بسم الله الرحمن الرحيم
اولا احب اشكر ربنا لان و الله و الله و الله ستر ربنا هو اللى خلانى اعمل المركز ده انا مكنتش عارف انا بسوق ازاى و كنت خايف جدا جدا جدا جدا و قلت انا هوقع الاقماع دى كلها مسافه ما ادخل دعيت ربنا و قلت يااااااااارب وقفنى و الحمد لله ربنا وفقنى على قد قدراتى و اجتهادى و الحمد لله على كل حال
ثانيا احب اشكر محمد علام و ناصر الفيومى و محمد والى و عبد الله هما اللى ساندونى داخل التراك
لانى فى التراك الاولانى عملت مصيبه سوده و عملت وقت وحش جدااا 1.27 ثانيه
نزلت التراك التانى شجعونى جامد جداااااا بالاخص محمد علام و ناصر الفيومى
و محمد والى اللى قعد يلف معايا التراك من صباحيه ربنا يعرفنى عيوب التراك ايه و هندخل ازاى و نخرج منين
عبد الله اللى اتبرع ب 2 جنط 15 + 2 فرده كاوتش قالى انزل بيهم و ملكش دعوه الله يباركله بدل ما تبوظ ال 17 بتوعك
و سامح باشا ده ليه شكر خاص جدااااااا انه عرفنى يعنى ايه هوندا لانى مكنتش افقه اى حاجه فى الهوندا نهاائى هو الله يباركله عرفنى يعنى ايه هوندا بصحيح و لحد دلوقتى لسه بتعمله منه لانه ما شاء الله لا قوه الا بالله نابغه فى مجال الهوندا و بعدين صحيح ايه احمد شوما خر دى هنهرج هههههههههههههههه :049:
و عبد الوهاب اخويا و اسلام صاحبه و احمد تمساح صديقى اللى كل شويه يقولى دوووووووووووس
الحمد لله التراك التانى نزلت مع تشجيع الناس ليا و صحابى و حبايبى
عملت 1.14 ثانيه و حصلت على المركز ال 3 فى فئه ال 2000 سى سى امامى
كانت صعب جداااا التغلب على المتسابقين فى اول نزول ليا فى تراك وسط جمهور و كاميرات
الضغط العصبى صعب جدا جدا جدا جدا جدا جوه التراك
الناس كلها الحمد لله مسابتنيش من اول دقيقه لاخر دقيقه طلعت فيها على منصه التتويج
الحمد لله على كل حال و بشكر كل الناس اللى ذكرتها فوق دى جدااااااااااااااا جداااااااا
شكر خااااااااااص جدا جدا جدا من هنا للصبح لحبيبه قلبى لوجى ( هوندتى )
بشكرها جدااااااااا و معلش تعبتك معايا اليوم ده و انتى كنت قد التحدى بين الناس التانيه
ربنا يخليكى ليا و يحفظك من كل عين و شر امين يارب العالمين
و الله يا جدعان جاتلى حاله هيستريا كلام معاها جوه التراك هبقى احكيلكوا عليها علشان الفضايح
دعوات امى هى اللى وصلتنى للدنيا دى الحمد لله
الصور موجوده على بروفايلى على الفيس بوك و ان شاء الله هحكيلكوا عن كل حاجه يوم المقابله ان شاء الله و اجيبلكوا الكأس معايا بالمره علشان نتصور كلنا معاه متنساش يا هانى باشا الكاميرا
الكاس ده بهديه لكل الناس اللى ذكرتها فوق دى و كل اللى وقفوا جنبى
معلش طولت عليكما كتير بس الناس دى الواحد لازم ييشكرها
تحياتى للجميع و عقبالكوا جميعا اشوفكوا فى احسن المراتب
^_^