بمناسبة الجو الحار اليومين دول فما رأيكم فى تكييف الجين 2 فهل فعلا يعتمد عليه وهل يؤثر فى الموتور وسحب السيارة واستهلاك البنزين خصوصا فى المانيوال لأننى اعتزمت جديا شراء السيارة ومتوقف عند هذه النقطة
عرض للطباعة
بمناسبة الجو الحار اليومين دول فما رأيكم فى تكييف الجين 2 فهل فعلا يعتمد عليه وهل يؤثر فى الموتور وسحب السيارة واستهلاك البنزين خصوصا فى المانيوال لأننى اعتزمت جديا شراء السيارة ومتوقف عند هذه النقطة
طبعاً تكيف الجين 2 قوي دا اولاً ثانيا انا معايا العربية اوتوماتك لم يوجد تأثير كبير علي الموتور و لكن يوجد تأثير علي استهلاك البنزين خصوصاُ داخل المدينة
شكرا على ردك الكريم لكن الحكاية انى منذ شهور طويلة وانا أريد شراء سيارة ودرست كافة السيارات الموجودة بالسوق من 80 الى 100 الف جنيه الى ان احترت تماما على رأى المثل عايز تحيره خيره الى ان شاهدت الجين 2 وانبهرت بها ومن كلام وتجارب رواد المنتدى وعلى رأسهم الأستاذ توت وحاولت مع بعض الأصدقاء وعلى رأسهم المهندس سامح وعم مزاجنجى شراء الجين 2 الجديدة الهاى لاين عن طريق مفاوضات مع الشركة دامت حوالى 3 شهور انتهت بالفشل واتجه المهندس سامح لشراء المازدا وربنا يوفقه ولحبى للجين 2 وعلى رأى الزعيم توت ماهى هى هى حجزت الجين 2 وبعد ذلك من الخوف من الفشل فى شراء سيارة جيدة بعد طول البحث قمت بدراسة السيارة المتسوبيشى البومة رغم اننى استبعدتها من البداية لانتشارها المبالغ فيه ولكن مع اقتراب ميعاد سداد ثمن السيارة الجين قمت بالتفكير فى المتسوبيشى ليس بهدف ارتفاع سعر اعادة البيع او توافر قطع الغيار ولكن لأنها عربية مضمونة من حيث الأداء والأعتمادية فى التشغيل واحنا عموما بنحب المضمون وبنخاف من المجازفة ولكن برضه انا باحب الجين 2 وناوى اكمل و اجبها ان شاء الله ودى حكايتى
ههههههههههههههههه انا فرحان موووت ان حد وقع فى حيرتى دى ( مش شماته والله بس كنت فاكر نفسى الوحيد ) على العموم انا عارف انها مشكله ربنا معاك ويوفقك فى اختيارك انا كنت نفس الحيره دى وجبت لانسر 1300 مانيوال اللى بتمن الجين 2 الاوتوماتيك (91 الف) بس تعرف دلوقتى بصراحه ندماااااااااااااااااااااا اااااان بس يبدو انك لازم تدفع تمن ان العربيه مضمونه
تكيف العربية كويس بل ممتاز والصالون بيبرد بسرعة وخصوصا الكنبة وبعدين بيقى فريزر حتى لو واقف فى اشارات ..لايوثر على السحب والبنزين مش فارق كمان الفلتر الجديد الى ممكن تسحبة للتنظيف زى الى فى البيت .:tired1_2:
سبحان الذى سخر لنا هذا وماكنا لة مقرنين وانا الى ربنا لمنقلبون
تكييف الجين 2 ............ثلاجة بجد
إمبارح الدنيا كانت ولعة و حر جامد
شغلت التكييف طول الطريق مسافة 123 كم
و العربية أستهلكت ............ 11.3 لتر بنزين أوكتان 92
10.9 يعني تقريبا 11 كم لكل لتر بنزين
و التكييف ممتاز و بيسقع جامد جدا
و كان راكب معايا في العربية ثلاثة ركاب بالسائق اللي هو أنا ( العبد لله )
و إجمالي الوزن حوالي 220 كجم
يعني مع الوزن ده ............ و التكييف .......... و العربية كانت محملة بعض الحاجات بما يساوي 25 كجم تقريبا
يعني الإجمالي 250 كجم ......... و إستهلاك 11 كم لكل لتر بنزين و بالتكييف طوال الطريق
يبقى أعتقد ممتاز
فيه حاجة كمان
العربية وقفت حوالي 20 دقيقة دايرة بالتكييف كنت في محل بأشتري حاجة و الناس اللي معايا في العربية طلبت مني أسيبها شغالة علشان التكييف
بالنسبة لتأثيره على السحب
فهو تأثير ضعيف على الغيار الأول و الثاني و يجب تشبيع الغيار
بعد كدا و لا بتحس بحاجة و أنت مشغله و خصوصا في المانوال لأنك بتتحكم في الغيار و أمتى تغيره
و إن شاء الله ربنا يباركلك في أختيارك و يباركلك في العربية بإذن الله تعالى
للمرة الثانية شكرا للاستاذ/ توت علي الرد الجميل والمفيد وشكرا
يا جماعة الجين 2 دي عسل
والله
وحمالة قسية
وتكييفها ممتاز يا جماعة
شكرا لكل من تفضل بالرد لأنكم ساندتونى بشدة فى المضى بقرارى فى شراء الجين 2 وأخص بالذكر الزعيم توت الذى نذر نفسه للحديث عن هذة السيارة وبيان مميزاتها ولكن اعتقد فى أن العيب جوانا لأننا نخشى من كل حاجة جديدة ونحب نلعب على المضمون ففقدنا القدرة على المجازفة وحب المغامرة بدليل ما جاء برسالة سابقة بين فيها صاحبها من انه كان يريد الجين ولكنه اشترى المضمون وهى اليميتسوبيشى ولكنه الأن ندمان على هذا القرار وهى نفس الفكرة التى ساورتنى بعد حجز الجين وهى خليك فى المضمون ولكن بفضلكم استعدت ثقتى بالسيارة وعشقى للمغامرة
ربنا يوفقك الي الصالح يا استاذ عماد
انا مش ندمان اوى يعنى انا مش سايق عربيه تعبانه انا بس اللى تعبنى انها مانيوال وكان بتمنها ممكن اجيب حاجه اوتوماتيك وانتشارها الرهيب بس مش اكتر بس انا بعد ما جبتها عرفت معنى كلمه متسوبيشى ( التكييف مع عربيه 1300 بجد لله الحمد انا مش بقدر استحمله ولا بعليه عن 2 مقابل استهلاك نموذجى للبنزين لانها 1300 وغير كده عزل تمام ثبات تمام بور كويس وكل حاجه هعوز ايه تانى؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ )
مع كااااااامل احترامى لل جين 2 الموضوع ببساطه انا لا املك كذا 90 الف علشان اجازف بيهم واقول روح المغامره وكده فقولت خليك فى المضمون وبعدين لو الدنيا زنقتنى فى يوم وحبيت ابيعها واخد فلوسها هتجيب لكن ال جين 2 انسى يا عمرو بس لكن اللانسر عربيه تحفه وانا بعشقهاااااااااااااااااااا اااااااا
فعلا هى دى المشكلة هو الواحد معاه كام ألف جنيه علشان يجازف بيهم
ايه يا استاذ ميرو انا قلت ليه فجأه كدا ................. بس دا مايخلكش تقدر تقول انك مش بحب الجين 2 صح و لا ايه ؟؟؟ و لكن الانسر عربية محترمة طبعاً
انا بعشق الشكل اللى ملوش حل للجين 2 وكل حاجه فيها بس والله انا كنت اكتر واحد حاسس بوالدى وهوا بيدفع فلوس العربيه انا شويه شويه كنت هقولو خلاص بلاش عربيات فكان مش ممكن اقولو جازف معايا بيهم وكده كنت لازم اجيب حاجه مضمونه
وبصراحه اللانسر كسفتنى وطلعت الحمد لله تمام بس اوعدك لما ابقى غنى ومعايا فلوس كتير هجيب الجين 2 ههههههههههههههههههههههههه هههههه
ربنا يباركلى فى اللانسر ويباركلكو فى الجين 2 وفى الاخر كلو عجل ههههههههه
ربنا يوفقك يا استاذي الي الخير دايماً
انا برضو معايا لانسر 1300 خليجى الحمد لله مريحانى اوى واستهلاك بالنسبالى خرافى فى البنزين بالمقارنة بالعربيات القديمة اللى كنت بركبها
اما التكيف انا شايف انو تلاجة وتاثيو على السحب دا على حسب انتو مشغلو على كام يعنى لو على 4 ودا قليل لانى بيبقى تلاجة السحب بيبقى ضعيف(موتور 1300 برضو) بس لما بيشتغل على 2 ودا الطبيعى بكون التاثر مش قوى بس هتحس فعلا بالتاثير ده لو حد شد معاك على خفيف وانت مشغلو
انا كنت راجع من الكلية مرة ومعايا 3 اصحابى يعنى 4 فى العربية وكنا على طريق بنها الزقازيق (طريق كلوووووووووووو مطبات)
واحد بكورولا الشكل القديم 1300 كان مشغل التكيف برضو مش شدينا مع بعض بس كنا بنجمع الغيار عادى لقيتو سبقنى وبفرق كويس لصالح الكورولا (التكيف كان على 3) بس لما هديت التكيف على 1 لقيت العربية فتحت
عموما الجين 2 بالامكانيات دى والسعر ده تبقى عربية جامدة بس انا للاسف الحج ابويا مخو متركب يابانى فجيبت اللانسر على قد فلوس الحج
وعلى فكرة احساس انك هتعيط والحج بيدفع الفلوس دا احساس مش ممكن (صح بجد هوا الواحد معاه كام 90 عشان يجيب عربية يجربها)
انا كان نفسى فى ال1600 بس العين الحج مرضيش وقالى عشان البنزين كان عندو بعد نظر
واسف على التطويل
السلام عليكم
انا شايف من وجهة نظرى فقط ان تكييف الجين 2 حلو جدا بس موش احلى من اليابانى و لا الكورى
يعنى الكرولا و اللانسر و الدايو و الهيونداى احسن منه
وعن تجربة موش ركبت جنب و احد و السلام
انا كمان مستغرب !! عشان مش مقارنة ابدا دة...... انا لاقيت فى تكيف جين2 حاجة من ضمن حاجات فارقة لما بتشغلة على الهواء الخارجى بيفضل بنفس البرودة مع كمية هواء اقل برضة لكن انا ماشفتش نفس البرودة دة بطريقة دة فى عربية تانية وخصوصا فى الاشارات.. هو بيعمل اية بالضبط فى عربيتك لان ممكن محتاج تغير فلتر مراجعة فريون مثلا... عشان اية الهونداى تبقى احسن الى ممكن تغير الكباس فى اول سنة ودة عادى جدااا :funny34d:
سبحان الذى سخر لنا هذا وماكنا لة مقرنين وانا الى ربنا لمنقلبون
هو اللانسر والجين 2 مفيش بينهم وجه مقارنه غير السعر بس للامانه انا مركبتش الجين 2 الا فى المعرض هو انا بجد نفسى اخد بيها على الاقل تست دريف علشان احكم بس عامه فى التصميم والشكل الجين 2 تكسب ده من بره اما من جوه انا مليش فى حوارات السحب والشد وكده انا كل همى انى عربيى تريحنى وده انا لقيته مع اللانسر والحمد لله
هههههههههههه زى العسل والله يا استاذ عماد احيانا الحياه تجبرك على ان تفعل ما ليس على هواك ( ليس كل ما يتمناه المرء يدركه تأتى الرياح بما لا تشتتهى السفن)
حد يعرف ازاي انضف فلتر التكييف؟
معلس سؤال تاني هو ليه احيانا بىطلع هوا سخن مع بداية التشغيل؟
ممكن حد يفيدني يا جماعة فينك يا ا Tut