ايه افضل شاشة بلازما 32 او 42 بوصه حاليا فى السوق ؟؟
او افضل شاشه مقاس 32 بوصه فى حدود 2400 جنيه ؟؟
وسؤالى منحصر بين شاشات سامسونج وشاشات lg
ايه افضل شاشة بلازما 32 او 42 بوصه حاليا فى السوق ؟؟
او افضل شاشه مقاس 32 بوصه فى حدود 2400 جنيه ؟؟
وسؤالى منحصر بين شاشات سامسونج وشاشات lg
لو بين الاتنين دول بس
يبقى السامسونج احسن فى العادى و الال جى احسن فى الثرى دى
لو عموما يبقى السونى تضرب الاتنين كجوده خامات و صوره و كل حاجة
lg
في البلازمة ممتازة جدا
سامسونج 43 بوصة بلازما بلس في حدود السعر ده و انا جبت 2 منها و جهاز ممتاز و الوانه ممتازة و موصله على ريسيفر اتش دي شيرينج ترومان بريمير بلس 1 و الدنيا جميلة
برضه البلازما بتاعة ال جي حلوة بس اغلى 200 جنيه تقريبا
على فكرة .......... شفت عند ترومان باب اللوق lcd 43 بوصة ب 2400 ...
الصراحة انا اتغظت جدا لأني شفتها بعد ما جبت الشاشتين السامسونج ... لكن معرفش مواصفاتها و لا بياناتها
انا جبت من كارفور في عرض عيد ميلاده LG LCD 32 ب 1850 جنية جميلو وزي الفل
HDMI
USB
مفيهاش مدخل Vega
ياباشا سامسونج رقم واحد فى العالم بشهادة الخبراء-- فى يناير الماضى انا جبت بلازما 51 بوصة سامسونج بجد حاجة مهولة اروع من led
اوعى تفكر
للتوضيح بس في فرق بين البلازما و ال lcd و ال led
البلازما عيبه انه ليه عمر معين بيقاس بعدد ساعات التشغيل
هو اي نعم رقم كبيييييير جدا و غالبا هتغير التلفزيون قبل ما توصبه بس وجب التوضيح
ال lcd تكنولوجيا احدث من البلازما و ال led احدثهم
عارف كده وندمت جدااا انى جبت LCD 42 بوصه LG وكان سعرها 4800 والبلازما كانت روعه و بــ 3200 الكلام ده من سنتين الالوان فارقه بجد مع البلازما عن LED او LCD لان نسبة التباين اعلى بكتير فى البلازما بلغة الارقام وعلى الواقع
طيب ياكبير دلنى على الموديل بالزبط ايه رقمه كام واى series ؟؟
وسعره كام بالزبط وهل موجود حاليا فى كارفور ولا لا ؟؟
اما بخصوص الشاشه الترومان ايه الى شدك ليها مع انها صينى ؟؟
جميل جداااا الاسعار نزلت خالص ياريت تقولى هيا كانت HD ولا READY HD ؟؟
فعلا كلامك سليم وانا ندمت انى جبت LCD وماجبتش بلازما
خدعوك فقالو
العمر دلوقتى واحد بين البلازما والLCD و LED ومفيش فرق خالص بينهم والفرق لصالح البلازما فى معيار تباين الالون والنقاوه وحتى الريسبونس تايم عالى خالص فيها
بص يا باشا لو مش هتشغل البلازما على كمبيوتر و القنوات معليهاش تترات كتير يبقى البلازما هاتبقى حلوه
شوفت فى اسبينيس من فتره عرض على الشاشات و كان فى حاجات ب 2500 32 بوصه ال جى او سونى
عموما يا باشا السونى lcd انضف من ال جى بلازما و جايب واحده 42 بوصه بس كانت ب 5000 شوفتها فى كارفور و الريسبوند و الكونستراكشن بتاعها كان عالى و امكانياتها حلوه و صورتها فى الافلام اكتر من ممتازه و خصوصا فى الافلام الى الاضاءه بتاعتها غامقه و اماكن التصوير سوداء عشان الصناعه بتاعتها نضيفه و ده بيفرق من شاشه للتانيه و الصوره حتى مع الافلام العاديه مش ال hd بتبقى كويسه حتى لو العرض من اللاب او من فلاشه - بس عيبها مبتشغلش كل الصيغ avi بس تقريبا و ال rmvb لا
بس عرض و صوت جميله جدا
بصراحه ارشحلك حاجة سونى
اه نسيت اقولك انا جايب البلازمة ال 50 بوصة lg
وماشاء الله صورة تحفة وحكاية والوان روعة
و full hd
Samsung ...lg ..sony الخ .....الخ كله تقفيل مصرى و ضمان سنة
Panasonic الوحيدة تقفيل ماليزى و ضمان خمس سنين .....
بالنسبة للبﻻزما panasonic نمرة واحد فى العالم ( بتكلم عن البﻻزما بس)
معلش مع احترامى لسعادتك السامسونج لا يجمع فى مصر لسة المصنع بتاعه هيشتغل فى بنى سويف على اخر السنة انما ال جى هى المجمعة فى مصر وانا شاريها تايلاندى 51 بوصة من كارفور ب 4000 جنيه من شهر ونص بس full hd صورة خرافية وانا كان عندى فكرة قديمة عن البلازما انها تكنولوجيا قديمة وبتسخن وعمر افتراضى قصير ولذلك انا اشتريت ال سى دى من سنتين لكن كل الكلام ده اتغير تماما مع تغيير تكنولوجيا التصنيع اصبحت درجة التباين اعلى من 1 الى 5 مليون وعمر افتراضى 120 الف ساعة وخفيفة جدا ومافيش اى حرارة بتطلع منها على الاطلاق ودرجة وضوح رهيبة اعلى من led وعلى فكرة انا كنت ناوى اشترى اصلا led لكن لما شفت البلازما لقيتها احسن بكتير والاجمل بقى سرعة الاستجابة فى سامسونج اعلى لانها تردد 800 هيرتز وده اعلى حاجة سعادتك وال جى 600 هيرتز
ثانيا سامسونج معروف انها الشاشة رقم واحد فى العالم ومكتوب عليها اصلا كدة موش دعاية ده راى الخبراء نظرا للتكنولوجيا المتقدمة عن باقى الانواع الاخرى لدرجة انه شركة سونى الان هتشترى منهم بعض الاجزاء علشان تحطها فى شاشتها
بصراحة الفرق بينها وبين ال سى دى زى المرسيدس وال 128 فيات
تقبل تحياتى
بدون الدخول فى اى تفاصيل او اى اراء لان كل واحد حاجته هى الافضل ...
سامسونج هو اكبر صانع/مطور شاشات فى العالم ........
و كمعلومه سونى كل شاشاتها سامسونج !! مثل كل منتجات ابل من ايفون/اباد شاشات سامسونج ...
تحياتى ...
لو دى اللى عندك يبقى HD مش Full HD
LG 50PA4520
شاشة تليفزيون ال جى 50 بوصة بلازما Model:50PA4520
LG 50PA4520 | LG Electronics EG_EN
انا عندى الموديل ده وهيا ممتازة جداا
ودى أحدث موديل بلازما من LG
الشاشة عاملة 4000 أو 4100 جنيه
الـ 42 بوصة منها بـ 3000 أو 3100 جنيه تقريبا
باشا انا مرشحش السونى خالص دلوقتى بصراحة
انا لسة جايب واحدة سونى led 32 وعايز اقولك ان صورتها زبالة جنب ال جى lcd نفس المقاس
سونى راحت عليها تماما فى التليفزيونات واسعارها وحشة جدا جدا مقارنة بسام وال جى
بالنسبة لصاحب الموضوع
انا عندى ال جى بلازما 50 بوصة
وانصحك ببلازما يبقى ال جى مش سامسونج حتى
واسعاها معقولة جدا
بس لازم تعرف ان البلازما لية محافظة علشان الشاشة ميحصلش فيها حرق بسبب اللوجوهات والتترات السفلية والمحافظة بتبقى انك اول 100 ساعة استخدام للتليفزيون متشغلش علية اى قناة فيها لوجو ثابت (مفيش غير ال mbc max اللى لوجوها متحرك ومفيهاش تتر سفلى )
وبعد ال 100 ساعة مفيش مشكلة بس قبل ما تقفل التليفزيون تحطة على مود ال color wash ساعة او اتنين (ممكن تعمل زى تظبط ال sleep time على ساعة او اتنين ) وتشغل الكلور واش وتدخل تنام وهوة حيقفل لوحدة
لكن البلازما كشاشة اعلى كتير جدااااااااااااااااااااا من ال اى دى وال سى دى
تحياتى
سامسونج اشترت بالكامل فى 2012 كل خطوط الانتاج lcd لسونى و كامل حقوق الملكيه و الابتكار ...... و منذ ذلك الوقت اصبحت سامسونح اكبر صانع/مطور شاشات lcl & led فى العالم .........
On December 26, 2011, Samsung Electronics announced that it will acquire all of Sony's shares. On January 19, 2012, Sony sold to Samsung all of its shares of S-LCD for 1.07 trillion Korean won (72 billion Japanese yen) in cash.
المصدر :
S-LCD - Wikipedia, the free encyclopedia
تحياتى ...
بلاش بلازما بتعجز مع الوقت
و نصيحة متشتريش LCD
هات Samsung LED بلاش LG
Series 5 مثلا 32 بوصة مش هتبقى غالية خالص
صاحبى لسه شارى ال Samsung series 6 40UAD6600
40 بوصة بحوالى 7 الاف
ثرى دى و ليد و built in wireless و براوزر
لو كل دا مش لازم هات الجيل الخامس هتبقى تحفة بردو و هتبقى ارخص بكتييير
حضرتك راجع معلوماتك جيدا ...
- IPS تكنولوجى من ال جى ... يقابلها و يتفوق عليها PLS من سامسونج خصوصا فى شاشات الرتينا RETINA DISPLAY ...
- ابل تتعاون فى الشاشات مع سامسونج/ال جى / شارب ... لكن اغلب شاشاتها سامسونج و مؤخرا نظرا للمشاكل و القضايا الى بينهم تتعاون اكثر مع ال جى lg و كذلك شارب SHARP... لكن الماك بوك بروMACBOOK PRO الرتينا retina الجديده 2012 كل شاشات lg وجد بها عيوب/مشاكل IMAGE RETENTION & GHOSTING ... و لكن شاشات سامسونج ليس بها هذا العيب .... كذلك شاشات ال جى/شارب فشلت فى اختبارات ابل للجوده فى للسوق الامريكى ...
The Retina display featured in the new iPad will come from Samsung, rather than competitors Sharp or LG, reports Bloomberg. According to IHS iSuppli’s Vinita Jakhanwal, the other manufacturers couldn’t meet Apple’s quality control demands.
المصادر :
Samsung Supplies Apple With Touch Screen for New IPad - Bloomberg
Apple hands iPad screen contract to rival Samsung • The Register
The iPads Retina Display is Made by Samsung
تحياتى ...
موضوع انها تعجز كان زمان التكنولجى فى تصنيع البلازما اتغيرت عن الاول
وحقولك حاجه اغلب القهاوى بتجيب البلازما مش عشان حاجه الا عشان سعرها ارخص كتير فى المقاسات الكبيره ودايما اشوفها بعد مرور الوقت بنفس الجوده فى الالون والنقاء وانت عارف بقه القهاوى بتشغل التلفزيونات كام ساعه فى اليوم..... ياراجل ده انا الشاشه الى عندى LCD هيا الى عجزت :fun_36_3_4[1]:
panasonic th42m30x
بلازما ٤٢ بوصة
made in thailand ..sd card + 2 usb
بيتركب لها wifi adaptor و تخش علي الفيس بوك ...فيس بوك بس مش بزوزر
ايام ماجيت اشتريها كان كل samsung ..lg ..sony تقفيل مصري و لما تبق في ضهر الشاسة تلاقي شكل التقفيل بتاعهم مش حلو
كانت من حوالي سنة و اكتز من كارفور بحوالي ٣٤٠٠ و كانت اغلي من السامسونج بحاجة بسيطة ايامها
الباناسونك الوحيد الي ضمانة ٥ سنين موسسة بغداد
يا جماعة مش عايزين نبعد عن الموضوع الأصلي بتاع الراجل، هو عايز حاجة في رينج 2500 جنيه. وانا كمااااان زيه. ايه بقى؟ :shyy:
ما هى البلازما حلاوتها انها تكون كبيرة بصراحة حاجة جامدة جدا و لا احبذ ان تقل عن 42 بوصة فالافضل انتظر لما تكمل ثمنها وبلاش تتسرع
محدش سئل نفسة لية الشاشات البلازما سعرها نزل قوى كده؟؟؟
علشان الشاشات دى ستوكات فى المصانع بتخلص منها علشان مافيش ليها اى قطع غيار عندهم علشان كده بيخفضوا اسعارها وطبعا الزبون بيفرح بالتخفيضات ويلبس اسود بعد كده فى اى عطل مفاجئ نتيجة سوء استخدام او عيب تصنيع وخللى بالك ان الضمان بتاعها مزيف بمعنى انا ليا 2 صحابى عطلت الشاشات دى عندهم بعد سنة الضمان واحدة سامسونج والتانية lg وطبعا مالقوش قطع غيار فى التوكيل واتقللهم كدة واترمت الشاشتين انصحك بشراء شاشات led اى نوع بس ابعد عن البلازما ملهاش لازمة!!!!
:dontudear::dontudear:
اشتريت من اسبوع شاشه lg 42 led ب 4600 جنيه معقوله الى حدما ........على الرغم من استخدامى سنتين شاشه هايسنس 37 lcd وبرضه كانت ممتازه بس نسيبى شارى سامسونج 40 بوصه led روعه روعه بحوالى 4200 جنيه
قضية انه الشاشة تعطل بعد سنة ده امر وارد لكن نسبته كام فى الميه ؟ وبالذات مع ماركات عريقة زى سامسونج وال جى ده الصينى التعبان شغال عند الناس من سنين طويلة بدون مشاكل--ثانيا الضمان 3 سنوات وليس سنة واحدة
تقبل تحياتى
طالما هو امر وارد الحدوث يبقى ممكن يحصل فى اى وقت ... ساعتها اكنك رميت فلوسك فى الارض ...
حضرتك الفكره ان شاشات البلازما لا تصنع و كل الى موجود مخزون قديم ...
حتى لو اسعارها مغريه ... فهى مخاطره لعدم وجود قطع غيار لها ... لذلك وجب التنويه ... و طبعا بعد كده كل واحد حر فى رايه و فلوسه :)
تحياتى ...
يا باشا ازاى بس البلازما لا تصنع حضرتك جبت المعلومة دى منين ؟؟؟؟
طب وبالنسبة لشاشة سامسونج السنة دى ال d8000 اللى ب 20000 جنية دى بردة مخزون مش موديل السنة (مبتكلمش على الموديل ال led es8000 ) لان الاتنين نازلين مع بعض فى نفس الوقت بس واحدة بلازما وواحدة ال اى دى ؟؟؟
يا باشا البلازما دة خط انتاج بينزل كل سنة ولم يتم توقف انتاجة ولا اى حاجة
الفكرة فى سعرة الارخص عن ال اى دى هى ال panel الخاصة بتليفزيونات led اعقد تكنلوجيا واغلى بس هى دى الفكرة
لكن البلازما موجودة وبينزل موديل زى العربيات كدة كل سنة
تحياتى
حضرتك تقصد E8000 دى تصنيع حديث انا بتكلم عن الموديلات اللى موجودة فى السوق حاليا فى مصر اللى عليها خصومات فى الأسعار 32 بوصة كلها مخزون قديم بتكنولوجيا قديمة ومالهاش قطع غيار حتى فى التوكيل وده مش كلام ده حدث بالفعل لصحابى واحد هواء التكييف بوظ جزء من الشاشة والتانى العيال ضربو الشاشة بالكورة ونصف الشاشة اسود ودى حاجة ممكن تحصل لاى واحد مننا وكل واحد براحته
51-inch E8000 Series 8 Smart Full HD 1080p Plasma TV | S51E8000GU - Samsung UK - OVERVIEW
شوف حضرتك كدة النوع اللى انا اشتريته وقول لى رايك وهل متوفر له قطع غيار ولا لا مع العلم انه الضمان 3 سنوات والشاشة 51 بوصة
Plasma TV Series 5 - OVERVIEW | SAMSUNG
رحت امبارح كارفور اسكندريه وشوفت شاشتين فى اقصى امكانياتى الماديه لشاشات البلازما
شاشة lg4520 الى نصحو بيها الاخوه 42 بوصه بسعر 3150 جنيه وللاسف مكنش فيه منها غير واحده فى العرض ومفيش منها مخزون ...
والتانيه سامسونج موديل 450 سيريس 4 بسعر 3300 بس للامانه ورغم انى ضبط اعدادتها لاقصى نقاء الشاشه معجبتنيش وال lg متفوقه علها فى الصوره
المهم انا استقريت على 4520 lg 42 بوصه بس الاقيها فين فى اسكندريه ؟؟