سيفيك 1997 للبيع

**Tettet** · 25-02-2013 09:31 PM

السلام عليكم
زى ما العنوان بيقول
انا بدور علي سيفيك جيل خامس بقالي فترة وقارف أ/ سامح معايا في القصة دى
ووقعت قدامى سيفيك 1997 هى أصلا VTI بس هو مسقطلها موتور SIR بالعفشة
العربية أنا كلمت أ/ سامح عليها وقرفته أسئلة وكان المفروض هظبط مع صاحبها عشان نكشف عليها
بس للأسف بعد مراجعة لميزانيتى لقيتها هتعدي امكانياتى

خاصة انها محتاجها شوية مصاريف مش هتقف على تمنها بس
عموما هى للأمانة محتاجة شوية مصاريف زى ما وضحت لسامح لأن انا رحت شوفتها
محتاجة فرش داخلى، وفرامل ورا تتحول ديسكات لأنها لسة طبلة عشان تتناسب مع الماتور
ومحتاجة طرمبة باور
امكانياتها بقي: مرايات كهرباء - فتحة سقف كهربا - تكييف - زجاج كهرباء - جنوط مقاس 17- كانت اوتوماتيك قلبها مانيوال - باور - سنتر - كراسي طيارة
العداد قدامي كان عامل 171 ألف تقريباً
العربية محتاجة يتكشف علي ماتورها كويس جداً لأن زى ما قولت المفروض كان فيه اتفاق مع أ/ سامح انه يبصلي عليها بس ظروفي زى ما قولت لا تسمح بأعلي من كده .... اعذرني يا سامح انا تعبتك معلش

بالنسبة للسعر فهو للأمانة كان بيكلمني في 60 ألف ووصل معايا لحد 56 ألف عشان المصاريف اللى فيها دى
اللى عايز رقم تليفون صاحبها ومهتم انه يشوفها يبعتلي واقولة علي تليفونه عشان انا مستأذنتوش ادي رقمه لحد، انا بس استخسرت تخرج برا أعضاء المنتدي فقولت اقول للي مهتم اقوله علي التليفون ويتواصل مع الراجل
ودي شوية صور ليها اخدتها بموبايلي وطبعاً جودتها تعبانة لان الكاميرا تعبانة

اضغط هنا لمشاهدة الصورة بالحجم الطبيعي.