انا بدور على عربه تكون كويسه بالنسبه للسنادى 2013
الختيارات الى معجب بيها
Peugeot 208 Full option , Opel Astra Cosmo , Ford Focus
البيجو عاجبانى بس لسه محتار لانى ممكن ازود و اجيب الاسترا
لو فىه اي نوع تانى ياريت تذكره
ولكم جزيل الشكر.
عرض للطباعة
انا بدور على عربه تكون كويسه بالنسبه للسنادى 2013
الختيارات الى معجب بيها
Peugeot 208 Full option , Opel Astra Cosmo , Ford Focus
البيجو عاجبانى بس لسه محتار لانى ممكن ازود و اجيب الاسترا
لو فىه اي نوع تانى ياريت تذكره
ولكم جزيل الشكر.
البيجو ما تتقارنش مع العربيات دى لان دول سيدان و البيجو هاتش باك او مينى هاتش كمان
الاختيارات فى دول يبقى الفورد عربيه جميله جدا
و ممكن تزود كمان سوبارو امبريزا سبيشيال ( الكامله ) ب 185 الف
و كل العربيات دى بتجتمع ان اعاده بيعها ضعيفه و انها عربيات ممتازه و قطع غيار معمره و عربيات مظلومه من التوكيل
شكرا للافاده
اوكتافيا لو يهمك سعر اعادة البيع
و لو مش بتفكر تبيع دلوقتي
يبقا قدامك اختيارات كتيره
سوبارو امبريزا اعلي فئه
رينو فلوانس اعلي فئه الجديدة
اوبل استرا كوزمو
سيتروين c4 لو عايز هاتش باك
انا تقريبا مرتبهم حسب قناعتي الشخصيه
كل حاجه فيهم ليها ميزة و عيب
و خليك واخد بالك من قصة قطع الغيار و مدي احترام التوكيل ليك كعميل
و افضلهم رينو فى القصة دي
بيجوو 208 :)
هتوفر فلوس بفارق مش قليل و في نفس الوقت مش فارقه كتير عن العربيات اللي في المقارنه بالعكس
هتتفوق علي الفورد في خامات الصناعه و الانتريور احسن كتير و التسارع بتاعها ده غير ان فورد كان فيه كلام عليها انها 95
و هتتفوق علي الاسترا في التوكيل و التسارع برضه بفارق محترم
من حيث الحجم يبقى
فورد فيستا - اوبل كورسا هاتش - استرا هاتش بس دى اكبر و اغلى - ميجان 3 - سى 4 بس اغلى
من حيث السعر 155
سوبارو امبريزا اول فئه - ميجان 3 بس اقل شويه تقريبا - فلوانس بس معرفش الفئه الكام - هوندا سيتى ( حاسسهم مبالغين فى سعرها بطريقه مستفزه )
لو مش فارق معاك اعاده البيع اوى هات السوبارو امبريزا اعلى فئه او سوبارو xv اول فئه عربيات متينه و بتستحمل و دفع رباعى و توكيل محترم و عمر طويل للعربيه و قطع الغيار
بما إنى فلوكساوى :)
لية حضرتك مفكرتش خااااااالص ماااااااالص فى الجولف 7 الجديدة , عربية بسم الله ما شاء الله عليها تحفة , بس هيه مشكلتها الوحيدة إنها أكتر من 200 بشوية , يعنى لو تستنى شوية و تجمع الفرق فدى من وجهة نظرى أفضل من كل العربيات إلى حضرتك كتبتها فى الخيارات , بدون إنحيازية بجد , دى كمان نازلة بالشاسية الألمونيوم الجديد و الماتور الجديد
أو عندك الأودى ال a3 الشكل الحالى إمكانياتها أعلى شوية ممكن من الجولف لكن الجولف تتميز عنها الشاسية والماتور الجديد , و بنفس سعر الجولف 7 تقريباً برده ( لأن الأودى لما تنزل بالشكل الجديد فى مصر بنفس مزايا الجولف تمنها هيعدى شوية فهتبقى مش مناسبة ليك )
و بالتوفيق إن شاء الله
تحياتى
كفاءه بدون اعادة بيع
1- امبريزا او xv
2- استرا
3- فوكس
كفاءه واعادة بيع
1- اوكتافيا (اخر 2013 ان شاء الله بس لو مش dsg )
بس انت شكلك رايح للبيجو وبالتوفيق ان شاء الله
سوبارو اكس فى يا باشا
فـ رينج الـ160/170 لحـــــــــد الـ190/200 ألف جنيه:
انت عايز أيـــــــــه؟؟
- سرعة: الجيتا TSI - السيفيك
- ثبات وهاندلينج: الإمبريزا - الفوكاس
- وسع: الفلوينس
- resale وإنتشار: الأوكتافيا
- عايز ألش وإعاقة :tongue02:: الإلنترا والسيراتو الجديدة
عايز عربية compromise مابين حاجات كتيييييييييييير:
الأسترا طبعا
موتور فوق المتوسط (ولو تربو يبقى عديت)
فتيس متطور وproven مفيهوش مشاكل!
ثبات وأمان وتجهيزات وتقفيل! :tumb:
ومن أكثر العربيات إنتشارا فـ الفئة دى -بعد الأوكتافيا والفلوينس؟!!
(اللى يراجع التقرير السنوى بتاع أميك شوف باعت فـ 2012 قد أيه)!! :nemoflow:
فـ رأيى: أنها أفضل سيارة فـ فئتها؛ والسيدان تحديدا بدأت تنتشر جامد يارجالة -فـ م.نصر ومصر الجديدة كمثال!
btw: وكيل بيجو CDCM مش أفضل من منصور (دا بالنسبة للـ 208)؟؟!!!
طيب والجولف 7 يا فورميلاتور مهو فى الرينج دا برده ب 180 تقريباً إستبعدتها ليه يا باشا ؟
اظن القشقاى ممكن تفكر فيهاعربية
انجليزى
إية العربية القشقاى دى يا جماعة ؟
مش أخد بالى
الاوكتافيا عدت خلاص ال basic ب 205 ألف و الخليجي بتبتدي 215 الكلام ده بقالوا اكثر من شهر
قاشقاي لو تسليم فوري مش اقل من 205 و لو حجز تستلم شهر 10 ب 185
xv ال highline بقت ب 220 و تسليم في خلال اسبوعين الفئة الاولي بحجز 4 شهور
190 مايجبوش غير سيراتو أو الانترا highline , أو استرا أو فوكس
سبورتج
- 1.6 A/T195,000ج 175,900- 216,000
3008
- 1.6 F/O A/T195,000ج 195,000- 195,000
Fluence
- 1.6 F/O A/T High Line194,9001
- 1.6 F/O A/T High Line194,900
- C4 Picass
- 1.6 F/O A/T Exclusive192,800
- فوكس2013
- 1.6 F/O A/T Comfort193,000
قشقاى من نيسان رابط تقرير مفصلhttp://www.nilemotors.net/Nile/287777-2012.html
الحق وهات الاسترا ياباشا الدنيا عماله تغلى يوم عن التانى
تحياتى
يا جماعة الجولف 7 على كونتاكت كارز ب 180 , هو خيار مستبعد للدرجة أدى ولا إية ؟!!! :(
هي ال 3008 رخصت ولا إيه
ليه هى مينفعش معاها 92 ولا إية , طيب خلاص لو كدا فعلاً يبقى الأودى a3 sport back عضونا الكريم هنا بيقول إنها أفضل من الجولف 6 فى حاجات كتير من ضمنها موضوع البنزين دا , بس للأسف هتعدى ال 200 فلو ممكن يصبر شوية لغاية ما يدبر الباقى أو يقسط الباقى يبقى كدا ميه مية :nemoflow:
الاودى هيه الجولف بس بعلامه اودى
الاودى طبعا افضل من الجولف 6 - بس الجولف 7 افضل من الاودى الى موجوده حاليا
طبعا الاتنين الافضل معاهم بنزين 95 لانهم مواتير 1.4 تربو - ممكن يشتغلوا ب 92 بس مش اداء كامل و ممكن يبوظ حاجة فى الموتور ( اسأل فورميلاتور على الموضوع ده هو يفيدك فيه اكتر منى )
أنت معاك حق أكيد
بس بتكلم بناءاً على تجربة العضو الى جاب ال a3 و بيشكر فيها اكتر من الجولف 6 عشان اولاً كانت معاه قبل الأودى يعنى مجرب و ثانياً عشان كان بيقول إنها بتاخد 92 عادى عن الجولف و الله أعلم
فعلى الأساس دا بحاول أرشح بدائل أنا بالتالى بشوفها أفضل بس مش اكتر
و بعدين كفاية على فورميلاتور الى عملة و زيادة فى موضوع المقارنة إلى كنت عملتها بين الجولف 7 و الاودى a3 , كتر خير الراجل بصراحة تعبناه كتير معانا :):)
تحياتى
انا بعد تفكير نزلت حجزت النيو فورد فيستا وانشاء الله هستلمها بكره
السعر 150 الف
شكرا تعبتكم معايا
يا راااااااجل , لا حول ولا قوة إلا بالله
إنت على فكرة من ردك علينا و كلامك , فكنت حاسس إنك ميال للفورد فيستا , و سبحان الله رست عليها فعلاً , على العموم ألف ألف مبروك عليك و ربنا يوفقك وتستلمها على خير و يباركلك فيها و يفيدك بخيرها و يبعد عنك شرها
تحياتى
استلمت الحمد لله :)
مبروك يا باشا و ربنا يباركلك فيها
ألف ألف ألف مبروك
ربنا يديمها عليك نعمة ويحفظهالك من الزوال و يباركلك فيها أمين يا ربالعالمين
بالتوفيق :):):)
ارجو البعد عن اى سيارة بها الفتيس ال DSG حيث مازالت بة مشاكل لم تحل حتى الان
http://www.nilemotors.net/Nile/34485...nsmission.html
ارشح الاوكتافيا ثم الفلوانس
http://www.nilemotors.net/Nile/330841-2012.html