اقتباس المشاركة الأصلية كتبت بواسطة Y a r i s مشاهدة المشاركة
ايه ايه !!!!
نهاية عملك كمساعد ليه بس كده يا بوحميد ... حد دايقك حد زعلك حد قالك تويوتا وحشه لاسمح الله ولا حاجة ... طب استنى على الانتخبات التشريعية القادمة ... انتا كده هتسيب فراغ دستوري في القسم ... اما اني ارجع منسق او مساعد منسق وامارس العمل السياسي من تاني فصعبه لاني كبرت ومعدتش صحتي مساعداني اني انسق القسم ، البركة فيكم انتم الشباب. عماد المستقبل ونور مصر وشعاع تويوتا وخط دفاع قسم الياباني الاول ضد باقي الاقسام الاخرى فشوف كده لو تقدر تكمل معانا رغم ان قلبي حاسسني الشر برة وبعيد انك بعت الكورولا واشتريت ابيزا لان بقالك فترة كبيرة وانتا بايت واكل شارب في قسم سيات بس طبعاً بعيد الشر لاني بتمنى ان الارض تنشق وتبلعني ولا ترونزيستور الكومبيتر يلمس ويتحرق ويعمل شت داون ولا حتى يتفيرس قبل ما اسمع خبر ان منسق قسم تويوتا باع تويوتا وجاب عربية سيات

ده احنا ساعتها ممكن تتهز صورتنا قدام بقيت الاقسام التانية
واول واحد احمد باشا فهمي.انشق عن قسم تويوتا و باع اليارس ويروح قسم الاوبل ويبقى منسق هناك
وتاني واحد كريم باشا يبيع الكورولا ويروح لقسم البي ام
ودلوقتي انتا يا بوحميد عاوز تبيع الكورولا وتروح لقسم السايات
ياشماتت ابلة طازززززه فينااااااااااااا
ده احنا نقفل القسم بقه .... ونقلبها محل كوشري احسن لنا او حتى نفتح محل كويتش
دي هتبقى فظيييييييييحة ان منسق قسم تويوتا يبيع تويوتا ويجيب ابيزا وبكره لميس الحديدي هتستلمنا ... ومش بعيد يقولوا كلوا من الاخوان هما السبب في الي بيحصل لقسم تويوتا. :)
ربنا يخليك يا حج لا انا مبعتش الكورولا الحمد الله
وكنت لسه بكلمك علي كاوتش يبقي مش فنيتي البيع الابيزا دي قصة تانية طويلة
وده عزل لعدم الاضافة وبردوا اتاحة فرصة للشباب
زي ما انت قولت يا عمدة لازم دم جديد وشباب وانت مينفعش تقول كده انا هبقي مطمن عالمكان طول ما انت موجود والله
-
وانا فترة وجودي شغال (ده لو اشتغلت اساسا) من الحاجات الي اتعلمتها منك
والحمد الله فنيتي من ساعة العمرة بتاعتك ان الامكان تتغير
كده افضل صدقني تنفذ طلب الناس وفنفس الوقت تقدر تنزل ده انا مكنتش بخرج علشان الي ورايا
المهم فالنهاية القسم يبقي احسن انت عارف ده اهم شئ عندنا
ونفسي قدام يبقي افضل من كده لان صدقني القسم عندنا بالرغم انه مش زحمة الا اني بتعبره اجمل قسم
وكفاية وجودك فيه ودكتور احمد وناس كتيرة غالية علينا
تحياتي يا عمدتنـا ..