سؤال عن تسقيط ماتور كورولا 1300سي سي

**esam_ayad** · 25-02-2013 10:45 AM

السلام عليكم
يوم السبت اللي فات أنا كنت رايح للميكانيكي علشان اعمل عمره للماتور وقاللي الميكانيكي_جنسيته سوري_ ان التجفييت (اللي هي اسمها العمره في مصر) هانغير فيها الجاسكيت والرنجات وطرمبة الزيت وطقم الشنبر وشوية حاجات غريبه كده وقاللي هانوديها للخراطه وبصراحه أول ماقاللي خراطه خفت وقاللي احنا ممكن نعمل نص تجفييت ونغير طقم الشنبر والجاسكيت والرنج والبستم علي ماأتذكر.وجه الميكانيكي صاحب الورشه وقاللي شوف انتا عايز تعمل ايه ولكن أنا عندي مواتير استيراد ياباني وحالتها ممتازه وهاديك عليها كفاله لمدة شهر ولو فيها حاجه هاغيرهالك بتانيه وتالته ورابعه .
وبصراحه اترددت بس لقيت ان التجفييت هايدخل في مبلغ يساوي أو أكتر من تغيير الموتور وهالف يمين وشمال علشان أجيب قطع الغيار الأصليه بتاعاتها فقلتله توكل علي الله وغير الموتور واتفقت معاه هاياخد مايعادل بالجنيه المصري 3500جنيه مصري وهاخدها منه بكره العصر ان شاء الله.
والراجل قاللي تعالي بكره بعد العصر استلمها.
ورحت يا جماعه أستلم العربيه بعد المغرب والراجل قاللي تمام وانا جربتها بنفسي وتمام واداني ورقه كفاله لمده شهر.وبعدين جت المفاجأه: أول مادخلت العربيه وبصيت علي العدادات لقيت لمبة الموتور منوره.
رحت للراجل ولعب شويه في العربيه واللمبه اختفت وقاللي لو جت تاني ابقي تعالالي بس لازم تروح تغيرلها الزيت والفلتر.
وانا ماشي بالعربيه حسيت انها تقيله ولازم أضغط زياده عن اطبيعي في الطلعه علشان مابتستجيبش بسرعه ورحت اشتريتله الزيت الأصلي بتاع تويوتا وكان تقريبا بـ150 جنيه مصري وفلتر أصلي كان ب35 جنيه تقريبا.
ومافيش عشر دقايق ولقيت لمبة الموتور نورت تاني. ورحتله علي طول وحط جهاز في كمبيوتر العربيه وقاللي:" فيها الحاجات دي بس انا مش عارف ايه دول بصراحه" :
1- Evaporative emissions
2- Control system Valve
3- Purge
فقولتلتو ان الموتور فيه تبخير وبلف وعايزه تنضيف(اسمها بالكويتي تصفيه)
وقعد يلعبلي في الماتور شويه كده ونضفلي البلف ده وقاللي عموما امشي بيها يومين كده ولو ماظبتتش معاك ابقي تعالي وأنا هاظبطهالك.

فهل معني كده ان الماتور ده فعلا باااااايظ ومافيش امل منه ولا زي ماالميكانيكي بيقولي اصبر يومين كده علشان الماتور ماشتغلش من سنين؟؟؟؟؟؟؟

**rotanamasoud** · 25-02-2013 11:52 AM

اعتقد الصبر يومين تلاته لان الموتور لسه صاحى من نوم سنين فكسلان عايزك تسافر بالعربيه عشان تفتح الموتور اكتر واستخدم العربيه كتير اوى فى اليومين دول عشان تعرف تقرر حاله المكنه

**esam_ayad** · 25-02-2013 02:04 PM

انا سمعت بنصيحتك وطلعت بيها مشوار علي الطريق السريع مسافة 65 كيلو وكانت أقل سرعه مشيت بيها 120
وطلعت لحد 180 في بعض الأحيان لكن متوسط الرحله طول الطريق كانت مابين 140 كيلو الي 160 كيلو.
وحسيت ان الموتور فاق سنه بسيطه
وقبل ماأطلع علي السريع التنك كان قرب يفضي وعبيته بنزين98 علشان ينضف الماتور جامد
بس انا مش مرتاح للمبة الماتور اللي منوره دي.

**rotanamasoud** · 25-02-2013 02:34 PM

الحكم ليك انت اللى سايق بس من كلامك المكنه جيده
اعمل مشاوير كتير النهارده وبكره ان شاء الله وبعد الاستقرار المبدئى غير زيت وفلتر لتفويقها اكتر
اللمبه دى اعتقد ظبط وسوفتوير

**esam_ayad** · 25-02-2013 10:08 PM

المشاركة الأصلية كتبت بواسطة rotanamasoud

الحكم ليك انت اللى سايق بس من كلامك المكنه جيده
اعمل مشاوير كتير النهارده وبكره ان شاء الله وبعد الاستقرار المبدئى غير زيت وفلتر لتفويقها اكتر
اللمبه دى اعتقد ظبط وسوفتوير

ازاي أخلي اللمبه دي تروح؟؟؟؟؟؟؟
وأعمل تظبيط سوفتوير ازاي وعند مين؟؟؟؟