مشكلة فى اوبل استرا

**ahmed_f5** · 26-02-2013 11:05 AM

اوبل استرا 2004 1600 16v أوتوماتيك
العربية فجأة بطلت على مطب والحرارة عليت ودارت بصعوبة والماكينة طلعت دخان خفيف من الوش ومن الشكمان..العربية بتدور بصعوبة ومافيش ولا لمبة أو سينسور في التابلوه منور بعد ما تدور وعلى الرغم من كده بتبطل على المطبات ولكن الفتيس بينقل بكفائة والحراراة بتنزل مع المشي.
ركنت طبعا بعد 15 دقيقة مشي بالشكل السابق وفى انتظار ميكانيكي

**m_medo** · 26-02-2013 11:32 AM

ان شاء الله تكون بسيطة

**ahmed_f5** · 26-02-2013 11:38 AM

يارب :) ..المشكلة أنى ركنت في بنزينة علشان كان لازم اروح الشغل ومستني مياكنيكي اعرفه كويس وشاطر يكلمنى نروح سوي نشوف, كان ممكن امشي بالعربية بس لو وقفت على مطب في الزحمة هتبقي مشكلة وفي نفس الوقت خوفت من الدخان اللى من الماكينة, مغير زيت شل 5000 من 1000 كيلو ومغير معاه زيت الفتيس والعربية إجمالى عدادها 70000 ك وأول مرة تخذلنى وتعطل :)

**ahmed_f5** · 26-02-2013 12:52 PM

ماسورة حرف z اتخرمت وسقطت المياه والبوجيهات برجلت ومحتاجة تتغير .. الحمدلله سليمة :)

**ahmed_f5** · 17-03-2013 01:39 PM

بمعنى أدق: خرطوم الراديتير السفلى "الخارج من الماكينة" وجبته جديد ب 65ج + طاقم بوجيهات 120ج والمفروض أن القطع المذكورة دي جى إم "من أمريكان ستار فى شامبليون" والمصنعية 100ج..

بعد كده غيرت فى العفشة "بدون مشاكل ولكن بعد الكشف عند عفشجي معرفة" تيشين ميزان + بيض دريكسيون "أو بار خارجي في أقوال أخري" + بيض مقص & وسعر كل منهم 250ج "يعني إجمالى 750 من الشعبانى في الزقازيق" والنوع سواج ألمانى..والمصنعية 60ج + 50 ج كيس شحم..

كمان جلدت العربية بالكامل بنفس اللون "أسود لميع بيسموه بانوراما" وكلفتنى 800ج وعملت الاكصدامين ستيكر كاربون, وطعمت الأوكر والمرايات باستيكر أسود "جليتور" والشغل ده عند أوسكار في المطبعة -الهرم ..

**haitham2011** · 17-03-2013 06:03 PM

الف مبروك

**romiobasha** · 18-03-2013 12:08 AM

المشاركة الأصلية كتبت بواسطة ahmed_f5

بمعنى أدق: خرطوم الراديتير السفلى "الخارج من الماكينة" وجبته جديد ب 65ج + طاقم بوجيهات 120ج والمفروض أن القطع المذكورة دي جى إم "من أمريكان ستار فى شامبليون" والمصنعية 100ج..

بعد كده غيرت فى العفشة "بدون مشاكل ولكن بعد الكشف عند عفشجي معرفة" تيشين ميزان + بيض دريكسيون "أو بار خارجي في أقوال أخري" + بيض مقص & وسعر كل منهم 250ج "يعني إجمالى 750 من الشعبانى في الزقازيق" والنوع سواج ألمانى..والمصنعية 60ج + 50 ج كيس شحم..

كمان جلدت العربية بالكامل بنفس اللون "أسود لميع بيسموه بانوراما" وكلفتنى 800ج وعملت الاكصدامين ستيكر كاربون, وطعمت الأوكر والمرايات باستيكر أسود "جليتور" والشغل ده عند أوسكار في المطبعة -الهرم ..

باشا يا ريت صور للعربية بعد الشغل ده

**sherif moneer** · 18-03-2013 01:10 AM

فعلا الماتور ده لما بيسخن بيفصل لوحده بتلاقي لمبة ال تشيك قامت منوره كده ويفصل
حصلت معايا قبل كده

**Mostyonline** · 18-03-2013 11:04 AM

بس انت اه رايك فى الاوبل استر عموما و اسعار قطع غيارها
عشان انا عاوز اشترى استرا بس خايف من مشاكلها و قطع غيارها
و ياريت صور للعربية بعد التغيرات الجديدة دى
و الف مبروك يا باشا