزة منصور في الإنتشار يعني مش هتلاقي مشكلة قطع غيار زي حالة اللينيا المشكله إن تكنولوجيا عربيات أوبل أعلي من منصور
وجهة نظري إختار العربيه الأفضل وأمرك لله "الأسترا 2013" خصوصاً إنها شكل جديد لكن لينيا هتغير شكل آخر السنه ودي علي حد علمي بردو
انا عايز اجيب عربيه اريح بالى معاها مش اتخنق منها و من توكيلها :d
و انا مش بقارن بينهم بالذات
يعنى ممكن لو ظهر عربيه جديده افضل منهم اتوكل على الله فيها
المشكله معايا ان ثمن الاسترا 185000 يعنى القشقاى تقاربها جدا و تتميز عليها فى بعض الحجات
و فى كلتا العربيتين بيفتقروا لحاجات مهمه جدا
وفر فرق الفلوس وهات اللينيا
عربية ممتازة وفيها كل اللى انت تتمناة وزيادة كمان :)
لو فرق الفلوس مش مهم بالنسبالك
يبقى اكيد تجيب الاعلى
تحياتى
بصراحه مع ضيقي من منصور كتوكيل لكن مفيش في السعر ده عربيه تستاهل إلا لو كنت ناوي تدفع في كوري زي إلانترا أو سيراتو 186ألف جنيه "انا تتقطع إيدي قبل ما أعملها:nemoflow::nemoflow:"
عموما فيه الكورولا2013 والفلوانس2013 وسيتروين c4 أعتقد في نفس رينج السعر بس بردو الأسترا أفضلهم :tumb::tumb:
انت كلامك صح لكن المشكله ان فيات فيها مشاكل زى التوكيل و غيره
ولو الفلوس متفرقش و هى فعلا انا المهم عندى اجيب عربيه كويسه و تتحقق المعادله الصعبه
المشكله عندى دلوقتى ان رغم فرق الفلوس العربيتين فيهم نفس المشكله الا و هى التوكيل و قطع الغيار
منا برضو مش هجيب عربيه اصرف عليها كل فلوسى :fun_36_3_4[1]:
ماهو ده ال انا مستحيل اعمله زيك بالظبط يا دكتره انا من رايى عربيتى ال 504 احسن من الكورى :nemoflow:
انا دلوقتى قدامى كذا عربيه مش هخرج عنهم
فيات لينيا و اوبل استرا و نيسان قشقاى او جوك او صنى الجديده او سكودا سوبيرب
انا عارف الفروق بينهم كبيره جدا لكن انا قلت انا بدور على العربيه ال تحقق المعادله الصعبه
انا بغض النظر عن انى مستكتر سعر الاسترا لكن مش دى مشكلتى معاها
انا خايف منها فى قطع الغيار و مش لاقى حد عارف قطع غيار الاوبل فى رينج كام
أعتقد الأسترا فئة أعلى من اللينيا فهتتفوق عليها لو قارنت عربية vs عربية..
بس طالما أنت محتار بين الأتنين يبقى أرشحلك اللينيا بسبب فرق الفلوس اللي أنت أكيد أولى تستفاد بيه و برضه هتجيب عربية كويسة..
بس هو من ناحية التوكيل للعربيتين فهما يعتبروا سيئين و ناس كتير بتشتكي منهم..
انا عارف الفروق بينهم كبيره جدا لكن انا قلت انا بدور على العربيه ال تحقق المعادله الصعبه
فيات لينيا و اوبل استرا
نيسان قشقاى (اوفر برايس فظيع و طابلوه فقير نسبيا )او صنى الجديده (كمالياتها قليله ) او سكودا سوبيرب(سعرها عالى اوى )
يتبقى العربيتين ال بنقارن بينهم
بما ان حضرتك جبت من الاخر
ال مخلينى بعمل المقارنه دى ان العربيه عائليه يعنى هيسوقها كذا شخص
و ده اكيد هياثر على الفتيس ال انا لسا لحد دلوقتى مش فاهم طريقه استخدامه بالظبط
و بصراحه الاوبل استرا مينفعش تبقا عربيه غاليه كده و بعدين تبقا قطع غيارها برضو غاليه
و فى ناس زعلت منى انى بتكلم على الديوال لوجيك و فيات و انا عارف انهم كويسين بس هل حد جرب الديوال لوجيك فى عربيه عائليه اعتقد الاجابه لا
كل عربيات فيات ال فيها فتيس ديوال لوجيك هنا فى المنتدى عربيات شخصيه و كلهم شباب
بص بصراحة أنا شايف أن الأسترا سعرها كده كويس أوي و مكنش ينفعش تبقى أرخص من كده, هي عربية ألماني و في نفس فئة الجيتا فلازم تكون بتلعب في نفس الفئة السعرية..
و لما تيجي تقارن أسعار قطع غيارها مع الفولكس أو حتى الكوري زي كيا مثلاً فهتلاقي أن الأسعار لطيفة مش مبالغ فيها..
سوبارو امبريزا وسعرها اول فئه 155 وتانى فئه 165
تانى فئه كماليتها حلوه جدا
العربيتين محترمتين جدا
بس باين من كلامك انك مش عايز مغامره وعايز تحط فلوسك فى عربيه تستحمل بغض النظر عن تفاصيل الاوبشنز والشكل والميكانيكا
ماتدخل الكورولا فى حساباتك
الاسترا اكيد احسن كفايه ان فيها esp
لو شوفت الاتنين جنب بعض هتعرف ان الفرق يستاهل .....
هو بس المقارنة مش نافعة بين عربيتين الفرق بينهم واضح أوى؟!!
يعنى
بصرف النظر عن فرق السعر..
فيه فرق فئة segment شاسيه كامل! الأسترا تتقارن بالبرافو مش باللينيا؟!!
أقولك على معلومة
اللينيا نسخة long-platform مش شاسيه البونتو،
اللى هى فـ الأصل نفس شاسيه الأوبل كورسا Fiat-GM Small platform؟!!
يعنى -كـ ركوبة وسواقة
انت بتقارن كورسا بـ أسترا؟!!! lol
بالنسبة للمقارنة:
طبعا اللينيا أسرع وأخف من الأسترا،
لكن Chassis وسع وحجم وتجهيزات ستاندرد هتلاقى الأسترا أعلى!
رأيى: الأسترا طبعا (إلا لو عايز توفر فرق الفلوس)
و btw: التوكيلين يتساوا فـ السوء -رغم انهم وكلاء لعربيتين من أفضل صناع العربيات فـ أوروبا؟!!
بالتوفيق فـ الإختيار ان-شاء الله
دي الخلاصه
العربيتين حلوين - لو عايز اوبشن اعلى يبقى استرا - لو عايز توفر فلوس يبقى اللينيا
بالنسبه لموضوع قطع الغيار عموما كله غالي يعني مفرقتش الماني من ايطالي من كوري حتى
ولو مش مستريح لأي عربيه من ال2 يبقى فكر في حاجه تانيه أكيد حتلاقي كذا اختيار
ربنا يوفق
دي الخلاصه
العربيتين حلوين - لو عايز اوبشن اعلى يبقى استرا - لو عايز توفر فلوس يبقى اللينيا
بالنسبه لموضوع قطع الغيار عموما كله غالي يعني مفرقتش الماني من ايطالي من كوري حتى
ولو مش مستريح لأي عربيه من ال2 يبقى فكر في حاجه تانيه أكيد حتلاقي كذا اختيار
ربنا يوفق
انا شاكر ليكوا جدا على المعلومات القيمه
و عموما انا هكمل تفكير و العربيه ال هوصلها هقولكوا عليها قبل الشراء باذن الله
ادعولى :d
بالتوفيق ان شاء الله
هل الفتيس في السيارتين نفس النوع...مانيوال بدون دبرياج
أسترا وششششش !
انا داخل فعلا اقولك على السوبارو امبريزا او xv
و بعد كده قريت التعليقات و blazer رشحهالك فعلا و انت متخوف من قطع الغيار و التوكيل ( توكيلها احسن من منصور و اوماترا و قطع غيارها ارخص فى التوكيل من الاوبل و ممكن اللينا كمان )
و العضو mohyeldin1974 من المعلومات عنه انه فى لندن و متكلم فى مصر هنا
و العربيه الجديده انا بقيت بشوفها على الطريق سواء امبريزا او xv و كمان بشوف الفورستر بس دى شركات بترول بس يعنى بدأت تنتشر لان سعرها و وسائل الامان فيها و شكلها بيشجعوا على الرغم لافتقارها لبعض وسائل الدلع ( مش الكماليات ) زى المرايات الضم و الحساسات الاضاءه و المطر بس كل ده مش مهم بصراحه و فينا ايدين تفتح المرايات و تشغل المساحات و النور
ممكن تحجز تيست درايف ليها و تجربها و تروح التوكيل تشوف ايه النظام هناك و تتوكل على الله و تجيبها خصوصا ان فتيسها يستحمل السواقه العائليه و مش محتاج تعود عليه زى الديوال لوجيك
طيب يا جماعه ماتحاولوا كده تعرفوا اسعار قطع غيارها
و نقطع الشك باليقين
و انا اول واحد ابصم للعربيه دى بالكفاءه
كفايه انها دفع رباعى ده غير اسمها
اسعار قطع غيارها فى الصيانات الدوريه اقل من كل العربيات الى فى الفئه دى و السعر ده
و ممكن تدخل على صفحه سوبارو ايجيبت و تسأل عليها
مشكلتها الحقيقيه فى الحوادث الجامده لا قدر الله ان قطع الغيار بتاعتها هتبقى من التوكيل و طبعا التوكيلات فى الحوادث بتبقى الاسعار غاليه ( هيه قطع غيارها رخيصه نسبيا ) بس بيغيروا كل حاجة و طبعا عشان فيها ايرباج كتير فده هيرفع من التكلفه برضه
بس طبعا التامين هيغطى على الموضوع ده - انا مبحبش فكره التامين بس مع العربيات دى يبقى التامين و خصوصا لو تكافلى يبقى افضل طبعا بيبقى احسن بكتير
علما بان السوبارو الجديده صياناتها الدوريه زيت و فلاتر فقط
و اول صيانه حقيقيه على 90 الف بتاعه السيور و البوجيهات على 100 الف
وجهه نظرى المتواضعه الصنى الجديده هى التى تحقق المعادله الصعبه ... سعرها مناسب لحاله السوق و البلد و منافس جدا ... يابانى ... تجميع محلى ممتاز لم يؤثر على سمعه العربيه و ده بفضل الجوده quality control فى المصنع ... موتور قوى ... واسعه من الداخل ... اعتماديه و عمليه للاستخدام الشاق/اليومى ... توكيل اكتر من ممتاز ... اعاده بيع كقيمه سوقيه مقبوله جدا ...
تحياتى ...
طب متشوف نيسان تيدا و شكل الجديد بتاعها نازل في 2014 عربية فيها كل حاجة في الاسترا الا (مثبت سرعة و حساس مطر و اضائة (مش مهم اوي ) و esp (مهم للاسف ) و بلوتوث (مش مهم بلنسبالي ) ) و بتتفوق علي استرا بالتوكيل الممتاز و سعرها 130 الف تقريبا و مفهاش مشاكل الا قلة الثبات في 140 km/h و انت طالع
و بلنسبة لموديل 2014 اعتقد هتبقي في فئة اعلي من الفئة الي موجودة تيدا فيها دلوقتي
تيدا 2014
MediaFire - Space for your documents, photos, videos, and music.
MediaFire - Space for your documents, photos, videos, and music.
MediaFire - Space for your documents, photos, videos, and music.
تيدا الموجودة دلوقتي سيدان
http://www.nilemotors.net/en/gallery...da-2011_03.JPG
http://www.nilemotors.net/en/gallery...da-2011_13.JPG
http://www.nilemotors.net/en/gallery...da-2011_14.JPG
تيدا دلوقتي هاتشباك
http://www.nilemotors.net/en/gallery...da-2011_09.JPG
http://www.nilemotors.net/en/gallery...da-2011_19.JPG
فيات ايه بس
استرااا وششش