الى اهل المنصورة - ماتصدقوش هادى الفلاح ( نصب عليه )

**alemam2005** · 10-01-2009 04:24 AM

هادي الفلاح ده هو اللي عند المحافظة ولا واحد تاني

**ehabbasha30** · 10-01-2009 03:26 PM

لا هو قريبة
انما هادى الفلاح اللى فى ميدان التلاجة
جنب عتمان بتاع اليابانى

**mada121977** · 11-01-2009 10:17 PM

طيب فيين مكان العراقى ده بالتفصيل الممل لو سمحتوا ؟؟

**hano_elmorsy** · 12-01-2009 11:20 PM

العراقى مدينة السلام اما الجامع
بالتفصيل الممل
وانته ماشى فى ش عبد السلام عارف جاى من الأستاد رايح المجزر هتلاقى قبل الكوبرى العلوى بشويه شارع يمين واسع على ناصيته صيدلية من ناحيه ومسجد مدينة السلام من الناحيه التانيه
هتخش فيه هتلاقى المحل فى اول برج على يمينك

**cyber007** · 13-01-2009 12:52 AM

انا شارى سبنسور من هادى وقالى على واحد اركبهم عنده قبله بشويه قدام سور القطر قبل اللفه بتاعة الصعايده كده

ياعنى وانتا رايح على هادى الفلاح على يمينك سور القطر وعلى شمالك البنزينه بتاعة التعاون دى وبعدين شويه محلات اكسسوارات خفيفه كده وفى وسطهم محل كهربائى مش باين بس بصراحه مش فاكر اسمه انما ركبهم حلو وكان شكله فاهم ومنظرهم طلع مظبوط

انا مركبهم فى لانسر 2007

**aboezz44** · 17-01-2009 12:14 AM

انا بتعامل مع واحد اسمه احمد الجزار
على فكره والله انسان فى منتهى الأحترام والأمانه
انا معايا نيسان صنى اشتريت من عنده الفوجات ب 250ج على الرغم انها موجوده عند هادى الفلاح والعراقى ب275ج
فيه فاميه نوعه حرارى طلبت منه انه يركبهولى دخل وجابلى الرول بتاع الفاميه كامل ومكتوب عليه انه حرارى وقالى: تقصد الفاميه ده ؟ قولتله ايوه
قالى: دا طلع نصبه كبيره مش بيعزل الحراره ولا حاجه قولتله ازاى تقول كده على البضاعه الى عندك قالى: دا الى موجود عند كل الناس وانا مش بركبه لحد علشان ملوش لزمه وعلشان ما اغشش الناس بس لو عايزنى اركبهولك انا ماعنديش مانع بس لازم تعرف ان مالوش لزمه
بصراحه اعجبت بأمانته ومن يومها وانا بعمل كل حاجه عنده
هوه موجود ورا محل هادى الفلاح
يعنى وانتا ماشى فى الشارع بتاع التلاجه بتلاقى هادى الفلاح فى وشك هوه فى اول الحودايه الى بعد ما تعدى هادى الفلاح وانتا رايح فى طريقك للمحطه بتلاقى فيه عصاره جامبها محل اكسسوارات هوه دا احمد الجزار .
والله المستعان

**aboezz44** · 17-01-2009 12:19 AM

المشاركة الأصلية كتبت بواسطة abdelsameaa

انا احمد من المنصورة معاية عربية جولف 2 زيتى رحت اشترى من هادى الفلاح رنجات اركبة فى الفوانيس التلة بكام الى 175ج اصلى سمعت السعر ومشيت رحت سالت واحد بعدة عند صور المحطة الى 85ج عرفت ان هادى الفلاح حرامى وبن تيتتتت تربت تى انا الت ائول الى حصل معاية

على فكره الى عند سور المحطه ده هوه احمد الجزار الى باحكيلكم عنه