الموضوع: حركة نص كم من توكيل مفروض انه محترم

ازايوكو ياشباب اخبار المقابلة الجاية ايه بصوا بقى حصل معايا موقف بايخ جدا مع توكيل العبور
الجنت بتاع الفردة الشمال اللي ادام اتعوجت شفته حاجة بصيتة جدا بس مخللي الدريكسيون مايل برده شوية بصيته ناحية الشمال والعربية بتحدف شوية المهم قلت لما اعمل صيانة ال 5000 يظبتوهلي
رحت الاسبوع اللي فات قال لي المهندس احنا مبنستعدلش جنوط بس الحدفة و حكاية الدريكسيون هنظبتهالك هو والتييل اللي بيعمل مزيكت حصبلة لما افرمل جامد
استلمت العربية والتيل زي ماهو الحدفة زي ماهية والمصيبة حاسس بحاجة غريبة في العربية بس مش عارف اوصفها زي ميكون العربية بتنط عند المطبات المهم بالصدفة وانا بمون من اون زا رن اولت بالمرة ازبت العجل اصل عندهم جهاز بقراء الضغط اللي في العجل ادامك لقيت البشوات بتوع التوكيل زبطين كل العجل علي 27 والفردة اللي فيها الحدفة علي 35 شفتوا الفجرة يعني يعرضوني انا واسرتي لموصيبة عشان يخلصوا من مشكلة ضبط الزوايا المهم انا برج من عقلي طار وقلت اكلم م محي اللي شاركي قللي عليه كلمتوا علي 16202 معرفتش اوصلو ورد علية مهندس تاني اسمه محمد صبحي لما حكتلو بقى مش عارف يعتزر ازاي وقالي انه هيقول لمحي بس محدش عبرني ولا محي كلمني ولا حاجة بس محمد قاللي استعدل العجل ولما تعدي في اي وقت هنظبتلك حكاية الزوايا ديه و هنخليك تنسا الموقف السخيف ده

ايه رايكو في الموقف ده انا بس اللي مدايقني انهم ممكن يعرضوا حياة انسان لخطر لمجرد الاهمال والامبالة وقلة الصمير

السلام عليكم .
اخبارك ايه يا استاذ احمد يا عسل واحشني والله جداً ويا رب تكون مقابلتنا اللي جايه موجودين فيها كلنا ومتجمعين على خير ان شاء الله.

طبعاً هو موقف سخيف جداً ولا تهاون في موضوع ضغط العجل ده بالذات وانا معاك الموضوع يتصعد للأسف انا المهندس محي بقيله فتره في فرنسا وماعرفش رجع ولا لأ آخر مره سألت عليه من فتره كان هناك لكن برضه غير المهندس محي أكيد في بديل ليه اذا كان مهندس خالد شرف اعتقد انا للأسف مش عارفهم بالاسم لكن اعرف ناس شكلاً منهم.ببساطه الموضوع (يا جماعه اني طلبت منكم 1و2و3 العربيه طالعه ضغط العجله 35 ازاي !!!!!! شوفوا الموضوع ده ) ...... التوكيل محترم والله يا استاذ احمد لكن برضه واجب علينا نصحيه لو بدأ يتهاون او يتصرف تصرف غير عاقل.........الله اعلم تقنيا وهندسياً مش عارف هم قاصدين حاجه زي كده ولا خطأ منهم .....خطأ يحاسب من أخطأ. ( ده جزء العجل وربنا يستر طريقنا جميعاً ان شاء الله )

الجزء الخاص بتيل الفرامل انا عارف انه دايما عامل مشاكل مع العملاء وانا واحد من الناس كان طالع عيني ومطلع عينهم بسبب خشونة التيل وصوته بالرغم من انهم كل زياره ليهم يجربوا معايا ويحلفوا لي ان الموضوع آمن تماماً على السياره كاكل وعلى الطنابير وان الخشونه والصوت ده مش عيب تيل هو موال طويل كده تم شرحه لي ان تم اضافه ماده معينه غير ضاره بالبيئه والمفروض انها لعمر اطول للتيل لكن غالباً غير مناسبه لجو مصر..........وقتها وصل الجدال لنقطه ......التيل اللي في العربيه مافيهوش عيب فني وده تقرير رينو الام في فرنسا مش مصر التيل غير معيوب فنياً وبالتالي العميل اللي مش مرتاح مع الدفعه دي من التيل نغيره ليه لكن على حسابه .............وبالتالي وقتها انا قررت استحمل شويه وغيرته عند 20.000 بناء على رغبتي والحمد لله الامور سارت على خير( على فكره للامانه العلميه بعد تغيير التيل صحيح انا ارتحت من الخشونه وصوت الصفاره لكن كفاءة الفرامل قلت عن سابقتها شويه وده كان كلام المهندس ان فعلاً التيل ده افضل ومعمر اكتر من الاصدار السابق لكن بأمانه كنت باخد كلامه على محمل غير جد اوي الى ان جربت بنفسي والحمد لله صدق الراجل في كلامه وانا ارتحت نفسياً ليهم تاني وبدأت اثق فيهم وبرضه ارتحت من شعور المقطوره اللي كان ملازمني مع كل فرمله :p)

هدي اعصابك يا كبيرنا العزيز وان شاء الله الامور هاتعدي على خير ولو محتاج اي حاجه من هناك لا تتردد في سؤال العبد لله وان شاء الله احنا كلنا في عونك ان شاء الله

تحياتي يا استاذ احمد يا واحشني .

أولا ربنا ييسرلك أمرك والمشكلة تتحل ان شاء الله

المشاركة الأصلية كتبت بواسطة sharky

أزيك يا احمد باشا

طبعا موقف كاينفعش يتسكت عليه
صحيح توكيل رينو ناس محترمة لكن إللى حصل دا لازم يتشدوا عليه علشان يحافظوا على المكانة إللى وصلولها

أنا ححاول اوصل للمهندس محى أو المهندس على بدر و أبلغة بالمشكلة دى

يعني مينفعشي يوصل انه يبقى اسوأ توكيل
الموضوع موضوع موت مش حاجه بايظة وخلاص
ده موت بسبب الضغط الزائد على الكاوتش

عالعموم دي حركات مصريين وللاسف الحاجات دي دائما بتبوظ الكويس في بلدنا للأسف

وبعدين انا كنت سمعت اكتر من مره على موضوع الجنط اللي بيتعوج ده بتاع الميجان
يعني الكلام صح ااه



عالعموم مش ده موضوع ولكن انا حبيت اشارك في موضوع التيل ده لأن الموضوع ده كان في دايهاتسو برضه ان التيل اللي نازل في العربيات خشن وبيعيش اكتر ولكن بيعمل صوت تصفيره خفيفه كده لما بيجي عليه ميه من غسيل العربيه ولما بعتوا لليابان غيروها بواحد تاني نفس الكفائة ولكن بيعيش اقل من العمر الأفتراضي للتيل الأولاني
يعني موضوع المواصفات المصرية ده مشكلة

المشاركة الأصلية كتبت بواسطة sharky

مبدئيا يا جماعة ضعط الهواء بتاع الميجان المفروض يبقى 32 و إللى عرفته من التوكيل إنهم ما ظبطوش أصلا ضعط الهواء لإن لازم الجنط يستعدل الأول و بعد كده يطبطوا ضعط الهواء و بعد كده يظبطوا الزوايا

ثانيا دا فعلا عيب مشهور فى جنوط الميجان و معظم العربيات الأوربى الجديدة زى الجيتا و الأسترا

+111111111111111
we 35 kaman 7asab noo3 el kawaetch