سعر وتقيم السانديرو استيب واي

**yousef1978** · 27-02-2013 04:26 PM

السلام عليكم

عندي استفسارين

اولا : سعر السانديرو استيب واي زي ما هو في حدود 82000 ج ولا رفع مع زيادة الدولار

ثانيا : فيه حد اشترى السيارة دي ويقدر يفيدنا عن مميزاتها وعيوبها وأسعار الصيانة وقطع الغيار

ولو فيها غلاسة - هل الفرق بين الاستيب واي والعادية يستاهل الفرق بين سعرهما ( حوالي 9000 ج )

منتظرين رجالة الرينو الجدعان يفيدونا

.

**rasboten** · 27-02-2013 09:36 PM

السعر 82000 ده كان السعر القديم من شهرين ونص ووصلت فى التوكيل دلوقتى ل 91500 وها\تنتظر شهرين على الاستلام او تدفع الفين زياده يعنى 93500 وتسستلم فورى من اى معرض.
المميزات حدث ولا حرج شياكه ووسع وارتفاع عن الارض وصالون مريح اما العيوب استهلاك بنزين مرتفع مقارنه باعتماديه الموتور وصوت الموتور عالى جدا جدا
الفرق بين الستيب واى والسانديرو العاديه ان الستيب واى فئه واحده وفيها جنوط سبور واى بى اس وشويه نواكل وزينه مخليه شكلها روش اما السانديرو فى منها فئتين واحده ب87000 تقريبا العاده ودى مفهاش الزيادات اللى فى الستيب واى والتانيه اوتوماتيك وبرضه مفهاش اللى فى الستيب بس موتورها اقوى واوتوماتيك ودى بحوالى 93000
وفى النهايه انا تحت امرك فى اى استفسار اخر

**yousef1978** · 28-02-2013 05:59 AM

أخي rasboten

مش عارف أشكر حضرتك إزاي - جزاك الله كل خير

وربنا يباركلك في سيارتك

أنا سمعت إن الفرش والطابلوه فقير زي بتوع اللوجان - وحتى صوت موتور اللوجان بردو عالي أوي

لكن نقدر نقول إن حجمها الداخلي يشبه كده الميجان الهاتش باك ولا الميجان أوسع ؟

ولو تعرف معرض بيقسط بالنظام الإسلامي وبضمان الوظيفة بس يكون الربح مش عالي يبقى كتر خيرك

.

**ahmed_hanafi** · 28-02-2013 08:11 AM

المشاركة الأصلية كتبت بواسطة rasboten

السعر 82000 ده كان السعر القديم من شهرين ونص ووصلت فى التوكيل دلوقتى ل 91500 وها\تنتظر شهرين على الاستلام او تدفع الفين زياده يعنى 93500 وتسستلم فورى من اى معرض.
المميزات حدث ولا حرج شياكه ووسع وارتفاع عن الارض وصالون مريح اما العيوب استهلاك بنزين مرتفع مقارنه باعتماديه الموتور وصوت الموتور عالى جدا جدا
الفرق بين الستيب واى والسانديرو العاديه ان الستيب واى فئه واحده وفيها جنوط سبور واى بى اس وشويه نواكل وزينه مخليه شكلها روش اما السانديرو فى منها فئتين واحده ب87000 تقريبا العاده ودى مفهاش الزيادات اللى فى الستيب واى والتانيه اوتوماتيك وبرضه مفهاش اللى فى الستيب بس موتورها اقوى واوتوماتيك ودى بحوالى 93000
وفى النهايه انا تحت امرك فى اى استفسار اخر

+11111111111111

**rasboten** · 28-02-2013 05:27 PM

المشاركة الأصلية كتبت بواسطة yousef1978

أخي rasboten

مش عارف أشكر حضرتك إزاي - جزاك الله كل خير

وربنا يباركلك في سيارتك

أنا سمعت إن الفرش والطابلوه فقير زي بتوع اللوجان - وحتى صوت موتور اللوجان بردو عالي أوي

لكن نقدر نقول إن حجمها الداخلي يشبه كده الميجان الهاتش باك ولا الميجان أوسع ؟

ولو تعرف معرض بيقسط بالنظام الإسلامي وبضمان الوظيفة بس يكون الربح مش عالي يبقى كتر خيرك

.

التابلوه هو هواه بتاع اللوجان انما الصراحه الفرش من وجهه نظرى مش فقير خالص بالعكس انا شايف انه ممتاز لانه اجزاء جلد واجزاء عامل زى الصوف الناعم ولونه اسود وشيك اوى
صوت الموتور فعلا عالى ومزعج لكن لو جبتها هتتعود عليه بعد شهر ومش هيضايقك واخيرا انا عملت زيك وقسطت من معرض البقرى فى دمياط لانى من اسكندريه وشغال فى دمياط الجديده وقسطت منه مباشر بس كنت دافع 70 واتبقى عليا 19 لان العربيه كانت ب 82 فى التوكيل وانا جبتها ب 86.5 منه عشان كانت شاحه وانا كنت طالب النبيتى ومكنش موجود وجابهالى خلال يومين واخد 2.5 زياده تقسيط على سنه لانه معرفه ممكن انت تتعامل مع بنك فيصل الاسلامى لانى سمعت انهم عندهم تقسيط اسلامى وربنا يوفقك