astra H/vectra C Tyre pressure monitoring system
الموضوع بسيط جدا جدا تقنيا ... لكن معرفش يتكلف كام و الحاجات دي تتجاب استيراد ولا ممكن من برا ولا اه ! (الحاجات دي بتنزل في اوبل برا مصر طبعا)
http://nileup.com/up/uploads/nilemotors_13657202071.jpg
نبدا بالاسترا اتش
1-هنحتاج اربع بلوف عجل بحساساتهم (الحساسات بداخل الجنط البلف شكله الخارجي عادي خالص)
2-كنترول يونت Tyre pressure monitoring
3-مفتاح بيركب في الكونسول بجانب السنترال لوك والسبورت و المفتاح بيعمل ريسيت tire inflation monitor reset switch
و طبعا هندخل بال tech2 نضيف (program) الاوبشن دا ( مش متذكر لكن في variant configuration بنحول النظام من not present الى present )
نيجي للمهم الكنترول بيشوف الاربع حساسات بتوع بلوف الكاوتش ويرليس RF signal
الكنترول ليه تلات اطراف فقط !!!!
1-وير بني الارضي او الزيرو فولت
2-وير اسود كهربه كونتاكت و ليه فيوز في علبه الفيوزات اللي غي الشنطه
3-وير اخضر ودا low speed Canbus ودا خط الداتا (كأنك بالظبط جبت جهاز كمبيوتر جديد ووصلته على السويتش او الروتر او النيتورك بتاعت العربيه )
الكنترول مكانه خلف الراديو مفروض تسحب الراديو تشوف فيشه للكنترول دا ! مشفتش في فيشه مجهزه في الضفيره ولا لاء بس مش حوار يعني دول 3 فرد
الفكترا سي
الاختلاف
الكنترول في الاسترا بيشوف الاربع عجلات مباشره
لكن في الفكترا بيشوف الجنب اليمين و بالنسبه للعجلتين الشمال في حساس استقبال جنب العجله قدام شمال و حساس استقبال جنب العجله ورا شمال
واصلين بالكنترول عن طريق الضفيره
كدا بالاضافه للتلات ويرات في اربع ويرات زياده و حساسين استقبال زياده (ويرين لكل حساس استقبال)
مفيش زرار ريسيت
الكنترول في الفكترا بيركب في الشنطه يمين خلف طفايه الحريق كدا
http://nileup.com/up/uploads/nilemotors_13619307301.jpg
شكل شاشه المعلومات كلاتي
http://nileup.com/up/uploads/nilemotors_13619307701.jpg
القراءات بالبار . احنا بنتعامل بالpsi البار يساوي 14.5 psi تقريبا يعني 2.0 دي ب 29 تقريبا