الموضوع: مشكلة في نظام ال abs

المشاركة الأصلية كتبت بواسطة sonson56

أعزائي انا عندى مشكلة فى ال FRV ان لما بدوس فرامل فجأة حتى على السرعات البطيئة العربية بتزحف لمسافة كبيرة و ده سبب لى مشاكل كثيرة و رحت التوكيل فى ابو رواش ولو انى مش بثق فيهم و كشفوا على السيارة و قالولي ده طبيعي ! بس انا شايف انه مش طبيعى انك لو سيارة وقفت فجأة قصادك و انت على سرعة بسيطة جدا تصدم فيها او لو عيل عدى فجأه قصادك تلاقى العربية بتزحف جامد حتى تكاد تصدمه - أرجو من أهل الخبرة افادتي

حضرتك الموضوع ده حصل معايا من فتره في السبلندور بس كانت لمبه abs منوره و كانت العربيه بتزحف مع اي فرامل بس فضلت وراهم لغايه ما غيرولي حساس او حاجه مش عارف ايه لاني كنت لسه في الضمان بس من ساعتها مفيش اي مشاكل .... لو حضرتك في الضمان ما تسيبهومش غير لما يحلوا المشكله لأن ساعات بيريحوا دماغهم

المشاركة الأصلية كتبت بواسطة meshmesh78

رضا بك
اخبار حضرتك ايه
يا رب تكون بخير
حقول لحضرتك على شوية اشياء
رجاء التأكد ان التيل سليم ومش متاكل
رجاء التأكد ان الطنابير سليمه ومفيهاش شفه
رجاء التأكد ان ماستر الزيت مبيسربش زيت
رجاء التأكد ان العربيه مفيهاش رعشه فى الدريكسيون فوق ال 80 كم/س وليس مع الفرامل
اذا ثبت ان كل ده سليم
حيبقى حساس ال abs فيه مشكله وحيبقى فاضل الإجابه على تساؤل واحد
هل عند الدوس على الفرامل بقوة تسمع صوت تخبيط تحت رجلك والعربيه بتزحف
ولا بتزحف و الabs مبيشتغلش
اكيد انت فاهمنى بكده يبقى حساس .
وربنا يسترها معاك.

الحمد لله انا كويس لا ينقصني الا رؤياك
فى الحقيقة انا ما فيش حاجة من اللى حضرتك ذكرتها موجودة عندي ده انا حتى ما مشيتش اكتر من 28000 كم بس فعلا عند الدوس على الفرامل بقوة بسمع صوت تخبيط تحت رجلي والعربيه بتزحف ده معناه ايه أفادك الله ؟