الموضوع: حركة نص كم من توكيل مفروض انه محترم

السلام عليكم .
اخبارك ايه يا استاذ احمد يا عسل واحشني والله جداً ويا رب تكون مقابلتنا اللي جايه موجودين فيها كلنا ومتجمعين على خير ان شاء الله.

طبعاً هو موقف سخيف جداً ولا تهاون في موضوع ضغط العجل ده بالذات وانا معاك الموضوع يتصعد للأسف انا المهندس محي بقيله فتره في فرنسا وماعرفش رجع ولا لأ آخر مره سألت عليه من فتره كان هناك لكن برضه غير المهندس محي أكيد في بديل ليه اذا كان مهندس خالد شرف اعتقد انا للأسف مش عارفهم بالاسم لكن اعرف ناس شكلاً منهم.ببساطه الموضوع (يا جماعه اني طلبت منكم 1و2و3 العربيه طالعه ضغط العجله 35 ازاي !!!!!! شوفوا الموضوع ده ) ...... التوكيل محترم والله يا استاذ احمد لكن برضه واجب علينا نصحيه لو بدأ يتهاون او يتصرف تصرف غير عاقل.........الله اعلم تقنيا وهندسياً مش عارف هم قاصدين حاجه زي كده ولا خطأ منهم .....خطأ يحاسب من أخطأ. ( ده جزء العجل وربنا يستر طريقنا جميعاً ان شاء الله )

الجزء الخاص بتيل الفرامل انا عارف انه دايما عامل مشاكل مع العملاء وانا واحد من الناس كان طالع عيني ومطلع عينهم بسبب خشونة التيل وصوته بالرغم من انهم كل زياره ليهم يجربوا معايا ويحلفوا لي ان الموضوع آمن تماماً على السياره كاكل وعلى الطنابير وان الخشونه والصوت ده مش عيب تيل هو موال طويل كده تم شرحه لي ان تم اضافه ماده معينه غير ضاره بالبيئه والمفروض انها لعمر اطول للتيل لكن غالباً غير مناسبه لجو مصر..........وقتها وصل الجدال لنقطه ......التيل اللي في العربيه مافيهوش عيب فني وده تقرير رينو الام في فرنسا مش مصر التيل غير معيوب فنياً وبالتالي العميل اللي مش مرتاح مع الدفعه دي من التيل نغيره ليه لكن على حسابه .............وبالتالي وقتها انا قررت استحمل شويه وغيرته عند 20.000 بناء على رغبتي والحمد لله الامور سارت على خير( على فكره للامانه العلميه بعد تغيير التيل صحيح انا ارتحت من الخشونه وصوت الصفاره لكن كفاءة الفرامل قلت عن سابقتها شويه وده كان كلام المهندس ان فعلاً التيل ده افضل ومعمر اكتر من الاصدار السابق لكن بأمانه كنت باخد كلامه على محمل غير جد اوي الى ان جربت بنفسي والحمد لله صدق الراجل في كلامه وانا ارتحت نفسياً ليهم تاني وبدأت اثق فيهم وبرضه ارتحت من شعور المقطوره اللي كان ملازمني مع كل فرمله :p)

هدي اعصابك يا كبيرنا العزيز وان شاء الله الامور هاتعدي على خير ولو محتاج اي حاجه من هناك لا تتردد في سؤال العبد لله وان شاء الله احنا كلنا في عونك ان شاء الله

تحياتي يا استاذ احمد يا واحشني .

رامي باشا انت راجل في قمة الذوق اللي في الدنيا قللي تعرف حد غير اشرفكو بستعدل جنوط اصلو عيزني اسيبلو الجنط 3 ايام مش عارف ليه هو هيحللو دم وبيعدين يعدلو انا والله مش عايز انزل الاستبن من دلوقتي
هو ممكن يحط العجل على الجنط بتاع الاستبن هخللي ده اخر حل


ابوحميد ازايك ياباشا دنتا سرك باتع دنا حولت اكلم محي امبارح البنت لطعتني يجي ربع ساعة علي الموبيل وبعدين قلتلي مش قدره اوصلو ممكن نخلليه يكلمك لما نبلغو قلتلها اديني اي حد مكانو و كلمت م محمد صبحي
هو عيزني اروحلو التوكيل امتى بعد مستعدل الجنط ولا دلوقتي

انا يمكن اطلع الساحل يوم الثلاثاء القادم ان شاء الله مش عارف ينفع اسافر من غير مظبط الموضوع ده ولما ارجع اعملو ولا اعملو ابل مسافر

ايه رايكو

الحمد لله علي سلامتك يا بوحميد

اولا : التوكيل مش حيزبط زوايا الا بعد استعدال الجنط والتاكيد ان مفيهوش اي رفة

ثانيا : اللي حصل دة نتيجة مطب وبالتالي اي تكلفة حتكون علي حسابك مش ضمان

ثالثا : روح لمركز الثلاثية في الحرفيين وحيتعمل وقتي وانت واقف

تحياتي ..

فى كمان واحد مشهور جدا فى المنيل لاستعدال الجنوط

دى اسوأ حاجة فى الميجان, موضوع الجنط ده