الموضوع: تجربتي مع ضبط الزوايا

ألف شكر على نقل تجربتك

المشاركة الأصلية كتبت بواسطة dandashx

العربية كانت بتحدف شمال. رجت بريدجستون عمارات العبور، والضبط كان زي عدمه. الحدفة فضلت زي ما هيا ويمكن زادت كمان. رحتلهم بعدها بأسبوع، وهناك كلمت مدير المركز وشرحتله الموقف وقلتله بالمرة خلي الراجل يكشفلي عالعفشة، قام خلى الراجل يكشف عالعفشة ويضبط زوايا تاني. والنتيجة، العربية رجعت تحدف زي أول مرة خالص.

بعدها بالصدفة كنت باغير زيت في بنزينة شل اللي في شارع دمشق. وخليت الراجل بتاع ضبط الزوايا يكشفلي عالعربية.
من اول مرة عجبني شغله وحست إنه واحد فاهم. خلاصة كلامه إن الزوايا مضبوطة بس الحدفة سببها اعوجاج في المساعد الأمامي يمين (مقفول من فوق لجوه). وقاللي ممكن تعمل زرجينة بس منصحش بيها للمساعدين والأفضل تغير المساعدين وخصوصا إنهم محتاجين تغيير.

بالفعل سمعت نصيحته، وغيرت المساعدين، ورجعتله بالعربية بعدها بأسبوعين، ضبطلي زوايا صح. والعربية بقت مضبوطة معايا الحمد لله.

الخلاصة:
- مش أي مركز معتمد معناه إنه كويس في شغل الزوايا. إنت ونصيبك مع اللي هناك.
- حدفة العربية ممكن يكون سببها حاجة في العفشة لو ضبط الزوايا محلهاش.
- العفشجي الفاهم بيريح.

تسلم ايديك على نقل تجربتك
وكلامك مضبوط

جميل