الموضوع: كلاب جريفون ( كتاكيت ) فرنساوي للبيع

صباح الخير يا شباب
نظراً. لطلب الجماهير. ونظراً لكثرة الرسائل الي جتلي فبدل ما اقعد ابعت رسالة رسالة
وهنا المنتدى بيقولي بين الرسالة والرسالة ٩٠ دقيقة
فانا قلت احط السعر على العام وخلاص واشتري دماغي :)

السعر بإذن الله :

499 le


والله ولي التوفيق ... وتحياتي

المشاركة الأصلية كتبت بواسطة mido

ممكن السعر لواحد بس ؟ وهل تربيتهم صعبة ؟

سعر الواحد يا فندم ٥٠٠ جنية ...

بالنسبة للتربية علشان ناس كتير سئلتني نفس السؤال ... عارفين الطفل الصغير البيبي !!

تربيتهم بالزبط بالزبط كانك بتربي بيبي ... وسبحان الله. عارف لمن يكون عندك ولد وتلاقيه مكبر دماغو. ويكون عندك بنوته صغيرة دلووعة. اهي الكلاب دي كدة ... مش عاوز اقولك لمن اجي طالع الشغل بلاقي الكلاب. بتقعد تعيط وتشبط فيا عاوزة تيجي معايا ... حتى لمن تيجي. ترجع من بره بتلاقيها بترقص وتتنطط فرحانه انك رجعت. وتلاقيها وهيا بتنطط وبتهز ديلها كده تحس انها فرحانه وهيا بتقول بابا جه بابا جه ههههه

بالنسبة لاكلها. بتاكول اي حاجة انتا بتاكولها حتى لو كنت بتاكول لبانة او شوية لب سوبر تبص تلاقي تقعد جمبك تقزقز .... وياااااااه تاخود على خطرها. قووي لمن البت بنتي تفتح كيس شيبس او دوريتوز. ومتعزمشي عليها بوحدة ... بتموت كمان في ايسكريم مكسيكان بتاع اعلان (ابوويه الله يخرب بيتك عملت في ابويا ايه. )

حتى شوكلاتت فريسكا بتموووت فيها اي حاجة بتاكولها وبتبوس ديلها وش وظهر

@@@@@@@@@@@@

بالنسبة للاطفال :

الاطفال زيهم زي طفل الانسان كدة ليه تطعيمات. ليه نظام غزائي معين يعني ممكن تحطلوا شوية لبن في طبق او تبل صباعك بشوية لبن وتخلي الكلب النونو يلحسوا ... او ممكن تجيب بزازة وتقعد ترضعوا عادي يعني ده في حالت ام الكلاب ماتت وهيا بتخلفهم ... او جالها نوع من جفاف الثدي فممكن نستعين بحليب الابقار لارضاع الصغار يدويا ً ... بس طبعاً هما اساساً بعد شهر ونص بنبتدي بقه نفطمهم. ونعودهم انهم يلحسوا اللبن من الطبق .

بمجرد ما يكبرو شوية تبتدي. تحطلهم شوية فول مهروس مثلاً او بيض مسلوق. بس برضو تهرس هولهم لغايت ما يبتدوا يسننوو ... بس طبعاً بصفة عامه ممنوع اللحوم النية للكلاب. وبرضوا الناس الي تقول اصل دي كلاب شبه القطط خليني افتحلها علبة تونة. ... الاسماك بصفة عامة تسبب الجرب للكلاب المشعرة والانشون والباسترمة تسبب الديدان ... برضو من ضمن الاخطاء الشائعه لو هتجيب لهم هياكل. ابقى شيل مخالب الهيكل او منقار الطير لان لايمكن هضمها ... وتسبب تمزق المعدة ....

ايضاً في عيادة مخصصة للكلاب. ... ومتستغربش لمن اقولك ان الكلب لمن يكون تعبان. بيروح المستشفى ويديلوا جيلكوز وممكن يتعملوا اشعة وتحاليل زيو زي البني ادم بالزبط .... ده في قسم عناية مركزة للكلاب .

دنيا تانية الكلاب دي :
ده حتى الي بيخاف من الكلاب يقدر يكسر الخوف الي جواه عن طريق تربية كلب ... ممكن تاخود كلب للفلانتين داااي. وتديه لجو بتاعك ... وتحرك مشاعر الامومة جوها ههههههه

فقط لا تنسى انتا مبتتعاملشي مع كلاب. تذكر دائماً انها كائن حي من لحم ودم وفيها روح ومخ بتفكر بيه ومشاعر ... وتحياتي