طبعا كلنا سمعنا عن حمله الصيانه المجانيه
للعفشه والفرامل و ١٠ ٪ قطع غيار و ١٥٪ مصنعيه
امبارح رحت اعمل صيانه او بمعني اصح اكشف علي العفشه والفرامل
قابلت المهندس بتاع الكشف كشف علي العربيه الكشف المبدئي عايزه تغيير ديسكان فرامل الي هي الطنابير وتيل فرامل تمام والعفشه بعد الكشف
وحتستلمها بكره اتصل بيا المهندس العربيه عايزه فعلا تغيير الطنابير الاماميه والتيل بكام ٣٠٠٠ جنيه
وطقم قواعد موتور واربعه مساعدين بالبطحات امامي مع اني مغير البطحات من حوالي شهرين
كام يا معلم ٨٠٠٠ جنيه يعني توتل حوالي ١١٠٠٠ جنيه
وبعد الخصم حوالي ٩٦٠٠ طبعا كنت عايز ااقله لفظ مينفعش اذكره هنا
بس تمالكت اعصابي وقلتله لا سك الفيلم ده وحاجي استلم العربيه اوك
النهارده طبعا بكلمه عشان اجي استلم العربيه قالي خلاص تعالي استلم العربيه في اي وقت
وحتدفع مصنعيه فك
ازاي ياعم مش هي حمله صيانه مجانيه لا المفروض انت بتدفع مصنعيتين الفك والتركيب بش عشان احنا جيبانا الديسكات وفكينا وكنا حنركب يبقي حتدفع مصنعيه الفك وكويس انها جت علي قد كده وكويس اني مقلتلوش غير من تلقاء نفسك بس انا رايح النهارده وشكلها فيها خناقه كبيره مع المهندس

السوال هنا ايه هي الحمله المجانيه لصيانه العفشه والفرامل؟

سحب رجل من الاخر ولا ايه بالضبط نصبايه حسبي الله ونعم الوكيل
ومش عايز اكمل الكلام الي اتقلي في صيانه الموتور بس انا قفلت من الاول عليه عشان معجبنيش الكلام
العربيه اخر مره دخلت التوكيل سنه ٢٠٠٥ وملهاش هيستوري فلازم نعملها صيانه كامله الاول تغيير زيوت وفلاتر وسيور وبلي وشدادات الوتوروكشف شامل عشان اققبلها كام ٥٥٠٠ مبدئي ولوفي مشاكل تانيه كله علي الفتوره

السوال الاخير هل كل التوكيلات التانيه في مصر غير منصور نصابين كده ولا منصور بس المشهور بالنصب في قطع الغيار ؟