الموضوع: شركات المحمول وكروت الفكه وانظمة الاشتراك الشهرى

المشاركة الأصلية كتبت بواسطة أحمد كمال

بص

ال niche market بتاعهم اللي هو الناس اللي بتصرف 500 و 1000 في الشهر قليلين جدا و خلصوا خلاص و كلهم مشتركين و مظبطين

يعمل ايه؟

يلعب على قطاع تاني او segment تاني من السوق

اللي هو الزبون ابو 10 و 20 في الشهر


و ده بقاله سنين بيلعب عليهم و عمل معاهم احلى واجب


المسالة مش تدني في الفكر المسالة انه دلوقتي السوق خلاص متشبع


يقوم يلعب على مين؟ اللي بيشحن بنص و بجنيه و باتنين جنيه


هو بيخلق لنفسه سوق و خلاص ....... و دي شطارة على فكرة

المشكله انه اخد شريحه كبيره من الى كان استخدامهم متوسط راحو للاستخدام زى كروت الفكه والاشتراك الشهرى والى هو يعتبر استلاك متدنى يعنى مثلا الى كان بيشحن 10 كروت فئة عشره جنيه بقى بيشحن 4 سواء على شكل فكه مثلا او الاشتراك الشهرى

المشاركة الأصلية كتبت بواسطة w-m-a

وبعدين ده كارت وقتى
للرغى فقط يعنى قطاع معين
وعدد دقائق محدد
ده يمكن البطاريه متستحملوش

اسألنى انا .. اصلى شغال فى المهنه دى من 10 سنين قطاع كبير حول عليه فى الاستخدام

المشاركة الأصلية كتبت بواسطة yyy

انا مش فاهم الفكره من الموضوع انت عاوزهم يغلوا لاسعار علشان يبقوا محترمين ؟

الشركات دي مبتعملش حاجه غير لما يكونوا حاسبينها كويس و عارفين مكسبهم من وراها

الفكره من الموضوع هو معرفة الفكر التسويقى من وجه نظرهم بيفكرو ازاى رغم انى انا شايفه خساره ليهم مش مكسب صدقنى انا لامس السوق وعارف بقول ايه اما بخصوص وجه نظر المستهلك فهيا مريحه وايجابيه وموفره كتير كمان وانا مع كده مش ضده ولا حاجه

اما بخصوص هما عارفين بيعملو ايه اشك فى دى بدليل انهم نزلو نظام الاشتراك الشهرى فى الاول بــ 29 جنيه تقريبا وممكن تحول له بكل سهوله من خلال الخدمه الصوتيه ولما لقو الاقبال بيزيد بشكل مخبف غلو الاشتراك واشترطو الاشتراك فى النظام ده من خلال فروعهم فقط يبقى بذمتك مش فاقو لما لو نفسهم ماشيين غلط ... ومازلو

تحياتى للجميع