السعر الرسمى الجديده للايمجراند7

**abdulhafeez** · 27-02-2013 11:14 PM

الطريقة اللي بيعملها غبور وغيره ان اول ما يحس ان العربيه عليها طلب
يبدا يغلي في سعرها بالناس تحس ان العربية عليها طلب فالناس تهتم وتفكر تشتري يروح يغليها كمان فاللي عايز يشتري يفكر يشتري بسرعة قبل ما تغلى
بس للاسف السياسة دي فشلت
السياسة دي نجحت مع الانترا علسان عربية معروفة وليها سمعتها وكمان شكلها حلو
ومسالة الشكل دي هي اهم نقطة عندنا في مصر

**Land_Cruiser** · 27-02-2013 11:25 PM

غبور راجع بضهره بسرعه قوى كده ليه . هو مش نزل سعر الفيرنا و الاكسنت RB كمان؟ ضميره صحى و لا ايه

**Land_Cruiser** · 27-02-2013 11:42 PM

بجد ناصح يروح يزود سعر العربيات بتاعته مبلغ محترم بدون داعى فالناس تشترى و يكسب فلوس من الهوا و بقيه المنافسين يقلدوه فالاسعار كلها تتجنن و بعدين يروح هو برضه يبقى اول واحد يخفض الاسعار فالناس تروحله و هى فرحانه مع انه نزل سعر العربيات حاجه بسيطه مقارنه بالزيادة الاولى و طبعا مش محتاجه ذكاء السوق كله هيقلده و ينزل السعر و يتضح من المسرحيه الهزليه دى فى الاخر ان الدولار برئ من الألعاب دى او هو مشترك بجزء صغير و اغلبيه الباقى استغلال للازمه و جشع. المفروض بقى الناس تبطل شراء برضه لحد ما يرجع للأسعار القديمه و مش هو بس لكن كل اللى غلوا سعر العربيات الارقام الوهميه دى