الموضوع: باسات 2001 ولا bmw 318 موديل 2000

Bmw اولا افضل من جيث الشكل و المتانه و الجر و كل حاااااااجه
الباسات حلوه بس فيها عيب جامد ان الموتور طول و الجر امامي ففيها افتكاسه كده في العفشه مش حلوه من عند المقصات و في ناس بتقول ان العربيه تقيله عالموتور فبيفوت مع الاستعمال و بص برضه في الجوجل علي مشاكل العربيتين و احكم فياريت تخليك في وحش الالماني ال bmw بس ياريت تاخد بالك من الحااااااااااااااااله لانها ممكن لو مش كويسه تزعلك جدا و ياريت لو تضحي و تكشف في التوكيل بتاعها عالعربيه هيطلعولك كل اللي في العربيه ده لو مسمار ناقص هيقولك عليه و بالتوفيق في الشراء

متشكر جدا يا جماعة على الردود الحلوة .........
مع انى بحب شكل الباسات اكتر ولكن اظن ان البى ام هتكون افضل من الباسات في الاداء والصيانة وقطع الغيار

أنت عندك حق طبعاً
بس مع إحترامى لحضرتك ودى طبعاً وجهات نظر و أذواق فى الأول او فى الأخر , وكله فى الاخر عشان الناس تستفيد
إن المقارنة ذات نفسها حاسسها كدا مش متناسقه او مش مناسبة أو مش لايقة حاجة كدا بالمعنى دا
لان أنا حضرتك اما كنت جيت فكرت زيك كدا ما بين عربيتين يكون تمنهم معقول تحت ال 100 ألف بحاجة بسيطة أو فوقيهم بحاجة بسيطة جه فى دماغى عربيتين :-
1/ bmw 318i من 2000 ل 2003 تقريباً
&
2/ skoda a5 من 2005 ل 2008 تقريباً برده
و طبعاً الأتنين جميع الكماليات
و دول بصراحة كان فى دماغى اعمل ما بينهم مقارنة وأسأل الأعضاء الكرام هنا عنهم
أما الباسات الشكل القديم دا الى موديلها 2000 ومش عارف لسنة كام بالظبط , فهيه عربية خارج المقارنة من الاساس و الله أعلم ( ودى وجهة نظرى ) ودا للأسباب الى ديدو قالك عليها و أكتر كمان دا غير إن البورا أفضل منها بكتير دا حتى على حد علمى ماسكة سعر واغلى منها كمان و مطلوبة ولو لقيت بورا حالتها ممتازة بتلاقى سعرها فى العلاالى بطريقة مبالغ فيها كمان , وشكلها كمان مش عاطفى خالص ودى أذواق برده , وسعرها على فكره مش غالى يعنى ممكن تلاقى الجولف أغلى منها تصور لأنها تعتبر مش مطلوبة خالص
يعنى من الأخر :) :) :)
أصرف نظر عن الباسات

أرجو إنى أكون أوضحت وجهة نظرى
تحياتى