الموضوع: تجربتي مع منصور بيه فرع الهرم

ههههههههههههههههههههههههه هههه

نفس الفرع المحترم ده عربيه صديق ليا كورسا

قسما بالله دفع 9 الف جنيه وطلعت العربيه زي ماهي والادهى انه كان معاه كمان قطع الغيار الي اتشالت

طنابير وتيل وفرامل ومساعدين وشدادات وسيور وحوارات غريبه 9 الف جنيه على كورسا 1000 سي سي

وطلعت نمشي نفس الخبط نفس العفشه نفس الفرامل ولا كان حاجه اتعملت فيها

باختصار ده توكيل فعلا ردئ ودمر كل عربيات اوبل وشيفرليه اللي نزلت ومش فاهم ليه مكمل كده

الناس دي ممكن تكون بتركب قطع غيار مضروبه وياخد هو الاصلي يبيعه برا الله اعلم

اسوء توكيل في مصر .... مع اني مرحتوش غير مرة واحدة لكن بمقارنته بتوكيل نيسان وكيا اللي كنت بروحهم قبل كدة يعتبر منصور فاااااااااشل وكمان بيفتوا في العربية ده بدل ما يصلح العربية بوظها لي ...لنا الله يا ملاك اوبل وحسبي الله ونعم الوكيل في توكيل منصور

يعني يا جماعه في اجماع علي سووووووء توكيل منصور وخصوصا الأوبل طيب ليه منبدأش حمله شرسه علييه عند الشركة الأم ونفضحه ، اللي انا اعرفه ان الحق بيجي بس للاسف مبنعرفش نجيبه ازاي. ؛؛ وده مش هيكلفني غير ايميلات متكرره للشركه الام بس اهم حاجه نكون مجموعه ونرسل ليهم كتييييير

المشاركة الأصلية كتبت بواسطة karim gamal

يعني يا جماعه في اجماع علي سووووووء توكيل منصور وخصوصا الأوبل طيب ليه منبدأش حمله شرسه علييه عند الشركة الأم ونفضحه ، اللي انا اعرفه ان الحق بيجي بس للاسف مبنعرفش نجيبه ازاي. ؛؛ وده مش هيكلفني غير ايميلات متكرره للشركه الام بس اهم حاجه نكون مجموعه ونرسل ليهم كتييييير

انا موافق جدا ... بس حد يدلنا علي الطريق ازاي ؟
وبعدين انا بدعوك بصفتك راكب استرا 2013 ان تنضم لرابطة ملاك استرا ونبتدي نجمع كل المشاكل في هذه الرابطة وننقاشها ونشوف ليها حل وطبعا الدعوة للجميع خالينا ايجابيين

دفعت عندهم ثمن صيانة و همية محصلتش (صيانة ال20 الف كيلو)

انا عملت فحص مجاني للعفشة والفرامل بدون اي مقابل
معاملة جيدة .. وقت قصير .. اقتناع بنسبة 80% .. التعامل مع المهندس يعني مش مطلوب تكرمش فلوس وتديها للصنايعية .. الاستراحة تمكنك من رؤية ما يحدث للسيارة اثناء الفحص
فرع منصور بالاسكندرية "بجانب الموقف الجديد"
الاحظ ان هذه الفرع والمهندسين اللي هناك محترمين جدا .. اول ما اشتريت العربية روحت اشتكي من حاجة في العربية .. المهندس عمل كشف بالكمبيوتر وطمني وبدون مقابل
لكن طبعا لو القطع المطلوبة اشترتها من التوكيل يبقي حرام

الباشوات اللي في التوكيل بتاع منصور اللي في الصحراوي بعد ما خلصوا العربية ورايح استلمها فوجئب با العربية حد راكبها وخارج بيها من المركز الساعة عشرة صباحا بالضبط فروحت سألت مهندس الاستقبال هية العربية خرجت ليه ففؤجت انه بيقولي هيسأل ويرد عليا وبعد ربع ساعة روحتله تاني لقيته بيكلم واحد اسمه مهندس حازم بيقوله انت فين صاحب العربية بيسأل عليها وبعد ماقفل قالي بيجربوا العربية وجايين حاﻻ ... المهم العربية دخلت المركز الساعة 10.35 بالظبط ولقيت زيادة في عداد العربية 30 كيلوا فزعقت في المهندس اللي استلم مني العربية وقولتلهم ازاي يخرجوا يجربوا العربية وانا شكوتي والعربية واقفة مش وهية ماشية وبعدين اي تجربة للعربية ﻻزم تتم والمالك راكبها ... خﻻصة الموضوع لقيته بيقولي ده مدير عام الصيانة بيتاكد ان العربية مفيهاش حاجة وبعد مشادات كتير قرفت منهم ومشيت وكلمتهم امبارح في الادارة وتركت شكوتي وقالولي الادارة هترد عليك في خلال يومين عمل قاعدوا يتاسفولي كتير وقالولي ان الموضوع ده مش هيعدي بالساهل واديني منتظر ردهم لكن في جميع الاحوال توبة اروح لمنصور تاني .. دول ولا عندهم ضمير ولا امانة ولا بيفهموا

30 كيلو بيجرب العربية .. هو فيه كدب بالشكل ده