الف شكر على مجهودك وتعبك يا فندم على كل المعلومات دى
والله انت انسان محترم .. بس ناقص بئى صوره لانسر . 2013
وامكانيه تركيبه وسعره
عرض للطباعة
الف شكر على مجهودك وتعبك يا فندم على كل المعلومات دى
والله انت انسان محترم .. بس ناقص بئى صوره لانسر . 2013
وامكانيه تركيبه وسعره
بسم الله الرحمن الرحيم
اولا الف حمدا لله على سلاميك يا متسيكيرو
لو انى مش عارف اقر الاسم كويس بالعربى يعنى ومعلش قدر الله وماشاء فعل وحاجات بتفادى حاجات وانا لسة برضة امبارح واقف فى اشارة مرور جه واحد من ورايا بتاكسى لادا رزع العربية من ورا نزلت الحمد لله خربشلى الاكصدام كام خربوش بس انا كدا كدا كنت حاجز للعربية تلميع عند البوهيجى بتاعى فمعلش كلة خير وطالما انت كويس قول الحمد لله
اما بالنسبة للصور ان شاء الله هصورلكم الطنابير ويوم الاحد ممكن اروح اغسل العربية فى بنزينة فلو رفعتها هصورلكم العربية من ورا تحت علشان موضوع الميزان
انا هصورلكم العربية عندى بس بعد الصور اللى شفتها دى اعتقد انه فعلا مش موجود عندى انا لما العربية بتترفع علشان تظبط زوايا ببص عليها دايما من تحت مشفتوش قبل كدا بس برضة هبص عليها واصورها واقولكم واحتمال انزل دلوقتى ابص واجى اقولكم
دورلتلكم على النت لقيت الموضوعين دول
http://www.nilemotors.net/Nile/143060-1300.html
http://www.nilemotors.net/Nile/124251-1300.html
يا باشا لا شكر علي واجب
احنا هنا كلنا بنفيد بعض و انا ياما اتعلمت من الناس هنا و اقل واجب اني انقل المعلومات دي للناس اللي محتاجينها
اللانسر بالذات معايا من 13 سنه او اكتر و حافظها صم و متابعها جدا ده غير علاقتي بالصنايعية اللي في التوكيل من اكتر من 11 سنه علمتني كتير اوي اوي و كل ده تحت امر اي حد لان في الاخر المعلومة ملهاش اي معني لو مفدتش بيها غيرك
انا هسأل علي سعر الميزان الخلفي و اقل لكم بأذن الله و انا فاكر انه كان ب 350 جنية تقريبا استيراد من سنه بس هتأكد علشان مقولشي معلومة غلط يمكن يكون رخص
اساسا المشكلة غالبا هتبقي في مشتملات تركيبة لانه راكب بكليبسات و مسامير و الحاجات دي اوقات مش بتبقي موجودة
والله اعلي و اعلم
مش موجود عندى ياجماعه انا لسة جاى دلوقتى من تحت نزلت ابص مش موجود الميزان الخلفى وانا حاولت اصور المكان بس الصورة كانت رديئة لاننا بليل ان شاء الله اصورهالكم بالنهار بس لما اروح بنزينة واكون هرفع العربية بس على ما اعتقد ان مفيش عندى مكان اخرام يركب فيها بس لما اصورلكم العربية من تحت نشوف اكتر
الله يسلمك ياباشا الحمد لله يادوب فانوس و اكصدام و جزء كبير من الشنطة و قاعدة اكصدام و فرش الشنطة اتقطع و الاصعب ان الراجل لبسني في اللي قدامي فالوش اتاذي بس بسيط
الحمد لله اللي يجي في الصاج مش مهم
الاسم ميتسو من ميتسوبيشي و كيرو من كريم ههههههه اي خدمة ياعم محدش يعرف التفسير ده تقريبا
مستنيين الصور و انت المرجع الوحيد لينا في ال 1300
بس السؤال هو الميزان دا نازل فى عفشة ال 1600 اللى عرفنا ان المساعدين فيها مختلفة والطنابير على قول العضو ميستوكيرو بس اعتقد حتة الطانبير دى تابعة لموضوع الابعاد مش 1600 و 1300 بس عموما السؤال هنا هو ميأثرش على حاجة فى العفشة بمعنى انى اقصد بسؤالى هيا عفشة ال 1300 تستحملة
وبعدين بقى فى حاجة مهمة اكتر يعنى شركة ميتسوبيشى مش مكفيها كل الفروق اللى ما بين ال 1300 وال 1600 كمان عملالها عفشة مختلفة والله الواحد لو يعرف كل ده مكنش ركب 1300 خالص على كدا تبقى ال 1300 غالية قوى يعنى انا شاريها زيرو سنة 2009 كاملة مانيوال ب 93500 وقتها كانت ال 1600 ب 107 اوتوماتيك وب 102 مانيوال بس طبعا الفلوس كانت مقصرة معايا وبما انى كان معايا كريستالة 98 تعتبر من الزيرو لانها كانت مع عمى وانا اشتريتها منه وكانت 1300 فكنت معجب بحكاية 1300 دى قوى انما دلوتى بقول ياريتنى كنت دفعت اللى معايا وكنت قسط الباقى بس الخيرة فيما اختارة الله وبرضة ده علشان انا استعجلت ومسألتش كويس عن كل الحاجات دى انا كنت مفكر ان ال 1600 هيا هيا ال 1300 الاختلاف بس فى الماتور والكماليات الداخلية للسيارة بس اهو كل يوم الواحد بيتعلم
الحمد لله طبعا على كل حال على فكرة انا مبقتش ازعل على حاجة من يوم ما اتحرمت من ابنى الحبيب وهو عمرة ساعه صدقنى مبقتش ازعل على حاجة ولا بت تفرق معايا حاجة لان اهم حاجة فى دنيتى راحت يمكن ارجع زى الاول لما ربنا يإذنلى ويعوضنى عن ابنى يحيى
المهم مش عاوز اكئبكم معايا
طيب شوفلنا سعرة كام دا ياجماعه يمكن الواحد يركبة بس العربية معايا مبتحدفش فى الغرز ولا حاجة عموما انا مسوقتش 1600 غير مرتين تلاتة ومخدتش بيها غرز فمش عارف الفرق بس واضح انكم متاكدين انه هيفرق ممكن اركبة بس لو فى حدود 400 او اقل اكتر من كدا مش لاعب اجيب بالفلوس احسن طقم الكاتينة ياعم انا مش هارى الطريق غرز يعنى